ମୁଖ୍ୟମନ୍ତ୍ରୀ ଜଗମୋହନ ରେଡ୍ଡୀଙ୍କ ବଡ ଘୋଷଣା : ଆନ୍ଧ୍ରର ନୂଆ ରାଜଧାନୀ ହେବ ବିଶାଖାପାଟନା ..
1 min read
ଆନ୍ଧ୍ରପ୍ରଦେଶ : ବିଶାଖାପଟ୍ଟନମ ହେବ ଆନ୍ଧ୍ରପ୍ରଦେଶର ରାଜଧାନୀ । ଘେଷଣା କଲେ ଆନ୍ଦ୍ରପ୍ରଦେଶର ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀ । ଆଜି ମୁଖ୍ୟମନ୍ତ୍ରୀ ୱାଇଏସ ଜଗନ୍ ମୋହନ ରେଡ୍ଡୀ ନୂତନ ରାଜଧାନୀର ନାଁ ଘୋଷଣା କରିଛନ୍ତି । ଏ ସମ୍ପର୍କରେ ସୂଚନା ଦେଇ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନ୍ ମୋହନ ରେଡ୍ଡୀ କହିଛନ୍ତି ଯେ ବିଶାଖାପାଟଣାକୁ ରାଜ୍ୟର ରାଜଧାନୀ କରାଯିବ । ଏହା ସହ ତାଙ୍କ କାର୍ଯ୍ୟାଳୟ ମଧ୍ୟ ବିଶାଖାପାଟଣାକୁ ସ୍ଥାନାନ୍ତର କରାଯିବ
। ବାସ୍ତବରେ ହାଇଦ୍ରାବାଦକୁ ତେଲେଙ୍ଗାନା ଏବଂ ଆନ୍ଧ୍ରପ୍ରଦେଶର ସାଧାରଣ ରାଜଧାନୀ ଭାବରେ ମାତ୍ର ୧୦ ବର୍ଷ ପାଇଁ ଘୋଷଣା କରାଯାଇଛି । ଏହି ସମୟ ଅବଧି ସମାପ୍ତ ହେବା ପରେ ହାଇଦ୍ରାବାଦକୁ ତେଲେଙ୍ଗାନା ହସ୍ତାନ୍ତର କରିବାକୁ ନିଷ୍ପତି ନିଆଯାଇଛି । ଏଭଳି ପରିସ୍ଥିତିରେ ଆନ୍ଧ୍ରପ୍ରଦେଶକୁ ୨୦୨୪ ପୂର୍ବରୁ ରାଜଧାନୀ ଘୋଷଣା କରିବାକୁ ପଡିଥିବା ସେ କହିଛନ୍ତି ।
ଏପ୍ରିଲ୍ ୨୩, ୨୦୧୫ରେ ଆନ୍ଧ୍ର ସରକାର ଅମରାବତୀଙ୍କୁ ଏହାର ରାଜଧାନୀ ଭାବେ ଘୋଷଣା କରିଥିଲେ । ତା’ପରେ ୨୦୨୦ରେ ରାଜ୍ୟ ତିନୋଟି ରାଜଧାନୀ ନିର୍ମାଣ କରିବାକୁ ଯୋଜନା କରିଥିଲା, ଯେଉଁଥିରେ ଅମରାବତୀ, ବିଶାଖାପାଟଣା ଏବଂ କୁର୍ନୁଲ୍ ଅନ୍ତର୍ଭୁକ୍ତ ଥିଲା ।ପରେ ସେହି ଯୋଜନା ସରକାର ପ୍ରତ୍ୟାହାର କରିନେବା ସହ ଅମରାବତୀ ଆନ୍ଧ୍ରର ରାଜଧାନୀ ହୋଇ ରହିଥିଲା । ହେଲେ ଆଜି ଆନ୍ଧ୍ର ସରକାର ବିଶାଖାପାଟଣାକୁ ରାଜଧାନୀ କରିବାକୁ ନିଷ୍ପତି ନେଇଛନ୍ତି । ଏହାପୂର୍ବରୁ ଚନ୍ଦ୍ରବାବୁ ନାଇଡୁଙ୍କ ଟିଡିପି ସରକାର ଅମରାବତୀଙ୍କୁ ଆନ୍ଧ୍ରପ୍ରଦେଶର ପରବର୍ତୀ ରାଜଧାନୀ ବୋଲି ଘୋଷଣା କରିଥିଲେ । ତେବେ ଜଗନ ମୋହନ ସରକାର ବର୍ତମାନ ବିଶାଖାପଟ୍ଟନମକୁ ରାଜଧାନୀ କରିବାକୁ ଘୋଷଣା କରିଛନ୍ତି ।
