ମୁଖ୍ୟମନ୍ତ୍ରୀଙ୍କ ସୁରକ୍ଷାରେ ଅଣଦେଖା; ଅଣ୍ଟାରେ ବନ୍ଧୁକ ରଖି ବ୍ୟକ୍ତି ପିନ୍ଧାଇଲେ ଫୁଲମାଳ……ଭିଡିଓ ହେଲା ଭାଇରାଲ
1 min read
ନିର୍ବାଚନ ପାଖେଇ ପାଖେଇ ଆସୁଛି | ଏହି ସମୟରେ ପାର୍ଥୀମାନଙ୍କ ଦ୍ୱାରା ପ୍ରଚାର ଶୈଳୀ ଏବଂ ପ୍ରତିଶୃତି ମଧ୍ୟ ଲୋକଙ୍କୁ କରିଛି ଆଶ୍ଚର୍ଯ୍ୟ | ଏଥି ମଧ୍ୟରେ ଏକ ନୂଆ ଖବର କର୍ଣ୍ଣାଟକ ବେଙ୍ଗାଲୁରୁରେ ଏକ ଆଶ୍ଚର୍ଯ୍ୟ କରାଇଛି | ଅଣ୍ଟାରେ ବନ୍ଧୁକ ଖୋସି ହାତରେ ଫୁଲ ମାଳ ଧରି ଖୋଲା ଗାଡ଼ିରେ ରାଜ୍ୟର ମୁଖ୍ୟମନ୍ତ୍ରୀ ସିଦ୍ଧରମୈୟା ପାଖକୁ ଯାଇଥିଲେ |
ତେବେ ନିର୍ବାଚନ ପ୍ରଚାର କାର୍ଯ୍ୟକ୍ରମରେ କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟା ଯୋଗ ଦେଇଥିଲେ । ରାଜ୍ୟର ପରିବହନ ମନ୍ତ୍ରୀ ରାମଲିଙ୍ଗା ରେଡ୍ଡୀଙ୍କ ଝିଅ ତଥା କଂଗ୍ରେସର ଲୋକସଭା ପ୍ରାର୍ଥୀ ସୌମ୍ୟା ରେଡ୍ଡୀଙ୍କ ପାଇଁ ସିଦ୍ଧରମୈୟା ପ୍ରଚାର କରୁଥିଲେ । ଏହି ସମୟର ଘଟଣା | ତେବେ ଏହି ଭିଡ଼ିଓରେ ଅନ୍ୟ ନେଯତା ମଧ୍ୟ ତାଙ୍କ ନିକଟରେ ଦେଖିବାକୁ ମିଳିଥିଲା |
ଏହି ଗଘାତଣା ଉପରେ ବିଜେପି ସୋସିଆଲ ମିଡ଼ିଆ X ରେ କହିଥିଲା ଯେ, ଏହା ପ୍ରମାଣ ଯେ, ମୁଖ୍ୟମନ୍ତ୍ରୀଙ୍କୁ ଫୁଲମାଳ ପିନ୍ଧାଇବାକୁ ଆସିଥିବା ଲୋକମାନେ, ଗୁଣ୍ଡା ଲୋକ | ବିଜେପି ମଧ୍ୟ ଏହି ଘଟଣାର ଭିଡ଼ିଓ ସୋସିଆଲ ମିଡିଆରେ ସେୟାର କରିଥିଲା | ତେବେ ମୁଖ୍ୟମନ୍ତ୍ରୀଙ୍କ ପାଖେ ବନ୍ଧୁକ ଦେଖାଯିବାକୁ ନେଇ କର୍ଣ୍ଣାଟକରେ ପ୍ରତିକ୍ରିୟା ପ୍ରକାଶ ପାଇଛି ।
ତେବେ ପୋଲିସ ସୂଚନା ମୁତାବକ ବ୍ୟକ୍ତି ଜଣକ ହେଉଛନ୍ତି ରିୟାଜ | ସେ ଫୁଲମାଳ ଚଢ଼ାଇବାକୁ ଗାଡି ଉପରେ ଚଢ଼ିଥିଲେ | ତେବେ ପୂର୍ବ ରେକର୍ଡ ଅନୁସାରେ ରିୟାଜ ଏକ ହିଂସାତ୍ମକ ଆକ୍ରମଣ ପରେ ସେ ନିଜ ସୁରକ୍ଷା ପାଇଁ ବନ୍ଧୁକ ରଖୁଛନ୍ତି ବୋଲି କହିଥିଲେ | ତେବେ ଘଟଣାଟି ୱିଲସନ ଗାର୍ଡେନ ନିକଟରେ ଘଟିଥିଲା । ବନ୍ଧୁକର ଲାଇସେନ୍ସ ମଧ୍ୟ ରିୟାଜଙ୍କ ନିକଟରେ ରହିଛି ବୋଲି ଜଣାପଡ଼ିଛି । ତେବେ ଏନେଇ ଅଧିକ ତଦନ୍ତ ଜାରି ରହିଛି ବୋଲି ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି ।
