ପୁଣି ରାଜଧାନୀରୁ ଲଜ୍ୟା : ସାହାର୍ଯ୍ୟ କରିବା ବାହାନାରେ ମହିଳାଙ୍କୁ ଗଣଦୁଷ୍କର୍ମ କଲେ ଯୁବକ(ଭିଡିଓ)
1 min read
ଭୁବନେଶ୍ୱର : ପୁଣି ରାଜଧାନୀରୁ ଲଜ୍ୟା । ସାହାର୍ଯ୍ୟ କରିବା ଆଳରେ ମହିଳାଙ୍କ ଫାଇଦା ଉଠାଇଲେ ଯୁବକ । ରାତି ଅଧରେ ରହିବା ପାଇଁ ଘର ଖୋଜିଦେବା କହି ମହିଳାଙ୍କ ସହ ଦୁଷ୍କର୍ମ କରିଥିଲେ ଯୁବକ । ପୀଡ଼ିତା ଏନେଇ ଅଭିଯୋଗ କରିବା ପରେ କମିଶନରେଟ୍ ପୁଲିସ୍ ମାମଲା ରୁଜୁ କରି ଦୁଇ ଅଭିଯୁକ୍ତଙ୍କୁ ଗିରଫ କରିଛି।
ପୀଡିତା ମହିଳା ଜଣଙ୍କ କୌଣସି କାମରେ କଟକରୁ ଭୁବନେଶ୍ୱର ଆସିଥିଲେ। କାମ ସରୁ ସରୁ ରାତି ହୋଇଯାଇଥିଲା। ଆଉ ଘରକୁ ଫେରିପାରୁନଥିଲେ। ତେଣୁ ରାମମନ୍ଦିର ଛକରେ ବସି ଥିଲେ। ଏହି ସମୟରେ ଅନୁଗୋଳ ଓ ପୁରୀ ଜିଲ୍ଲା ଚନ୍ଦନପୁର ଅଞ୍ଚଳର ଦୁଇ ଜଣ ଯୁବକ ବାହାନା କରି ତାଙ୍କ ସହିତ କଥା ହୋଇଥିଲେ। ଆଉ ସେହି ସମୟରେ ନିଜ ଅସହାୟତା ପ୍ରକାଶ କରିଥିଲେ ସ୍ମିତା। ଏହା ପରେ ଯୁବକ ଦୁଇ ଜଣ ତାଙ୍କ ରହିବାର ବ୍ୟବସ୍ଥା କରିଦେବେ ବୋଲି ପ୍ରତିଶ୍ରୁତି ଦେଇଥିଲେ।
ରାତି ବଢୁଥିବାରୁ ମହିଳା ଜଣଙ୍କ ଉପାୟ ନପାଇ ଉକ୍ତ ଯୁବକଙ୍କ ଉପରେ ବିଶ୍ୱାସ କରି ସେମାନଙ୍କ ସହିତ ଚାଲି ଯାଇଥିଲେ। ହେଲେ ଯୁବକ ଦୁଇ ଜଣ ତାଙ୍କୁ ଏକ ବ୍ୟାଙ୍କ୍ର ବେସମେଣ୍ଟକୁ ନେଇ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ପରେ ଦୁଇ ବଳାତ୍କାରୀ ସେଠାରୁ ଚମ୍ପଟ ମାରିଥିଲେ। ଆଜି ମହିଳା ଜଣଙ୍କ ଏନେଇ ଖାରବେଳନଗର ଥାନାରେ ଲିଖିତ ଅଭିଯୋଗ କରିଥିଲେ। କମିଶନରେଟ୍ ପୁଲିସ ମାମଲା ରୁଜୁ କରି ଦୁଇ ଅଭିଯୁକ୍ତଙ୍କୁ ଗିରଫ କରିଛି। ତେବେ ଏଥିରେ ଆଉ କେଉଁମାନଙ୍କ ସମ୍ପୃକ୍ତି ରହିଛି, ତାହା ବର୍ତ୍ତମାନ ସୁଦ୍ଧା ଜଣାପଡ଼ି ନାହିଁ।
