କମିଶନରେଟ୍ ପୋଲିସର ଅଭିନବ ଉପାୟ ; ରାଜଧାନୀ କାନ୍ଥରେ ଚୋରଙ୍କ ପୋଷ୍ଟର , ଧରାଇଦେଲେ ମିଳିବ ୧୦ ହଜାର ପୁରସ୍କାର …..

ଭୁବନେଶ୍ୱର ; ରାଜଧାନୀରେ ବଢୁଛି ଚୋରଙ୍କ ଉତ୍ପାତ୍ । ଏନେଇ କମିଶନରେଟ୍ ପୋଲିସର ଅଭିନବ ଉପାୟ । ଭୁବନେଶ୍ୱର କାନ୍ଥରେ ଲାଗିଲା ଚୋରମାନଙଯକ ପୋଷ୍ଟର । ଧରାଇଦେଲେ ମିଳିବ ୧୦ ହଜାର ଟଙ୍କାର ପୁରସ୍କାର ।

ରାଜଧାନୀରେ ବଢୁଥିବା ଚୋରୀ ଓ ଲୁଟକୁ ଚେକ୍ ଦେବାକୁ କମିଶନରେଟ ପୋଲିସର ଅଭିନବ ପ୍ରୟାସ ।ଚୋର ତଥା କୁଖ୍ୟାତ ଲୁଟେରାଙ୍କୁ ଧରିବାକୁ ଲୋକଙ୍କ ସାହାଯ୍ୟ ଲୋଡିଲା କମିଶନରେଟ ପୋଲିସ ।

Advertisement

ଚୋର ଧରାଇବାରେ ସାହାଯ୍ୟ କଲେ ପୁରସ୍କାର ସ୍ୱରୂପ ୧୦ ହଜାର ଟଙ୍କା ମିଳିବ ଏବଂ ସଂପୃକ୍ତ ବ୍ୟକ୍ତିଙ୍କ ନାମ ଗୋପନ ରହିବ ବୋଲି କମିଶନରେଟ ପୋଲିସ କହିଛି । ଯେଉଁସବୁ ଲୁଟେରା ଦୀର୍ଘ ଦିନ ହେବ ଫେରାର ରହିଛନ୍ତି ସେମାନଙ୍କ ଫଟୋକୁ ସାର୍ବଜନୀନ ସ୍ଥାନରେ ମାରିଛି ପୋଲିସ ।

ପାଖାପାଖି ୧୦୦ଟି ସ୍ଥାନରେ ପୋଲିସ ଲୁଟେରାଙ୍କ ପୋଷ୍ଟର ମାରିବାକୁ ନିଷ୍ପତି ନେଇଛି । ରାଜଧାନୀରେ ଥିବା ବିଭିନ୍ନ ଥାନା ଅଞ୍ଚଳର ଲୁଟ କେସର ଅଭିଯୁକ୍ତଙ୍କ ଫଟୋକୁ ବିଭିନ୍ନ ସ୍ଥାନରେ ମାରିବାକୁ କୁହାଯାଇଛି ।