ଏମିତି ବାହାଘର ମନେ ରହିବ ସବୁଦିନ ; ବିବାହ ରୀତିନୀତି ସରିବା ପରେ ହସ୍ପିଟାଲରେ ଭର୍ତ୍ତିହେଲେ ବର କନିଆଁ ।
1 min read
ନୂଆଦିଲ୍ଲୀ ; ଏମିତିବି ଏକ ବିବାହ । ନିକଟରେ ଏମିତି ଏକ ବାହାଘର ହୋଇଛି ଯାହାର ସବୁ ରୀତିନୀତି ସରିବା ପରେ ବର କନିଆଁ ଘରକୁ ଫେରିବା ପରିବର୍ତ୍ତେ ହସ୍ପିିଟାଲ ଯାଇଛନ୍ତି । ଯାହାର ଭିଡିଓ ଖୁବ୍ ଜୋରରେ ଭାଇରାଲ ହେବାରେ ଲାଗିଛି । ଯେଉଁଥିରେ ଏକ ସୁସଜ୍ଜିତ ବରକନିଆଁ ଗାଡି ସିଧା ହସ୍ପିଟାଲ ସମ୍ମୁଖରେ ଖୋଲିଛି । ଆଉ ସେଥି ମଧ୍ୟରୁ କନିଆଁକୁ ବାହାର କରାଯାଇଥ ମେଡିକାଲର ଷ୍ଟ୍ରେଚର ବେଡ୍ରେ ଭିତରକୁ ନିଆଯାଇଛି । ଏହା ପରେ ପରେ ବର ଓ ବର ଘରର ଲୋକମାନେ ମଧ୍ୟ ମେଡିକାଲରେ ଆଡମିଟ୍ ହୋଇଥିବା ଜଣାପଡିଛି । ଘଟଣାଟି ଏମିତି ଥିଲା କି ରାସ୍ତାରେ ଯିବା ସମୟରେ ହିଁ ବର-କନିଆଁ ସହ ବରଯାତ୍ରୀ ମାନଙ୍କ ଅବସ୍ଥା ହଠାତ୍ ବିଗିଡିଯାଇଥିଲା ।
ଗୁଜରାଟର ରାଜପିପ୍ଲାର ବର ହିମାଂଶୁ ବିବାହ କରିବାକୁ ଅହମ୍ମଦାବାଦରେ ପହଞ୍ଚିଥିଲେ। ହିମାଂଶୁ ଏବଂ ବିଦୀଙ୍କ ବିବାହ ରୀତିନୀତି ଖୁସିରେ ସମ୍ପନ୍ନ ମଧ୍ୟ ହୋଇଥିଲା । ବିବାହ ଉତ୍ସବରେ ବର, କନ୍ୟା ଏବଂ ବରଯାତ୍ରୀମାନେ ଖାଦ୍ୟ ଖାଇଥିଲେ। ସେ ବିଦାୟ ସମାରୋହ ଶେଷ କରି ରାଜପିପ୍ଲା ଅଭିମୁଖେ ଯାତ୍ରା କଲେ, କିନ୍ତୁ ବାଟରେ ବିବାହ ଅତିଥିମାନଙ୍କ ଭରପୂର ବସ୍ ରେ ଗୋଟିଏ ପରେ ଗୋଟିଏ ଲୋକ ଡାଇରିଆ, ବାନ୍ତି ଏବଂ ପେଟ ଯନ୍ତ୍ରଣା ଆରମ୍ଭ କଲେ ଜ୍ଝ କେବଳ ଏତିକି ନୁହେଁ, ବିବାହ ଅତିଥିମାନଙ୍କ ଅବସ୍ଥା ବିଗିଡିଯିବା ସହିତ କନିଆଁ ଏବଂ ବର ମଧ୍ୟ ସମସ୍ୟାର ସମ୍ମୁଖୀନ ହେବାକୁ ଲାଗିଲେ।
ଏହା ପରେ ବିବାହରେ ସାମିଲ ହୋଇଥିବା ଅତିଥିମାନଙ୍କ ପରିପୂର୍ଣ୍ଣ ବସ୍ କନ୍ୟା ଏବଂ ବରର ଗାଡି ଅହମ୍ମଦାବାଦ-ଭଦୋଦରା ଏକ୍ସପ୍ରେସ ରାଜପଥରେ ଥିବା ନାଡିଆଡ ଟୋଲ ନିକଟରେ ଅଟକି ରହିଥିଲା ଏବଂ ୧୦୮ କୁ ସୂଚନା ଦିଆଯାଇଥିଲା। ୧୦୮ ର ତିନୋଟି ଯାନ ଘଟଣାସ୍ଥଳରେ ପହଞ୍ଚିଥିଲା, କିନ୍ତୁ ବହୁ ସଂଖ୍ୟାରେ ରୋଗୀ ହେତୁ କିଛି ରୋଗୀଙ୍କୁ ୧୦୮ କୁ ଆଉ ଅନ୍ୟ ରୋଗୀଙ୍କୁ ବରଯାତ୍ରୀ ବସ୍ରେ ହସ୍ପିଟାଲ ପହଞ୍ଚାଯାଇଥିଲା । ସେଥି ମଧ୍ୟରୁ ବର କନ୍ୟା ସମେତ ପ୍ରାୟ ୪୫ ଜଣ ପୀଡିତା ଝାଡା ବାନ୍ତିର ସମ୍ମୁଖୀନ ହୋଇଥିଲେ ।
ଏହାପରେ ରୋଗୀମାନଙ୍କୁ ତୁରନ୍ତ ଚିକିତ୍ସାଳୟରେ ପହଞ୍ଚାଇ ଦିଆଯାଇଥ । ନାଡିଆଡ୍ ସିଭିଲ୍ ହସ୍ପିଟାଲର ଟିମ୍ ତୁରନ୍ତ ସମସ୍ତ ରୋଗୀଙ୍କୁ ଚିକିତ୍ସା କଲେ ଏବଂ କିଛି ଘଣ୍ଟା ମଧ୍ୟରେ ସମସ୍ତଙ୍କ ସ୍ୱାସ୍ଥ୍ୟରେ ଉନ୍ନତି ହେଲା ଜ୍ଝ ପରେ ବର, କନ୍ୟାଙ୍କ ସ୍ୱାସ୍ଥ୍ୟରେ ସୁଧାର ଆସିବାରୁ ସେମାନେ ରାଜପିପ୍ଲାକୁ ଫେରିଥିଲେ ।
