କଂଗ୍ରେସର ରୋଡ ଶୋ , ଘର ଘର ବୁଲି ପ୍ରାର୍ଥୀ କରୁଛନ୍ତି ପ୍ରଚାର ..
1 min read
ଦ୍ୱିତୀୟ ପର୍ଯ୍ୟାୟ ନିର୍ବାଚନର ପ୍ରାର୍ଥୀ ପତ୍ର ପ୍ରତ୍ୟାହାର ସରିଯାଇଥିବା ବେଳେ ବିଧିବଦ୍ଧ ଭାବେ ପ୍ରାର୍ଥୀ ମାନେ ନିଜ ନିଜ ସମର୍ଥକଙ୍କୁ ଧରି ପ୍ରଚାର ଆରମ୍ଭ କରିଛନ୍ତି।କନ୍ଧମାଳ ଲୋକସଭା କ୍ଷେତ୍ରରେ ଥିବା ବାଲିଗୁଡା ନିର୍ବାଚନ ମଣ୍ଡଳୀର କଂଗ୍ରେସ ସାଂସଦ ପ୍ରାର୍ଥୀ ଅମିର ଚାନ୍ଦ ନାୟକ ଓ ବିଧାୟକ ପ୍ରାର୍ଥୀ ଉପେନ୍ଦ୍ର ପ୍ରଧାନ କ.ନୂଆଗାଁ ବ୍ଲକରେ ନିଜ ଶକ୍ତି ପ୍ରଦର୍ଶନ କରି ଭୋଟ ଭିକ୍ଷା କରିଛନ୍ତି।କେ .ନୂଆଗାଁ ବ୍ଲକର ଶହ ଶହ ସମର୍ଥକଙ୍କୁ ନେଇ କଞ୍ଜାମେଣ୍ଡି ଠାରୁ ଏକ ରୋଡ ଶୋ କରି କୁଡୁତୁଲି ଛକ,ଥାନା ଦେଇ ବଜାର ଠାରେ ଏକ ପଥ ପ୍ରାନ୍ତ ସଭାରେ ଉଦବୋଧନ ଦେଇ ଥିଲେ।ପରେ ହାଇସ୍କୁଲ ଦେଇ ପୁରୁଣା ନୂଆଗାଁରେ ଘର ଘର ଯାଇ ଭୋଟ ଭିକ୍ଷା କରି ସାହି ପରିକ୍ରମା କରିଥିଲେ।
ବିଭିନ୍ନ ପଥପ୍ରାନ୍ତ ସଭାରେ ବିଜେପି ବିଜେଡ଼ି ସରକାର ସମୟରେ ଲୋକଙ୍କ ନିକଟରେ ଶୁଦ୍ଧ ପାନୀୟ ଜଳ ପହଞ୍ଚି ନାହିଁ,ପକ୍କା ଘର,ରାସ୍ତା,ବିଦ୍ୟୁତ ସେବା ପାଇବାରୁ ବଞ୍ଚିତ ହେଉଛନ୍ତି ସଧାରଣ ଜନତା,କଂଗ୍ରେସ ସରକାର ଆସିଲେ ଏସବୁ ମୌଳିକ ସେବା ଉପଲବ୍ଧ କରାଇବେ ବୋଲି ଲୋକ ସଭା ଓ ବିଧାନସଭା କ୍ଷେତ୍ରର କଂଗ୍ରେସ ପ୍ରାର୍ଥୀ କହିଛନ୍ତି।ରୋଡ ଶୋ ସମୟରେ କନ୍ଧମାଳ ଲୋକସଭା ପ୍ରାର୍ଥୀ ଅମିର ଚାନ୍ଦ ନାୟକ,ରାଜ୍ୟ ସାଧାରଣ ସମ୍ପାଦକ ଅନାମ ନାୟକ,ବରିଷ୍ଠ ନେତା ସୀତାରାମ ପଣ୍ଡା,ମନୋଜ ଆଚାର୍ଯ୍ୟ,ଏନଏସି ସଭାପତି ସପ୍ନେଶ୍ଵର ସାହୁ,ପିସିସି ସଦସ୍ୟ ପ୍ରଫୁଲ୍ଲ ଚନ୍ଦ୍ର ଦାସ,ଜିତେନ୍ଦ୍ର ଦିଗାଲ, ରାଜେନ୍ଦ୍ର କୁମାର ପାଳ,ଟୁଟୁ ଆଚାରି, ରୋମ୍ୟ ପଣ୍ଡା ପ୍ରମୁଖ ଉପସ୍ଥିତ ଥିଲେ। ଉକ୍ତ କାର୍ଯ୍ୟକ୍ରମରେ ସମସ୍ତ ବ୍ଲକ କଂଗ୍ରେସ କର୍ମୀମାନେ ସହଯୋଗ କରିଥିଲେ।
