‘କୁଲି’ ଫିଲ୍ମ ରିଲିଜ ହେବା ପୂର୍ବରୁ ଆଇନଗତ ସମସ୍ୟାର ସମ୍ମୁଖୀନ
1 min read
ଦକ୍ଷିଣ ଚଳଚ୍ଚିତ୍ର ଇଣ୍ଡଷ୍ଟ୍ରିର ଭେଟେରାନ୍ ସଙ୍ଗୀତଜ୍ଞ ଇଲାୟାରାଜା ତାଙ୍କର ଉତ୍କୃଷ୍ଟ ସଙ୍ଗୀତ ସହିତ ସାରା ବିଶ୍ୱରେ ଦର୍ଶକଙ୍କ ହୃଦୟ ଜିତିଛନ୍ତି | ସୂଚନା ଅନୁସାରେ, ଏଥର ବିବାଦ ଯୋଗୁଁ ଇଲାୟାରାଜା ଲାଇମ୍ ଲାଇଟକୁ ଆସିଛନ୍ତି | ତେବେ ପ୍ରଡକ୍ସନ ହାଉସ୍ ସନ୍ ପିକ୍ଚର୍ସକୁ ଆଇନଗତ ନୋଟିସ୍ ପଠାଇଛନ୍ତି | ତେବେ ଆଗାମୀ ଫିଲ୍ମ ‘କୁଲି’ ହେତୁ ସେ ଏହି ନୋଟିସ ପଠାଇଛନ୍ତି। କୁହାଯାଉଛି ଯେ ଇଲିଆୟାରଜାଙ୍କ ସଙ୍ଗୀତ ତାଙ୍କ ଅନୁମତି ବିନା ଫିଲ୍ମରେ ବ୍ୟବହୃତ ହୋଇଛି ଏବଂ ଏହି କାରଣରୁ ସେ ବର୍ତ୍ତମାନ ଆଇନ ନିକଟକୁ ଆସିଛନ୍ତି।
ନିକଟରେ ପ୍ରଡକ୍ସନ୍ ହାଉସ୍ ସନ୍ ପିକ୍ଚର୍ସ ଏହାର ଆଗାମୀ ଚଳଚ୍ଚିତ୍ର ‘କୁଲି’ର ଟିଜର ରିଲିଜ୍ କରିଛି। ଲୋକେଶ କନକରାଜଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରରେ ସାଉଥ ସୁପରଷ୍ଟାର ରଜନୀକାନ୍ତଙ୍କୁ ଦେଖିବାକୁ ମିଳିଛି। ତେବେ ବର୍ତ୍ତମାନ ଲିଗାଲ ନୋଟିସ ଅନୁସାରେ ଏହି ଟିଜରରେ ଇଲାୟାରାଜାଙ୍କ ସଙ୍ଗୀତ ବ୍ୟବହାର କରାଯାଇଛି। ଏହାପରେ ସେ ଏହି ବିଷୟରେ ଫିଲ୍ମ ନିର୍ମାତାଙ୍କୁ ଏକ ଆଇନଗତ ନୋଟିସ୍ ପଠାଇଥିଲେ।
ସାଉଥ ସୁପରଷ୍ଟାର୍ ରଜନୀକାନ୍ତ ଫିଲ୍ମ ‘କୁଲି’କୁ ଫ୍ୟାନ୍ସମାନେ ବେଶ୍ ଉତ୍ସାହର ସହ ଅପେକ୍ଷା କରିଥାନ୍ତି। ନିକଟରେ ‘କୁଲି’ର ଏକ ଟିଜର ରିଲିଜ ହୋଇଥିଲା। ଏହାକୁ ଦର୍ଶକମାନେ ବେଶ୍ ପସନ୍ଦ କରିଥିଲେ। ରଜନୀକାନ୍ତ ଏହି ଫିଲ୍ମକୁ ନେଇ ଫ୍ୟାନ୍ସମାନଙ୍କ ମଧ୍ୟରେ ଜବରଦସ୍ତ ହାଇପ୍ ମଧ୍ୟ ରହିଛି। କିନ୍ତୁ ଏହି ଫିଲ୍ମ ଏବେ ଆଇନ ଜାଲରେ ଫଶି ଯାଇଛି ।
ତେବେ ସୂଚନା ଆଧାରରେ, ଏହି ଟିଜରର ବ୍ୟାକ୍ଗ୍ରାଉଣ୍ଡରେ ବାଜୁଥିବା ମ୍ୟୁଜିକ ପାଇଁ ସୃଷ୍ଟି ହୋଇଛି ବିବାଦ | ‘କୁଲି’ ଫିଲ୍ମର ଟିଜରରେ ସଙ୍ଗୀତକାର ଅନିରୁଦ୍ଧ ଇଲିୟାରାଜାଙ୍କ ଗୀତ ‘ଓ୍ୱା ଓ୍ୱା ପାଖମ୍ ଓ୍ୱା’କୁ ରିକ୍ରିଏଟ୍ କରିଛନ୍ତି। ଏହାକୁ ନେଇ ଇଲିୟାରାଜା ‘କୁଲି’ର ପ୍ରଡକକ୍ସନ ହାଇସ୍ ସନ୍ ପିକ୍ଚର୍ସ ବିରୋଧରେ କପିରାଇଟ୍ ଆକ୍ଟ ଅନୁଯାୟୀ ଲିଗାଲ ନୋଟିସ୍ ପଠାଇଛନ୍ତି। ତାଙ୍କ ଅନୁମତି ବିନା ଗୀତକୁ ଫିଲ୍ମରରେ ବ୍ୟବହାର କରାଯାଇଥିବା ସେ ଅଭିଯୋଗ କରିଛନ୍ତି। ଇଲିୟାରାଜା ଏହି ପ୍ରସଙ୍ଗରେ କୁଲି ନିର୍ଦ୍ଦେଶକ ଲୋକେଶ କନଗରାଜଙ୍କଠାରୁ ଜବାବ ମାଗିଛନ୍ତି।
