ଅଣାୟତ ହେଉଛି କରୋନା ସ୍ଥିତି: ୭ ହଜାର ଡେଇଁଲା ଦୈନିକ ସଂକ୍ରମଣ
1 min read
ନୂଆଦିଲ୍ଲୀ: ଦେଶରେ ପୁଣି ହୁ ହୁ ହୋଇ ମାଡି ଚାଲିଛି ମହାମାରୀ ।ବୁଧବାର ସଂକ୍ରମଣ ମାମଲା ୫ ହଜାର ପାର୍ କରିଥିବା ବେଳେ ଆଜି ଏହା ୭ ହଜାର ଡେଉଁଛି । ଗତ ୨୪ ଘଣ୍ଟା ମଧ୍ୟରେ ମୋଟ ୭,୨୪୦ ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଦିନକରେ ୮ଜଣଙ୍କର ମୁଣ୍ତ ନେଇଛି ମହାମାରୀ । ସେହିପରି ୩,୫୯୧ ଜଣ କୋରୋନାରୁ ସୁସ୍ଥ ହୋଇଛନ୍ତି । ଏନେଇ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଏନେଇ ସୂଚନା ଦିଆଯାଇଛି ।
ମନ୍ତ୍ରଣାଳୟ ଅନୁଯାୟୀ, ସଂକ୍ରମଣ ବଢିବା ସହ ଭାରତରେ ସକ୍ରିୟ ମାମଲା ଏବେ ୩୦ ହଜାର ଉପରେ ରହିଛି । ଆଜିର ନୂଆ ସଂକ୍ରମଣକୁ ମିଶାଇ ମୋଟ ସକ୍ରିୟ ସଂକ୍ରମିତଙ୍କ ସଂଖ୍ୟା ୩୨,୪୯୮ରେ ପହଞ୍ଚିଛି । ଦେଶରେ ଏଯାବତ ୪୨,୬୪,୦୩,୦୧ ସଂକ୍ରମଣରୁ ସୁସ୍ଥ ଲାଭ କରିଛନ୍ତି । ଏପର୍ୟ୍ୟନ୍ତ ମୋଟ ୫,୨୪,୭୨୩ ଜଣଙ୍କ ମୃତ୍ୟୁ ଘଟିଛି । ଦେଶବ୍ୟାପୀ ସମୁଦାୟ ୧୯୪ କୋଟିରୁ ଅଧିକ ଡୋଜ୍ ଟୀକାକରଣ କରାଯାଇଛି । ଗତ ୨୪ ଘଣ୍ଟା ମଧ୍ୟରେ କେବଳ ୧୫,୪୩,୭୪୮ ଜଣଙ୍କୁ ଟିକା ଦିଆଯାଇଛି ।
Advertisement
