ଯାଜପୁରରେ ଚାଞ୍ଚଲ୍ୟ : ବାଇକ୍ ରଖି ଟ୍ରେନ ଆଗକୁ ଡେଇଁ ପଡିଲେ ଦମ୍ପତି , …
1 min read
ଯାଜପୁର : ଯାଜପୁରରେ ଚାଞ୍ଚଲ୍ୟ । ଟ୍ରେନ ଲାଇନ ନିକଟରେ ବାଇକ ରଖି ଆତ୍ମହତ୍ୟା କରିଛନ୍ତି ଦମ୍ପତ୍ତି । ଏଭଳି ଏକ ଅଘଟଣ ଗତକାଲି ବିଳମ୍ବିତ ରାତିରେ କେନ୍ଦୁଝର ଓ ଯାଜପୁର ଦୁଇ ଜିଲ୍ଲାର ସୀମାନ୍ତବର୍ତ୍ତୀ ଟମକା ଥାନା ଅନ୍ତର୍ଗତ ଧୂଳିଆପସି ଗ୍ରାମ ନିକଟରେ ଘଟିଛି । ଯାହା ସମୃକ୍ତ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି ।
ମୃତକ ସ୍ବାମୀ ସ୍ତ୍ରୀ ହେଲେ ସ୍ଥାନୀୟ ଓସ୍ତପାଳ ଗ୍ରାମର ନିମାଇଁ ଚରଣ ବାରି ଓ ସ୍ତ୍ରୀ ଜାନକୀ ବାରି । ଟ୍ରେନ ଲାଇନ ନିକଟରେ ବାଇକ ରଖି ଆତ୍ମହତ୍ୟା କରିଥିବା ଜଣାପଡିଛି । ପାଖରେ ତାଙ୍କର ଦୁଇଟି ମୋବାଇଲ ପଡିବାସହ ନାଲି କାଳିରେ ଲେଖାଥିବା ଟୁକୁରା ଟୁକୁରା ହୋଇ ପଡିଥିବା ଓଦା ଚିଠି ପଡିଛି । ସେଥିରୁ ଯାହା ଜଣାପଡୁଛି ଟଙ୍କା ପଇସା ଧାରକରଜକୁ ନେଇ କେହି ଗାଳିଗୁଲଜ କରିବା ସହିନପାରି ଉଭୟ ଆତ୍ମହତ୍ୟା କରିଛନ୍ତି । ତାଙ୍କର ୭ ବର୍ଷର ପୁଅଟିଏ ଅଛି ଯାହାକି ୭ମ ଶ୍ରେଣୀରେ ପାଠ ପଢୁଥିବାର ଜଣାପଡିଛି ।
ପୋଲିସ ତଦନ୍ତପରେ ସମୃକ୍ତ ଘଟଣାର ସତ୍ୟାସତ୍ୟ ଲୋକଲୋଚନକୁ ଆସିବ । ଘଟଣା ସ୍ଥଳରେ ରେଲୱେ ପୋଲିସ ପହଁଚି ତଦନ୍ତ ଆରମ୍ଭ କରିଥିବା ବେଳେ ଦୁଇ ଶବ ବ୍ୟବଛେଦ ନିମନ୍ତେ ଦାନଗଦି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ଅଣାଯିବା ସୂଚନା ମିଳିଛି ।
