ପାରାଦୀପ ଜାହାଜରୁ ଡେଇଁ ପଡିଲେ କ୍ରିଉ ମେମ୍ବର…
1 min read
ପାରାଦୀପ ; ପିଆଇସିଟି ବର୍ଥ ର ଜାହାଜ ରୁ କୋକେନ ଜବତ ଘଟଣା। ଏମ ଭି ଦେବୀ ପାନ୍ନାମା ଜାହାଜ ର ଜଣେ ସଦସ୍ୟ ଜାହାଜରୁ ଡେଇଁ ପଡି ଗୁରୁତର ଆହତ । ବନ୍ଦରର ଆଙ୍କରେଜ ଏରିଆରେ ଘଟିଛି ଏଭଳି ଘଟଣା। ତେବେ ଡେଇଁ ପଡିଥିବା କ୍ରିଉ ମେମ୍ବର ଜଣଙ୍କ ହେଲେ ବୋଇଁ ଙ୍କୁ ହୁଁ । ବୋଇଁ ଙ୍କୁ ହୁଁ ଙ୍କ ମୁହଁ ଓ ହାତରେ ଗଭୀର ଆଘାତ ଲାଗିଥିବା ଜଣାପଡିଛି ।
କାରଣ ସେ ଜାହାଜରୁ ଡେଇଁବା ସମୟରେ ଜାହାଜ ଫ୍ୟାନ ରେ କଟିଥିବା ଅନୁମାନ କରାଯାଉଛି। ଏନେଇ ତାଙ୍କୁ ତୁରନ୍ତ ଉଦ୍ଧାର କରାଯାଇ ପାରାଦୀପ ପୋର୍ଟ ମେଡିକାଲରେ ଭର୍ତି କରାଯାଇ ଥିଲା ଏବଂ ପରେ ଭୁବନେଶ୍ୱରର ଏକ ଘରୋଇ ହସ୍ପିଟାଲକୁ ସ୍ଥାନାନ୍ତରଣ କରାଯାଇଛି ।
ମିଳିଥିବା ସୂଚନା ଅନୁଯାୟୀ ଡିସେମ୍ବର ୧ ତାରିଖରେ ଏହି ଜାହାଜ ଟି ସ୍ପେନ ରୁ ଇଣ୍ଡୋନେସିଆ ଦେଇ ପାରାଦ୍ୱୀପ ବନ୍ଦର କୁ ଆସିଥିଲା । ଜାହାଜ ଟି ପାରାଦ୍ୱୀପ ର ପିଆଇସିଟି ବର୍ଥ ରେ ଷ୍ଟିଲ ପ୍ଲେଟ ଲୋଡିଂ ଚାଲୁଥିବା ସମୟରେ ଜାହାଜ ରୁ ଜବତ ହୋଇଥିଲା ମାରାତ୍ମକ କୋକେନ । ମିଳିଥିବା କୋକେନ ର ମୂଲ୍ୟ ୨୨୦ କୋଟି ଟଙ୍କା ହୋଇଥିବା ବେଳେ ଏ ନେଇ କଷ୍ଟମ୍ସ ବିଭାଗ ସହିତ ବିଭିନ୍ନ ବିଭାଗ ତରଫରୁ ତଦନ୍ତ କରାଯିବା ପରେ ଜବତ କୋକେନ କୁ କୋର୍ଟ ରେ ଦାଖଲ କରାଯିବା ସହିତ ଜାହାଜ ମୁକାଳିବାକୁ କୋର୍ଟ ରେ ପ୍ରକ୍ରିୟା ଆରମ୍ଭ ହୋଇଛି।
କଷ୍ଟମ୍ସ ବିଭାଗ ପକ୍ଷରୁ ଜାହାଜ କୁ ଅଟକ ରଖାଯାଇଥିବା ବେଳେ ଜାହାଜ ସମସ୍ତ ୨୧ ଜଣ ସଦସ୍ୟ ମଧ୍ୟ ଅଟକ ଅଛନ୍ତି। ଜାହାଜ ର ଏହି ୨୧ ସଦସ୍ୟ ଙ୍କୁ କୋକେନ ଅଭିଯୁକ୍ତ ଭାବେ ତଦନ୍ତ ପରିସରଭୁକ୍ତ କରିଛି କଷ୍ଟମ୍ସ ବିଭାଗ। ତେଣୁ ଏମାନଙ୍କ ମଧ୍ୟରୁ ଜଣେ କ୍ରିଉ ମେମ୍ବର ଖସିପଳାଇବା ଯୋଜନା କରୁଥିବା ବେଳେ ଏଭଳି ଅଘଟଣ ଘଟିଥିବା ନେଇ ସୂଚନା ମିଳିଛି ।
