କ୍ରିକେଟ ପଡିଆରୁ ଫିଲ୍ମ ଜଗତରେ ଛାଇଲା ଶୁବମନଙ୍କ ଯାଦୁ …
1 min read
ମୁମ୍ବାଇ : ଚର୍ଚ୍ଚାରେ ଭାରତୀୟ କ୍ରିକେଟର ଶୁବମନ ଗିଲ୍ । ଏମିତିରେ ନିଜର ବ୍ୟାଟିଂକୁ ନେଇ ସବୁବେଳେ ପ୍ରଶଂସକମାନଙ୍କ ହୃଦୟରେ ରାଜ୍ କରନ୍ତି ଯୁବ କ୍ରିକେଟର ଶୁବମନ୍ ।କିନ୍ତୁ ବର୍ତ୍ତମାନ ଏକ ଏଭଳି ଖବର ସାମ୍ନାକୁ ଆସିଛି ଯାହ ନିଜେ ସୋସିଆଲ ମିଡିଆରେ ପୋଷ୍ଟ କରି ପ୍ରଶଂସକମାନଙ୍କୁ ଜଣାଇଛନ୍ତି ଗିଲ୍ । ଖୁବ୍ ଶୀଘ୍ର ସିନେମା ଜଗତରେ ପାଦ ଥାପିବାକୁ ଯାଉଛନ୍ତି ଶୁବମନ୍ । ଅଭିନୟ ନୁହଁ ବରଂ ଜଣେ ଭଏସ୍ ଓଭର ଆର୍ଟିଷ୍ଟ ଭାବେ ସେ ପ୍ରଚ୍ଛଦପଟରେ କାମ କରିବେ ।
ଆନିମେସନ୍ ଫିଲ୍ମ ‘ସ୍ମାଇଡର୍ ମ୍ୟାନ୍’; ଦି ସ୍ପାଇଡର ଭର୍ସରେ ସୁପରହିରୋ ସ୍ପାଇଡର ମ୍ୟାନ୍ ଭୂମିକାରେ ଥିବା ପବିତ୍ର ପ୍ରଭାକରଙ୍କ ପାଇଁ ଭଏସ୍ ଦେବେ ଶୁବମନ୍ । ଏହି ଆନିମି ଫିଲ୍ମଟି ସୋନି ପିିକ୍ସର୍ଚ ଏଣ୍ଟରଟେନମେଣ୍ଟ ଇଣ୍ଡିଆ ପକ୍ଷରୁ ଜୁନ୍ ୨ ତାରିଖରେ ସାରା ଭାରତରେ ମୁକ୍ତିଲାଭ କରିବ । ଉଭୟ ହିନ୍ଦୀ ଓ ପଞ୍ଜାବୀ ଭାଷାରେ ଗିଲ୍ ଭଏସ୍ ଦେବେ ।
ସେହିପରି କରଣ ସୋନି ଏହାକୁ ଇଂରାଜୀ ଭାଷାରେ ଡବ୍ କରିବେ । ଫିଲ୍ମଟି ସାରା ଭାରତରେ ଇଂରାଜୀ ,ହିନ୍ଦୀ,ତାମିଲ,ତେଲଗୁ.କନ୍ନଡ,ମାଲାୟଲମ୍ ,ଗୁଜୁରାଟୀ ମରାଠୀ,ପଞ୍ଜାବୀ ଓ ବେଙ୍ଗଲି ଭାଷାରେ ମୁକ୍ତିଲାଭ କରିବ ।
