ମା’ ହେବେକି ଦୀପିକା ପାଦୁକୋନ, BAFTA ସମାରୋହରେ ନିଜର ବେବି ବମ୍ପ ଲୁଚାଇଲେ ଅଭିନେତ୍ରୀ …

କୁନି ଅତିଥିକୁ ଅପେକ୍ଷା କରିଛନ୍ତି ଦୀପିକା ଓ ରଣବୀର । ଦୀର୍ଘଦିନ ପରେ ତାଙ୍କ ଘରେ ଶୁଭିବ କୁଆଁ କୁଆଁ ରାବ । କାରଣ ଏବେ ଦୀପିକା ମା ହେବାକୁ ଯାଉଥିବା ଚାରିଆଡେ ଚର୍ଚ୍ଚା ହେଉଛି । ଦୀପିକା ରଣବୀରଙ୍କ ବିବାହ କୁ ପାଞ୍ଚ ବର୍ଷ ବିତିଗଲାଣି । ଏହାରି ମଧ୍ୟରେ ସମସ୍ତେ ଗୁଡନ୍ୟୁଜ୍ କୁ ଅପେକ୍ଷା କରିଛନ୍ତି । ତେବେ ନିକଟରେ ଦୀପିକା ପାଦୁକୋନ ବିଏଏଫଟିଏ ପୁରସ୍କାର ୨୦୨୪ରେ ଉପସ୍ଥିତ ଥିଲେ । ଯେଉଁଠାରେ ଦୀପିକା ବାରମ୍ବାର ତାଙ୍କ ଶାଢୀ କାନିରେ ନିଜର ପେଟ ଲୁଚାଉଥିବା ଦେଖିବାକୁ ମିଳିଛି । ଯାହାକୁ ନେଇ ଏବେ ଶୁଣିବାକୁ ମିଳୁଛି ଯେ ଦୀପିକା ଗର୍ଭବତୀ ଥିବାରୁ ଶାଢୀ କାନିରେ ତାଙ୍କ ବେବି ବମ୍ପ ଲୁଚାଉଛନ୍ତି । ଏନେଇ ଦୀପିକା ଏବଂ ରଣବୀରଙ୍କ ପାଖ ଲୋକ କହିଛନ୍ତି ଯେ, ଖୁବ୍ ଶୀଘ୍ର ଦୀପିକା ମା’ ହେବାକୁ ଯାଉଛନ୍ତି । ଦୀପିକାଙ୍କ ପ୍ରେଗନେନ୍ସିକୁ ଇତି ମଧ୍ୟରେ ୪ମାସରୁ ଅଧିକ ହୋଇସାରିଲାଣି । ସୂତ୍ରରୁ ପ୍ରକାଶ ଦୀପିକା ଏବଂ ରଣବୀର ନିଜେ ଏହି ଭଲ ଖବରକୁ ସେମାନଙ୍କ ସହ ଶେୟାର କରିଛନ୍ତି ସେମାନେ ଶୀଘ୍ର ସେମାନଙ୍କର ପ୍ରଥମ ଶିଶୁକୁ ସ୍ୱାଗତ କରିବାକୁ ଯାଉଛନ୍ତି ।

ଏହାସହ ସୋସିଆଲ ମିଡିଆରେ ଆଲୋଚନା ହେଉଛି ଯେ ବିଏଏଫଟିଏ ପୁରସ୍କାର ଶୋ’ରେ ଅଭିନେତ୍ରୀଙ୍କ ବେବି ବମ୍ପ ଦୃଶ୍ୟମାନ ହେଉଥିଲା । ବର୍ତ୍ତମାନ ଗର୍ଭବତୀ ଖବରକୁ ନେଇ ଦୀପିକା ଏବଂ ରଣବୀରଙ୍କଠାରୁ କୌଣସି ପ୍ରତିକ୍ରିୟା ମିଳିନାହିଁ । ତେବେ ପ୍ରଶଂସକମାନେ ଏହି ଭଲ ଖବର ଉଭୟଙ୍କଠାରୁ ଶୁଣିବାକୁ ବେଶ୍ ଆଗ୍ରହୀ । ବର୍ତ୍ତମାନ କେବଳ ସମୟ କହିବ ଏହି ଖବରରେ କେତେ ସତ୍ୟତା ଅଛି । ସୂଚନାଯୋଗ୍ୟ ଦୀପିକା ଏବଂ ରଣବୀର ୨୦୧୮ ରେ ବିବାହ କରିଥିଲେ । ନିକଟରେ ଗଣମାଧ୍ୟମ ସହ କଥାବାର୍ତ୍ତା ବେଳେ ଅଭିନେତ୍ରୀ କହିଥିଲେ ଯେ ଆମେ କେବେ ନିଜ ପରିବାର ଆରମ୍ଭ କରିବୁ ତାହା ଅପେକ୍ଷା କରିଛୁ । ବର୍ତ୍ତମାନ, ଅଭିନେତ୍ରୀ ମା ହେବାର ଖବର ପରେ ପ୍ରଶଂସକଙ୍କ ଖୁସିର କୌଣସି ସୀମା ନାହିଁ ।