ଦେଢ଼ ମାସ ପରେ ଝିଅର ଏହି ନାଁ ରଖିଲେ ଦୀପଭୀର ,ଫଟୋ ସେୟାର କରି ଦଖାଇଲେ ଝିଅର ପ୍ରଥମ ଝଲକ ..
1 min read
ନଭେମ୍ବର ୧ ରେ ଦୀପିକା ପାଦୁକୋନ ଓ ରଣବୀର ନିଜ ଝିଅର ପ୍ରଥମ ଫଟୋ ସୋସିଆଲ ମିଡିଆରେ ସେୟାର କରିଛନ୍ତି । ଏହା ସହିତ ଝିଅର ନାଁ ମଧ୍ୟ ଖୁଲାସା କରିଛନ୍ତି । ଫ୍ୟାନ୍ସମାନେ ଦୀର୍ଘ ଦିନ ଧରି ରଣବୀର ଓ ଦୀପିକାଙ୍କ ସନ୍ତାନର ଝଲକ ଦେଖିବାକୁ ଅପେକ୍ଷା କରିଥିଲେ ।ଶେଷରେ ଦୀପିକା ଏବଂ ରଣବୀର ଦୀପାବଳିର ଦ୍ୱିତୀୟ ଦିନରେ ନିଜ ଫ୍ୟାନ୍ସଙ୍କ ଇଚ୍ଛାକୁ ପୂରଣ କରିଛନ୍ତି । ଦୀପିକା ଏବଂ ରଣବୀର ନିଜ ଝିଅର ଏକ ସୁନ୍ଦର ଫଟୋ ସେୟାର କରିଛନ୍ତି, ଯେଉଁଥିରେ ସେ ଏକ ସୁନ୍ଦର ଲାଲ ରଙ୍ଗର ଡ୍ରେସ୍ ପିନ୍ଧିଥିବାର ନଜର ଆସିଛି ।
ତେବେ ଦୀପିକା ଝିଅର ଛୋଟ ଏବଂ ସୁନ୍ଦର ପାଦର ଏକ ଫଟୋ ସେୟାର କରିଥିଲେ । ଦୀପିକା ଏବଂ ରଣବୀର ନିଜ ଝିଅର ଚେହେରା ରିଭିଲ୍ କରିନାହାଁନ୍ତି । ଚଳିତ ବର୍ଷ ସେପ୍ଟେମ୍ବର ୮ ରେ ଦୀପିକା ପାଦୁକୋନ ଏବଂ ରଣବୀର ସିଂ ନିଜ ପ୍ରଥମ ସନ୍ତାନକୁ ସ୍ୱାଗତ କରିଥିଲେ ଏବଂଦୀପିକା ପାଦୁକୋନ ଏବଂ ରଣବୀର ସିଂ ଗଣେଶ ଚତୁର୍ଥୀରେ ପ୍ରଥମ ସନ୍ତାନକୁ ଘରେ ସ୍ୱାଗତ କରିଥିଲେ । ବର୍ତ୍ତମାନ ଦୀପିକା ପାଦୁକୋନ ଦେଢ଼ ମାସ ପରେ ସୋସିଆଲ ମିଡିଆରେ ତାଙ୍କ ଝିଅର ନାଁ ଘୋଷଣା କରିଛନ୍ତି ଏବଂ ଏହାର ଅର୍ଥ ମଧ୍ୟ ସ୍ପଷ୍ଟ କରିଛନ୍ତି ।
ଦମ୍ପତି ନିଜ ଶିଶୁ କନ୍ୟାର ଏକ ସ୍ୱତନ୍ତ୍ର ନାମ ‘ଦୁଆ ପାଦୁକୋନ ସିଂ’ ଦେଇଛନ୍ତି, ଯାହାର ଅର୍ଥ ହେଉଛି ପ୍ରାର୍ଥନା । ଏହି ପୋଷ୍ଟ ସେୟାର କରିବା ସମୟରେ ଅଭିନେତ୍ରୀ ଲେଖିଛନ୍ତି, ‘ଦୁଆ … କାରଣ ସେ ଆମର ପ୍ରାର୍ଥନାର ଫଳ। ଆମର ହୃଦୟ ପ୍ରେମରେ ପରିପୂର୍ଣ୍ଣ । ଏହି ପୋଷ୍ଟରେ ସେଲିବ୍ରିଟିମାନେ ସୁନ୍ଦର ସୁନ୍ଦର କମେଣ୍ଟ ଦେଇଥିବା ନଜର ଆସିଛି । ଏହି ଫଟୋ ଦେଖିବା ପରେ ଫ୍ୟାନ୍ସମାନେ ଦୁଆ ପାଦୁକୋନ ସିଂଙ୍କ ଚେହେରାକୁ ପ୍ରକାଶ କରିବାକୁ ମଧ୍ୟ ଦାବି କରୁଛନ୍ତି । ଅଭିନେତ୍ରୀଙ୍କ ଏହି ପୋଷ୍ଟ ସୋସିଆଲ ମିଡିଆରେ ପୋଷ୍ଟ ହେବା ମାତ୍ରେ ଭାଇରାଲ ହୋଇଥିଲା ।
