ଦୀପବୀରଙ୍କ ଘରକୁ ଆସିଲେ କୁନି ପରୀ , ଏହି ନାଁ ରଖିବାକୁ କହିଲେ ଦେଲେ ଫ୍ୟାନ୍ସ …
1 min read
ମା’ ହେଲେ ବଲିଉଡ ଅଭିନେତ୍ରୀ ଦୀପିକା ପାଦୁକୋନ | ଶିଶୁକନ୍ୟାକୁ ଜନ୍ମ ଦେଲେ ଦୀପିକା | ଦୀପିକା ପାଦୁକୋନ ମୁମ୍ବାଇର ଏଚଏନ ରିଲାଏନ୍ସ ହସ୍ପିଟାଲରେ ଶିଶୁକନ୍ୟା ଙ୍କୁ ଜନ୍ମଦେଇଥିଲେ | ଏବେ ଉଭୟ ଦୀପିକା ଓ ରଣବୀର ମାତାପିତା ହୋଇଛନ୍ତି | ତେବେ ଏହି ଦମ୍ପତି ଇନଷ୍ଟା ପୋଷ୍ଟ ମାଧ୍ୟମରେ ଝିଅ ଜନ୍ମ ହୋଇଥିବା ଖୁସି ଖବର ଦେଇଥିଲେ । ସେପ୍ଟେମ୍ବର 8 ରେ, ଏହି ଦମ୍ପତି ପିତାମାତା ହୋଇଛନ୍ତି । ଏହି ଖବର ଶୁଣି ଏବେ ଦମ୍ପତିଙ୍କୁ ଶୁଭେଚ୍ଛାର ସୁଅ ଛୁଟୁଥିବା ବେଳେ ଅନେକ ଫ୍ୟାନ୍ସ ଝିଅ ନାଁ ନେଇ ଅନେକ ନାମ ପରାମର୍ଶ ଦେଇଛନ୍ତି ।
ଦୀପିକା ଗଣେଶ ପୂଜାର ଗୋଟିଏ ଦିନ ପରେ ମାଆ ହୋଇଥିବା ବେଳେ ଅନେକ ତାଙ୍କ ଝିଅଙ୍କ ନାଁ ଗଣେଶ ଜୀଙ୍କ ସହ ଯୋଡି ନା ପରାମର୍ଶ ଦେଇଛନ୍ତି । ଜଣେ ଫ୍ୟାନ୍ କହିଛନ୍ତି, “ମୁଁ ଚାହେଁ ଯେ ସେମାନେ ତାଙ୍କ ନାମ ‘ରିଦ୍ଧି’ କରନ୍ତୁ । ଏଥିରେ ଦୀପିକାଙ୍କର ‘ଡି’, ‘ରଣଭୀରଙ୍କ ‘ଆର’ ଅଛି ଏବଂ ଏହା ସିଦ୍ଧବିନାୟକ ଗଣପତି ଜୀ ସହିତ ଜଡିତ (ଯେହେତୁ ତାଙ୍କ ଝିଅ ଗଣେଶ ଚତୁର୍ଥୀ ଅବସରରେ ଜନ୍ମ ହୋଇଛନ୍ତି) । ଅନେକ ‘ରାଭିକା’, ‘ରୁହାନି’ ଏବଂ ‘ରାଧିକା’ ନାମ ରଖିବାକୁ ପରାମର୍ଶ ଦେଇଛନ୍ତି ।
ବିବାହର ୬ ବର୍ଷ ପରେ ପିତାମାତା ହୋଇଛନ୍ତି ଅଭିନେତ୍ରୀ ଦୀପିକା ପାଦୁକୋନ । ରଣଭୀର ଏବଂ ଦୀପିକା ମଧ୍ୟରେ ପ୍ରେମସମ୍ପର୍କ ୨୦୧୨ରେ ଆରମ୍ଭ ହୋଇଥିଲା । ଦୀର୍ଘ ବର୍ଷର ଡେଟିଂ ପରେ ଏହି ଦମ୍ପତି ନଭେମ୍ୱର 14, ୨୦୧୮ରେ ବିବାହ କରିଥିଲେ । ବିବାହର ୬ବର୍ଷ ପରେ ପିତାମାତା ହୋଇଛନ୍ତି ଦୀପଭୀର । ଉଭୟ ଚଳିତ ଫେବୃଆରୀରେ ପିତାମାତା ହେବା ଖୁସି ଖବର ଫ୍ୟାନ୍ସଙ୍କ ସହ ସେୟାର କରିଥିଲେ । ସେପ୍ଟେମ୍ୱରରେ କୁନି ଅତିଥି ଆସିବେ ବୋଲି ମଧ୍ୟ ଘୋଷଣା କରିଥିଲେ ।
