ASIଙ୍କ ନାଁରେ ମାମଲା ରୁଜ୍ଜୁ , ଏକାସାଙ୍ଗରେ ଧକ୍କା କରିଥିଲେ ୬ ଟି ଗାଡିକୁ ..
1 min read
ନୂଆଦିଲ୍ଲୀ : ୬ଟି ଗାଡିକୁ ଧକ୍କା ଦେଲା ପୋଲିସ ଏଏସଆଇଙ୍କ କାର । ୪ ଜଣ ଆହତ ହୋଇଥିବା ବେଳେ ଥାନାରେ ମାମଲା ରୁଜୁ । ଦିଲ୍ଲୀ ପୋଲିସର ଆସିଷ୍ଟାଂଟ ସବ୍-ଇନ୍ସପେକ୍ଟରର ଏକ ଘରୋଇ କାର ଦିଲ୍ଲୀର ଦ୍ୱାରକା ମୋଡ୍ ଅଂଚଳରେ ୬ଟି ଗାଡିକୁ ଧକ୍କା ଦେଇଛି । ଏହି ଘଟଣାରେ ଅନେକ ଲୋକ ଆହତ ହୋଇଛନ୍ତି । ଏହି ଦୁର୍ଘଟଣାରେ ପିସିଆର ଭ୍ୟାନ୍ ସମେତ ମୋଟ ୬ଟି ଗାଡି ନଷ୍ଟ ହୋଇଯାଇଛି ।
ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ, ଛିଡା ହୋଇଥିବା ଗାଡିଗୁଡ଼ିକୁ ଧକ୍କା ଦେଇଥିବା କାରଟି ପୋଲିସର ଥିଲା । ଏହି ଦୁର୍ଘଟଣାରେ କାର ଆରୋହୀ ASI ମଧ୍ୟ ଆହତ ହୋଇଛନ୍ତି । ଅଧିକ ବେଗରେ ଗାଡି ଚଳାଉଥିବା ASI ବିରୋଧରେ ମାମଲା ରୁଜୁ କରି ଅଧିକ ଆଇନଗତ କାର୍ଯ୍ୟନୁଷ୍ଠାନ ଗ୍ରହଣ କରାଯାଉଛି । ଏହି ଘଟଣାରେ କାହାକୁ ଗମ୍ଭୀର ଭାବେ ଆଘ। ତ ହୋଇ ନାହିଁ । ଦ୍ୱାରକା ମୋଡ ଅଂଚଳରେ ରେଡ ଲାଇଟରେ ଠିଆ ହୋଇଥିବା ଏକ ପିସିଆର ଭ୍ୟାନ୍ ସମେତ ୬ଟି ଗାଡିରେ ଚଢିବା ଘଟଣାରେ ଏଏସଆଇଙ୍କ ବିରୋଧରେ ମାମଲା ରୁଜୁ ହୋଇଛି ବୋଲି ପୋଲିସ ସୂତ୍ରରୁ ପ୍ରକାଶ । ଦୁର୍ଘଟଣା ସମୟରେ ସେ ତାଙ୍କ ବ୍ୟକ୍ତିଗତ କାରରେ ଯାତ୍ରା କରୁଥିଲେ । ଏଏସଆଇ ସମେତ ସମସ୍ତ ଚାରି ଜଣଙ୍କୁ ଆଘାତ ଲାଗିଛି ।
