ଜୟାଙ୍କ କଥା ଶୁଣି ରାଗିଗଲେ ଧନଖଡ , କହିଲେ ହୋଇଥିବେ ଆପଣ ସେଲିବ୍ରେଟି ..

ଗୃହରେ ଅଧ୍ୟକ୍ଷ ଧନଖଡଯେତେବେଳେ ଜୟାଙ୍କୁ ଜୟା ଅମିତାଭ ବଚ୍ଚନ କହି ସମ୍ବୋଧନ କରିଥିଲେ ସେତେବେଳେ ଜୟା ସାଙ୍ଗେସାଙ୍ଗେ ରାଗି ଯାଇଥିଲେ। ଯାହାକୁ ନେଇ ସେ କହିଛନ୍ତି, ମୁଁ ଜଣେ କଳାକାର ଏବଂ ସବୁ ଇସାରାକୁ ବହୁତ ଭଲ ଭାବରେ ବୁଝି ପାରୁଛି। ଧନଖଡଙ୍କୁ ଜୟା ଆହୁରି କହିଛନ୍ତି , ମୋତେ କ୍ଷମା କରିବେ କିନ୍ତୁ ଆପଣଙ୍କର ଏପରି ବ୍ୟବହାର ମୋ ପାଇଁ ଆଦୌ ଗ୍ରହଣୀୟ ନୁହେଁ। କହିରଖୁଛୁ କି, ଅଧ୍ୟକ୍ଷ ଜୟା ବଚ୍ଚନଙ୍କୁ ଜୟା ଅମିତାଭ ବଚ୍ଚନ ବୋଲି ସମ୍ବୋଧିତ କରିଥିଲେ, ଯେଉଁଥିରେ ରାଜ୍ୟ ସଭା ଏମପି ଜୟା ଅନେକ ଥର ଆପତ୍ତି ଜଣାଇଥିଲେ। ଯେତେବେଳେ ରାଜ୍ୟ ସଭାରେ ଭାଷଣ ଦେବା ପାଇଁ ଜୟା ବଚ୍ଚନଙ୍କ ପର୍ଯ୍ୟାୟ ଥିଲା, ସେତେବେଳେ ଅଧ୍ୟକ୍ଷ ତାଙ୍କ ନାମ ଡାକିଲେ। ଏହା ଉପରେ ଜୟା ବଚ୍ଚନ କହିଛନ୍ତି, ମୁଁ ଜଣେ କଳାକାର, ମୁଁ ଆପଣଙ୍କ ଇସାରା ଏବଂ ଅଭିବ୍ୟକ୍ତି ବୁଝିପାରୁଛି। ମୋତେ କ୍ଷମା କରନ୍ତୁ ସାର୍‌, କିନ୍ତୁ ଆପଣଙ୍କ ଏପରି ବ୍ୟବହାର ମୋ ପାଇଁ ଗ୍ରହଣୀୟ ନୁହେଁ। ଆପଣ ଚେୟାରରେ ଥିଲେ ମଧ୍ୟ ଆମେ ସହକର୍ମୀ ଅଟୁ। ଆପଣ ମୋତେ ପ୍ରଧାନଶିକ୍ଷକଙ୍କ ପରି ନିର୍ଦ୍ଦେଶ ଦିଅନ୍ତୁ ନାହିଁ।

ତେବେ ଜୟାଙ୍କ ଏପରି କଥା ଶୁଣିି ଧନଖଡ ରାଗି ଯାଇଥିଲେ। ସେ କହିଥିଲେ, “ଜୟାଜି, ଆପଣ ବଡ଼ ଖ୍ୟାତି ଅର୍ଜନ କରିଛନ୍ତି, କିନ୍ତୁ ଆପଣ ଜାଣନ୍ତି ଅଭିନେତା ନିର୍ଦ୍ଦେଶକଙ୍କ ଅଧୀନରେ ଥାଆନ୍ତି…? ମୁଁ ଏହି ଆସନରୁ ବସି ଯାହା ଦେଖିଛି ତାହା ଆପଣ ଦେଖି ନାହାଁନ୍ତି। ମୁଁ ପୁଣି ଥରେ କହିବାକୁ ଚାହେଁ ନାହିଁ, ମୁଁ ମଧ୍ୟ ବିଦ୍ୟାଳୟ ଚଲାଇବାକୁ ଚାହୁଁ ନାହିଁ। ମୁଁ ଜଣେ ବ୍ୟକ୍ତି, ଯିଏ ସମସ୍ତଙ୍କୁ ବାଟ ଛାଡ଼ିଛି… ଆପଣ ମୋ ସ୍ୱର କଥା କହୁଛନ୍ତି?” ଧନଖଡ ଆହୁରି କହିଛନ୍ତି, ଆପଣ କିଏ ହୁଅନ୍ତୁ ନା କାହିଁକି, ଆପଣ ଜଣେ ସେଲିବ୍ରିଟି ହୋଇଥିଲେ ମଧ୍ୟ ମୁଁ ଏଭଳି ଜିନିଷକୁ ଆଦୌ ବରଦାସ୍ତ କରିବି ନାହିଁ। ଏହା ମୋର ସ୍ବର, ମୋ ଭାଷା ଏବଂ ମୋର ସ୍ବଭାବ। ମୁଁ କାହାର ଆଦେଶ ଅନୁଯାୟୀ କାର୍ଯ୍ୟ କରେ ନାହିଁ। ତେବେ ଗୃହ ବାହାରକୁ ଆସି ଜୟା ବଚ୍ଚନ ଗଣମାଧ୍ୟମକୁ କହିଛନ୍ତି, ମୁଁ ବାଚସ୍ପତିଙ୍କ ମୋ ପ୍ରତି ଉଠାଇଥିବା ସ୍ବରକୁ ବିରୋଧ କରିଥିଲି। ଆମେ ସ୍କୁଲ ଯାଉଥିବା ପିଲା ନୁହଁ। ଆମମାନଙ୍କ ମଧ୍ୟରୁ କେତେକ ବରିଷ୍ଠ ନାଗରିକଙ୍କୁ ସେ ଏପରି ବ୍ୟବହାର କରିପାରିବେ ନାହିଁ। ଯେତେବେଳେ ବିରୋଧୀ ଦଳ ନେତା କହିବା ପାଇଁ ଠିଆ ହେଲେ, ସେ ମାଇକ ବନ୍ଦ କରିଦେଲେ। ସେ କିପରି ଏମିତି କରୁଛନ୍ତି?