ତେଲରେ ଅପମିଶ୍ରଣ , ଭାସୁଛି ଜେଲି ଭଳି ପଦାର୍ଥ ।

ଭଦ୍ରକ ; ପେଟ୍ରୋଲ ରେ ଭାସୁଛି ଜେଲି ଭଳି ପଦାର୍ଥ । ଅପମିଶ୍ରଣ ତେଲ ପକାଇବା ଯୋଗୁଁ ଗାଡି ଖରାପ ହେଉଛି । ଏମିତି ଏକାଧିକ ଅଭିଯୋଗ ପରେ ଉତ୍ତେଜନା କୁ ଦେଖି ପୋଲିସ ସାମ୍ପୁଲ ସଂଗ୍ରହ କରିଛି । ଭଦ୍ରକ ସହର ମଧ୍ୟ ରେ ଥିବା ବର୍ଷା ଫୁଏଲସ ବିରୋଧ ରେ ଏମିତି ଅଭିଯୋଗ ଆସିଛି ।

ଗ୍ରାହକ ଙ୍କ ଅଭିଯୋଗ ଅନୁଯାୟୀ ଗାଡି ରେ ପେଟ୍ରୋଲ ପକାଇବା ପରେ ଗାଡି ଅଧା ରାସ୍ତା ରେ ଖରାପ ହୋଇଥିଲା । ଗ୍ୟାରେଜ ରେ ଗାଡି ର ଟାଙ୍କି ରୁ ତେଲ ବାହାର କରିବା ପରେ ତେଲ ରେ ଜେଲି ଭଳି ସାମଗ୍ରୀ ଭାସୁଥିବା ଦେଖିବା ପାଇଁ ମିଳିଥିଲା । ଏହି ଭଳି ଏକାଧିକ ଅଭିଯୋଗ ପରେ ଟାଙ୍କି ରେ ଉତ୍ତେଜନା ଦେଖାଦେଇଛି।

Advertisement

ଟାଙ୍କି ତରଫରୁ ଉପରିସ୍ଥ ଅଧିକାରୀ ଙ୍କୁ ଜଣାଇବା ପରେ ତେଲ ବିକ୍ରି ବନ୍ଦ ରହିଛି । ଭଦ୍ରକ ସହରାଞ୍ଚଳ ପୋଲିସ ପହଞ୍ଚି ପେଟ୍ରୋଲ ର ସାମ୍ପୁଲ ସଂଗ୍ରହ କରିଛି । ଟାଙ୍କି ର ମ୍ୟାନେଜର କହିଛନ୍ତି ଯେ ଆମେ ତେଲ ବିକ୍ରି ବନ୍ଦ କରିଛୁ । ସେଲସ ବିଭାଗ କୁ ଅବଗତ କରିଛୁ । ରିପୋର୍ଟ ଆସିବା ପରେ ସତ କଣ ଜଣା ପଡିବ ।