ୱାୟନାଡରେ ଅଚିହ୍ନା ଶବ ଗୁଡ଼ିକର ସମୁହ ସତ୍କାର କଲା ଜିଲ୍ଲା ପ୍ରଶାସନ; ବିଭିନ୍ନ ଧର୍ମର ଅନୁସାରେ ପଢ଼ାଗଲା ମନ୍ତ୍ର

ୱାୟନାଡ଼ରେ ଭୟଙ୍କର ଭୂସ୍ଖଳନରେ ମୃତ୍ୟୁ ସଂଖ୍ୟା ସାଢ଼େ ୩ଶହ ଟପିଛି। ଏହାରି ମଧ୍ୟରେ ରହିଛି ଅନେକ ଅଚିହ୍ନା ଶବ। ରବିବାର ସନ୍ଧ୍ୟାରେ ଅଚିହ୍ନା ଶବ ଗୁଡ଼ିକୁ ସମୂହ ସତ୍କାର କଲା ଜିଲ୍ଲା ପ୍ରଶାସନ।

ସୂଚନା ଅନୁଯାୟୀ, କେରଳର ରାଜସ୍ବ ମନ୍ତ୍ରୀଙ୍କ ସୂଚନା ଅନୁସାରେ ୨୨୧ଜଣଙ୍କର ମୃତ ଦେହ ଉଦ୍ଧାର କରାଯାଇଛି। ଏହାସହ ୧୬୬ଟି ଖଣ୍ଡବିଖଣ୍ଡିତ ମରଶରୀର ଉଦ୍ଧାର କରାଯାଇଛି। ଏଥିରେ ଥିବା ଅଚିହ୍ନା ଶବ ଗୁଡ଼ିକର ଏକାଠି ସତ୍କାର କରାଯାଇଛି। ସେମାନଙ୍କର ଧର୍ମ ଅନୁସାରେ ମନ୍ତ୍ର ପାଠ ପଢ଼ାଯାଇ ଶବ ସତ୍କାର କରାଯାଇଛି |

Advertisement

ଅନ୍ୟପକ୍ଷରେ ଆଜି ଉଦ୍ଧାରକାର୍ଯ୍ୟ ସପ୍ତମ ଦିନରେ ୧୮ଶହରୁ ଅଧିକ ଉଦ୍ଧାରକାରୀ ଉଦ୍ଧାର କାର୍ଯ୍ୟରେ ସାମିଲ ହୋଇଛନ୍ତି। ଅତ୍ୟାଧୁନିକ ଯନ୍ତ୍ରପାତି ସହ ଉଦ୍ଧାର କାର୍ଯ୍ୟରେ ଡ୍ରୋନର ମଧ୍ୟ ସାହାଯ୍ୟ ନିଆଯାଉଛି। କିନ୍ତୁ ଏବେ ପର୍ଯ୍ୟନ୍ତ ମଧ୍ୟ ୨ଶହରୁ ଅଧିକ ଲୋକ ନିଖୋଜ ଅଛନ୍ତି |