ଏମିତି ଡାକ୍ତର ଥିଲେ ରୋଗୀର ହେବନି କିଛି ! ନିଜେ ବିଛଣାରେ ପଡ଼ି ମଧ୍ୟ କଲେ ରୋଗୀଙ୍କ ଚିକିତ୍ସା …
1 min readସୁସ୍ଥ ଜୀବନ ସମସ୍ତଙ୍କ ପ୍ରାଥମିକତା ତାଲିକାରେ ଅଛି । ଏହା ମଧ୍ୟ କୁହାଯାଇଛି ଯେ, ‘ସ୍ୱାସ୍ଥ୍ୟ ହେଉଛି ସବୁଠାରୁ ବଡ ଧନ’। କେବଳ ଜଣେ ସୁସ୍ଥ ବ୍ୟକ୍ତି ଜୀବନକୁ ସଠିକ୍ ଭାବରେ ଉପଭୋଗ କରିପାରିବେ ଏବଂ ଏଥିପାଇଁ ଆମ ଜୀବନରେ ଡାକ୍ତରଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏପରିକି ଡାକ୍ତରଙ୍କୁ ଭଗବାନଙ୍କ ଦ୍ୱିତୀୟ ଅବତାର ବୋଲି ମଧ୍ୟ ବିବେଚନା କରାଯାଏ । କାରଣ ଡାକ୍ତରଙ୍କ ସାହାଯ୍ୟରେ ଜଣେ ରୋଗୀ ଏକ ନୂଆ ଜୀବନ ପାଇଥାଏ । ବଡ଼ ଏବଂ ଛୋଟ ସମସ୍ତ ପ୍ରକାରର ରୋଗ ଡାକ୍ତରଙ୍କ ସାହାଯ୍ୟରେ ଭଲ ହୋଇପାରିବ। ଏପରିକି ଜଣେ ରୋଗୀ ଯେତେବେଳେ ନିଜ ରୋଗ ସହ ଲଢୁଥାଏ ସେତେବେଳେ ମୃତ୍ୟୁମୁଖରୁ ଆଣିବା ପଛରେ ଡାକ୍ତରଙ୍କ ଗୁରୁତ୍ୱ ଅଧିକ ରହିଥାଏ ।ଯେଉଁଥିପାଇଁ କୁହାଯାଏ ଡାକ୍ତର ହେଉଛନ୍ତି ଦ୍ୱିତୀୟ ଈଶ୍ୱର ବା ଏ ମର୍ତ୍ତ୍ୟର ଭଗବାନ। ଏହି ଭଗବାନଙ୍କ ନିସ୍ୱାର୍ଥପର ମାନବ ସେବା ନେଇ ଆଜି
ସବୁଠି ଚର୍ଚ୍ଚା ହେଉଛି । ହିମାଚଳ ପ୍ରଦେଶ ଲୋକସଭା କ୍ଷେତ୍ର ମଣ୍ଡିରେ ଦେଖାଯାଇଥିଲା ନିଆରା ଦୃଶ୍ୟ ।
ଡାକ୍ତର ଅପରେସନ୍ ପରେ ନିଜେ ବିଛଣାରେ ଶୋଇଥିଲେ ଏବଂ ଜଣେ ରୋଗୀ ଚିକିତ୍ସା ପାଇଁ ତାଙ୍କ ନିକଟକୁ ଆସିଥିଲେ । ଶନିବାର ଦିନ ମଣ୍ଡି ସ୍ଥିତ ହସ୍ପିଟାଲ ମଣ୍ଡିରେ କାର୍ଯ୍ୟ କରୁଥିବା ଏମବିବିଏସ ଡ. ଦୁଶ୍ୟନ୍ତ ଠାକୁରଙ୍କ ଗୋଡ ଅସ୍ତ୍ରୋପଚାର କରାଯାଇଥିଲା । ତାଙ୍କୁ ପ୍ରାୟ 12 ଟା ସମୟରେ ଅପରେସନ୍ ଥିଏଟରରୁ ଅଣାଯାଇଥିଲା | ଅପରାହ୍ନରେ ଧରାମପୁର ନିବାସୀ 64 ବର୍ଷିୟ ନାରାୟଣ ସିଂଙ୍କ ଚିକିତ୍ସା କରିଥିଲେ ।
ରୋଗୀ ଫୁସଫୁସ ରୋଗରେ ପୀଡିତ ଥିଲେ ଯେଉଁଥିପାଇଁ ତାଙ୍କୁ ନିଶ୍ୱାସ ନେବାରେ ଅସୁବିଧା ହେଉଥିଲା । ଏହି ରୋଗୀ ପୂର୍ବରୁ ଅନ୍ୟ ମେଡିକାଲରେ ଚିକିତ୍ସାତ ହେଉଥିଲେ କିନ୍ତୁ ରୋଗୀ ଜଣକ ସମ୍ପୃକ୍ତ ମେଡିକାଲ ଛାଡି ଜୋନାଲ ହସ୍ପିଟାଲ ମାଣ୍ଡିରେ ପହଞ୍ଚିଥିଲେ । ଏଠାରେ ଡାକ୍ତର ଖଟ ଉପରେ ଥିଲେ ଏବଂ ସେ ରୋଗୀକୁ ନିଜେ ଖଟରୁ ଦେଖିଥିଲେ | ରୋଗୀର ସମସ୍ତ ରିପୋର୍ଟ ଦେଖିବା ପରେ ସେ ୱାର୍ଡରେ ପଡ଼ିଥିବା ରୋଗୀକୁ ପରୀକ୍ଷା କରିଥିଲେ। ପରୀକ୍ଷା ପରେ ଡାକ୍ତର ରୋଗୀଙ୍କୁ ଚିକିତ୍ସା ପାଇଁ ଜୋନାଲ ହସ୍ପିଟାଲ ମାଣ୍ଡିର ଜରୁରୀକାଳୀନ ୱାର୍ଡରେ ଭର୍ତ୍ତି କରିଥିଲେ ।
ଡକ୍ଟର ଦୁଶ୍ୟନ୍ତ କହିଛନ୍ତି, “ମୁଁ ରୋଗୀଙ୍କ ପରିବାର ତରଫରୁ ଏକ କଲ ପାଇଥିଲି । ମୋର ଗୋଡ ଅପରେସନ୍ ପରେ ମୁଁ ୱାର୍ଡକୁ ଯାଇଥିଲି। ପରିବାର ତରଫରୁ କଲ ପାଇବା ମାତ୍ରେ ମୁଁ ପ୍ରଥମେ ଭାବିଲି ରୋଗୀକୁ କିପରି ପରୀକ୍ଷା କରିବି ? ଏହି ଅବସ୍ଥା, କିନ୍ତୁ ଡାକ୍ତର ଭାବରେ ମୋର ପ୍ରଥମ କର୍ତ୍ତବ୍ୟ ହେଉଛି ରୋଗୀଙ୍କୁ ଚିକିତ୍ସା ଯୋଗାଇବା ।”ରୋଗୀ ନିଜେ କହିଛନ୍ତି, “ମୋର ଡାକ୍ତର ଦୁଶାନ୍ତଙ୍କ ଉପରେ ମୋର ବିଶ୍ୱାସ ଅଛି । ଡାକ୍ତର ମୋତେ ଏବଂ ମୋ ଭାଇଙ୍କୁ ଉଦ୍ଧାର କରିଛନ୍ତି । ଚିକିତ୍ସା ପାଇବା ପରେ ମୁଁ ପୂର୍ବ ଅପେକ୍ଷା ଭଲ ଅନୁଭବ କରୁଛି । ଡାକ୍ତରଙ୍କୁ ଦେଖିବା ପରେ ମୋର ସ୍ୱାସ୍ଥ୍ୟ 25% ବୃଦ୍ଧି ପାଇଛି ।”ତେବେ ଡାକ୍ତରଙ୍କ ଏହି ମହାନତାର ଭିଡିଓ ମୋବାଇଲରୁ ମୋବାଇଲକୁ ଘୁରି ବୁଲିବା ପରେ ସାଧାରଣରେ ତାଙ୍କୁ ପ୍ରଶଂସା କରାଯାଇଛି । ଆଉ ଲୋକେ କହୁଛନ୍ତି ଏମିତି ଡାକ୍ତର ଥିଲେ ରୋଗୀଙ୍କୁ ପାଇଁ କିଛି ଅସୁବିଧା ହେବନି ।