ପୁଣି ବଲାଙ୍ଗିରରେ ଚାଞ୍ଚଲ୍ୟ : ଦୋକାନରେ ପଶି ଦୋକାନୀଙ୍କ ଗୋଡା ହାତ କାଟିଦେଲେ ଦୁବୁର୍ତ୍ତ ..
1 min read
ବଲାଙ୍ଗିର :ବଲାଙ୍ଗିର ସହରରେ ଅପରାଧ ଥମିବାର ନା ନେଉ ନାହିଁ । ଦିନେ ପୂର୍ବରୁ ରାଜେନ୍ଦ୍ର କଲେଜ ର ଦୁଇ ଜଣ ଛାତ୍ରଙ୍କ ତଣ୍ଟି କାଟି ହତ୍ୟା କରିବାକୁ ଉଦ୍ୟମ କରାଯାଇଥିବା ବେଳେ ଆଜି ପୁଣି ଏକ ଘଟଣା ଘଟିଛି । ବଲାଙ୍ଗିର ରେଳୱେ ଷ୍ଟେସନ ନିକଟସ୍ଥ ଇନ୍ଦ୍ରପ୍ରସ୍ଥ ହୋଟେଲ କୁ ଲାଗି ରହିଥିବା ଏକ ପାନ ଦୋକାନ ର ଦୋକାନୀ ଙ୍କୁ ମରଣାନ୍ତକ ଆକ୍ରମଣ ହୋଇଛି । ସଂଘବଦ୍ଧ ଭାବରେ ଖଣ୍ଡା ରେ ଆକ୍ରମଣ କରି ଯୁବକର ଗୋଡ଼ ଓ ହାତ କାଟି ଦେଇଛନ୍ତି ଦୃବୁର୍ତ୍ତ।
ଆକ୍ରମଣ ର ଶିକାର ହୋଇଥିବା ଯୁବକ ଜଣକ ପେଲେସ ଲାଇନ ର ପ୍ରେମ ପ୍ରକାଶ ନାଏକ ଓରଫ ନିଗମ ବୋଲି ଜଣାପଡିଛି। ସୂଚନା ଅନୁସାରେ ଶନିବାର ଅପରାହ୍ନ ୩.୩୦ ମିନିଟ ସମୟରେ ନିଗମ ତାଙ୍କ ପାନ ଦୋକାନରେ ଥିଲେ । ଏହି ସମୟରେ ପ୍ରାୟ ୮/୧୦ ଜଣେ ଦୃବୁତ ଆସି ହଠାତ୍ ତାଙ୍କୁ ଅତର୍କିତ ଭାବରେ ଆକ୍ରମଣ କରିଥିଲେ। ଲୁହା ରଡ଼ ଓ ଖଣ୍ଡା ରେ ଆକ୍ରମଣ କରିଥିଲେ। ଖଣ୍ଡା ଚୋଟରେ ତାଙ୍କର ଡାହାଣ ହାତ କଟିଥିବା ବେଳେ ବାମ ଗୋଡ଼ ସମ୍ପୂର୍ଣ୍ଣ ଭାବରେ ଛିଣ୍ଡି ଯାଇଥିବା ଜଣାପଡ଼ିଛି । ଖବର ପାଇଁ ପିସିଆର୍ ଭ୍ୟାନ ତୁରନ୍ତ ଘଟଣାସ୍ଥଳ ରେ ପହଞ୍ଚି ତାଙ୍କୁ ଉଦ୍ଧାର କରି ଭୀମ ଭୋଇ ମେଡିକାଲ କୁ ନେଇଥିଲା । ତେବେ ନିଗମ ର ଅବସ୍ଥା ଗୁରୁତର ରହିଥିବା ଜଣାପଡ଼ିଛି।
