ଡୋନାଲ୍ଡ ଟ୍ରମ୍ପଙ୍କ ପ୍ରାଇଭେଟ୍ ଜେଟ୍ ରେ ଲାଗିଛି ସୁନା

1 min read

3 days ago Niyati Das

ଟ୍ରମ୍ପଙ୍କ ପ୍ରାଇଭେଟ୍ ଜେଟ୍ ବୋଇଙ୍ଗ ୭୫୭-୨୦୦ ରେ ଲାଗିଛି ସୁନା । ଟ୍ରମ୍ପଙ୍କ ଏହି ପ୍ଲେନକୁ ‘ଟ୍ର୍ରମ୍ପ ଫୋର୍ସ ୱାନ’ ନାମରେ ଜଣାଯାଇଥାଏ । ଏହା କେବଳ ପରିବହନର ମାଧ୍ୟମ ନୁହେଁ ବରଂ ସମ୍ପତ୍ତି ଏବଂ ପ୍ରତିଷ୍ଠାର ପ୍ରତୀକ ଅଟେ ଟ୍ରମ୍ପଙ୍କର ଏହି ପ୍ରାଇଭେଟ ଜେଟ । ଟ୍ରମ୍ପ ଏହାକୁ ରାଜନୈତିକ ଏବଂ ର୍ୟାଲି ପାଇଁ ବ୍ୟବହାର କରିଥାନ୍ତି । ଯେଉଁଥିପାଇଁ ଏହା ଟ୍ରମ୍ପ ବ୍ୟକ୍ତିଗତ ବ୍ରାଣ୍ଡର ଏକ ମହତ୍ତ୍ୱପୂର୍ଣ୍ଣ ଅଂଶ ଭାବେ ବିବେଚିତ ହୋଇଥାଏ । ଡୋନାଲ୍ଡ ଟ୍ରମ୍ପ ଏହାକୁ ୨୦୧୧ ରେ ପାଖାପାଖି ୧୦୦ ମିଲିୟନ ଡଲାର ଖର୍ଚ୍ଚ କରି କିଣି ଥିଲେ । ଏହି ପ୍ଲେନ ଖୁବ୍ ବିଳାଶପୂର୍ଣ୍ଣ, ବିଶେଷ କରି ସୁନାରେ ସଜା ହୋଇଥିବା ଯୋଗୁ ଏହା ଆହୁରି ସ୍ୱତନ୍ତ୍ର ହୋଇଯାଇଛି ।

ଏହି ଜେଟ୍ ରେ ବିରାଟ ବଡ ବେଡରୁମ୍ ରହିଛି । ଯେଉଁଥିରେ କଷ୍ଟମ ହେଡବୋର୍ଡ ଏବଂ ଏଣ୍ଟରଟେନମେଣ୍ଟ ସିଷ୍ଟମ ଲାଗିଛି । ଏଥିସହିତ ଗୋଟିଏ ଡାଇନିଙ୍ଗ ଏରିଆ ରହିଛି । ଯେଉଁଠାରେ ଅନବୋର୍ଡ ସେଫ୍ ଙ୍କ ଦ୍ୱାରା ପ୍ରସ୍ତୁତ କରାଯାଉଥିବା ଭୋଜନର ଆନନ୍ଦ ନିଆଯାଇଥାଏ । ଯେଉଁଥିପାଇଁ ଯାତ୍ରାର ଅନୁଭବ ସୁନ୍ଦର ହୋଇଥାଏ । ଟ୍ରମ୍ପଙ୍କ ଜେଟ୍ ରେ ବିଳାସପୂର୍ଣ୍ଣ ବାଥରୁମ୍ ମଧ୍ୟ ରହିଛି । ଯେଉଁଥିରେ ମାଷ୍ଟର ବାଥରୁମ୍ ଏକ ସୁନାର ପରସ୍ତ ଦିଆଯାଇଛି । ବାଥରୁମର ନଳ ମଧ୍ୟ ସୁନାର ।