ନାକଟିଦେଉଳରେ ଡବଲ୍ ମଡ଼ର୍ର ,ଶୋଇଥିବା ବେଳେ ଟାଙ୍ଗିଆରେ ହାଣି ସ୍ବାମୀ ସ୍ତ୍ରୀଙ୍କୁ ହତ୍ୟା ।

ସମ୍ବଲପୁର ; ସମ୍ବଲପୁର ଜିଲ୍ଲା ନାକଟିଦେଉଳ ବ୍ଳକ ଘୋଷରାମାଳ ପଞ୍ଚାୟତ ଅନ୍ତର୍ଗତ ପାଣ୍ଡୁରୀଶିଳା ଗ୍ରାମରେ ସ୍ୱାମୀ ଓ ସ୍ତ୍ରୀ ଙ୍କ ନିର୍ମମ ଭାବେ ହତ୍ୟା ହୋଇଥିବା ନେଇ ସୂଚନା ମିଳିଛି । ଗତକାଲି ବିଳମ୍ବିତ ରାତିରେ ଘରେ ଥିବା ସ୍ୱାମୀ ଓ ସ୍ତ୍ରୀଙ୍କୁ ଏକ ଟାଙ୍ଗିଆରେ କେହି ଜଣେ ହାଣି ନିର୍ମମ ଭାବେ ହତ୍ୟା କରି ଫେରାର ହୋଇଯାଇଛି ।

ସୂଚନାଯୋଗ୍ୟ ଯେ ପାଣ୍ଡୁରୀଶିଳା ଗ୍ରାମର ଆବ୍ରାହାମ କୁଜୁର ଓ ତାଙ୍କ ସ୍ତ୍ରୀ କୁଆଁରୀ କୁଜୁର ଗତ ଶନିବାର ବିଳମ୍ବିତ ରାତିରେ ଘରେ ଶୋଇଥିବା ଅବସ୍ଥାରେ କେହି ଦୁର୍ବୁତ ଆସି ଏକ ଟାଙ୍ଗିଆରେ ଅତି ନିର୍ମମ ଭାବରେ ଦମ୍ପତିଙ୍କୁ ହାଣି ହତ୍ୟା କରି ଫେରାର ହୋଇ ଯାଇଥିବା ଜଣାପଡିଛି ।

Advertisement

ଏ ସର୍ମ୍ପକରେ ଖବର ପାଇ ଘଟଣା ସ୍ଥଳରେ ରେଢ଼ାଖୋଲ ଓ ନାକଟିଦେଉଳ ପୋଲିସ ପହଞ୍ଚି ଘଟଣାର ତଦନ୍ତ ଚଳାଇଥିବା ବେଳେ ହତ୍ୟାର ପ୍ରକୃତ କାରଣ ଜଣା ପଡ଼ିନଥିବା ପୋଲିସ ପକ୍ଷରୁ ସୂଚନା ଦିଆଯାଇଛି ।