ଭୟଙ୍କର ଦୁର୍ଘଟଣା : ନିଶାସକ୍ତ ଅବସ୍ଥାରେ ଯାତ୍ରୀବାହି ଅଟୋକୁ ଧକ୍କାଦେଲେ ପୋଲିସ ବାବୁ …
1 min read
ବାଲେଶ୍ୱର : ମଦୁଆ ଡ୍ରାଇଭରଙ୍କୁ ସାବଡ୍ କରୁଥିବା ପୋଲିସ ଆଜି ନିଜେ ଭାଙ୍ଗିଛି ନିୟମ । ନିଶାରେ ଟୁଳ ଟୁଳ ହୋଇ ଥାନା ଅଧିକାରୀ ଜଣଙ୍କ ରାଜରାସ୍ତାରେ ଗାଡି ଚଲାଉଥିବା ବେଳେ ଚଢାଇଦେଇଛନ୍ତି ଗାଡି ।
ବାଲେଶ୍ଵର ଜିଲ୍ଲା ସଦର ଥାନା ଅଧିନ କୁରୁଡ଼ା ସର୍ଭିସ ରୋଡ଼ରେ ଘଟିଛି ଏଭଳି ଏକ ଅଭାବନୀୟ ଘଟଣା । ଏକ କାର ଅଟୋକୁ ପଛପଟୁ ପିଟିବା ଯୋଗୁଁ ଜଣେ ଗୁରୁତର ଓ ଦୁଇଜଣ ଆହତ ହୋଇଥିବା ଜଣାପଡିଛି। କାର ଚଳାଉଥିବା ବ୍ୟକ୍ତି ଜଣଙ୍କ ଚାନ୍ଦିପୁର ଥାନା ଅଧିକାରୀ ସଦାନନ୍ଦ ନାୟକ ବୋଲି ଜଣାପଡିଛି । ସୂଚନା ଅନୁଯାଇ ବାଲେଶ୍ବର ଚାନ୍ଦିପୁର ଥାନା ଅଧିକାରୀ ସଦାନନ୍ଦ ନାୟକ ଏକ ବାଲେନୋ କାର ନମ୍ୱର Od/33/0524 ଯୋଗେ ଭଦ୍ରକ ଅଭୁମୁଖେ ଯାଉଥିବା ବେଳେ କୁରୁଡା ନିକଟରେ ଏକ ଯାତ୍ରୀବାହୀ ଅଟୋକୁ ପଛପଟୁ ଧକ୍କା ଦେଇଥିଲେ। ଅଟୋରେ ଡ୍ରାଇଭର ସମେତ ପଶ୍ଚିମ ମେଦିନପୁତ ଅଞ୍ଚଳର ଆଷିଶ ପାହାଡି ନାମକ ବ୍ୟକ୍ତି ତାଙ୍କ ପରିବାର ସମେତ ପଞ୍ଚୁଲିଙ୍ଗେଶ୍ବର ବୁଲିବାକୁ ଯାଉଥିବା ବେଳେ ଦୁର୍ଘଟଣା ର ଶିକାର ହୋଇଥିଲେ ।
ଘଟଣା ସ୍ଥଳରେ ଅଟୋଟି ନୟନଜୋରି ଓଲଟି ପଡିଥିବା ବେଳେ ୨ବର୍ଷର ଶିଶୁ ସମେତ ଅଟୋ ଡ୍ରାଇଭର ଗୁରୁତର ଅବସ୍ଥାରେ ଜିଲ୍ଲା ମେଡିକାଲରେ ସ୍ଥାନୀୟ ଲୋକଙ୍କ ସହାୟତାରେ ଚିକିତ୍ସିତ ହେଉଛନ୍ତି । ଘଟଣା ପୁଲିସ ଅଧିକାରୀ ଚମ୍ପଟ ମାରୁ ଥିବା ବେଳେ ଲୋକେ ଘେରି ଯାଇଥିଲେ । ଏବଂ ପୋଲିସଙ୍କୁ ଫୋନ କରିଥିଲେ । ଘଟଣା ସ୍ଥଳରେ ନିକଟସ୍ଥ ଥାନ ଅଧିକାରୀ ପହଞ୍ଚି ଘଟଣାଟିର ତଦନ୍ତ ଚଳାଇଥିବା ବେଳେ ଏନେଇ ସ୍ଥାନୀୟ ଲୋକେ ନିଶାସକ୍ତ ଥାନା ଅଧିକାରୀଙ୍କ ନାଁରେ ଦୁର୍ଘଟଣା ଘଟାଇଥିବା ଅଭିଯୋଗ କରିଛନ୍ତି।
