ଗାଡି ଭିତରୁ ମିଳିଲା ଡ୍ରାଇଭରଙ୍କ ମୃତଦେହ, ହତ୍ୟା ଅଭିଯୋଗ ଆଣିଲେ ପରିବାର…
1 min read
ବଲାଙ୍ଗିର:ଗାଡି ଡ୍ରାଇଭରଙ୍କୁ ଭଡାରେ ଡାକିନେଇ କରିଲେ ହତ୍ୟା । ଏଭଳି ଏକ ସଂଗୀନ ଅଭିଯୋଗ ଆଣିଛନ୍ତି ମୃତ ଡ୍ରାଇଭରଙ୍କ ଭାଇ । ଗତକାଲି ରାତିରେ ତାଙ୍କ ଭାଇଙ୍କୁ ଜଣେ ଫାର୍ମାସିଷ୍ଟ ଗାଡ଼ି ଭିତରେ ହତ୍ୟା କରି ଆରାମରେ ଶୋଇଥିଲେ ଏବଂ ସକାଳୁ ନିଜ ପରିବାର ଧରି ବଲାଙ୍ଗିର ଚାଲି ଆସିଥିଲେ । ନିଜର ଦୋଷ ଘୋଡାଇବାକୁ ଯାଇ ଦୀର୍ଘ ଦେଢ଼ ଘଂଟା ପରେ ଡ୍ରାଇଭରଙ୍କୁ ନିଶ୍ଚଳ ଅବସ୍ଥାରେ ବଲାଙ୍ଗିର ଡାକ୍ତରଖାନାରେ ପହଂଚାଇଥିଲେ ବୋଲି ମୃତକଙ୍କ ଭାଇ ଚନ୍ଦନ ନନ୍ଦ ପୁଇଁତଲା ଥାନାରେ ଅଭିଯୋଗ ଆଣିଛନ୍ତି ।
ଅଭିଯୋଗ ଅନୁସାରେ ଗତକାଲି ବଲାଙ୍ଗିର ବେହେରାପାଲିରେ ରହୁଥିବା ବିନିକା ରଥପଡ଼ାର ମୂଳ ନିବାସୀ ଫର୍ମାସିଷ୍ଟ ଅନୀଲ ମହନ୍ତ ଗାଡ଼ି ଡ୍ରାଇଭର୍ ମକୁନ୍ଦ ନନ୍ଦ ଓରଫ (ରୀଙ୍କୁ )ଙ୍କ ଗାଡ଼ି ଭଡ଼ାରେ ନେଇ ନିଜ ପରିବାର ସହ ଲଛିପୂର୍ ପାଖରେ ଥିବା ଲୁଇସିଂହା ଥାନା କୁଟାସିଂଗାକୁ ଯାଇଥିଲେ । କୁଟାସିଂଗାରେ ରାତିରେ ମକୁନ୍ଦଙ୍କୁ ଗାଡ଼ିରେ ଛାଡ଼ି ନିଜ ପରିବାର ସହ ସେ ଘରେ ଶୋଇଥିଲେ । ହେଲେ ସକାଳୁ ଗାଡ଼ିରେ ମକୁନ୍ଦଙ୍କ ନିଶ୍ଚଳ ମୃତ ଦେହ ଦେଖିବାକୁ ପ୍ଧବଥିଲେ । ହେଲେ ଏପରି ଅବସ୍ଥାରେ ମୁକୁନ୍ଦଙ୍କୁ ପ୍ରଥମେ ମେଡିକାଲ ନ ନେଇ ନିଜ ପରିବାରକୁ ନେଇ ବଲାଙ୍ଗିର ଆସିଥିଲେ । ସେମାନଙ୍କୁ ଘରେ ଛାଡ଼ିବା ପରେ ମକୁନ୍ଦଙ୍କୁ ଡାକ୍ତରଖାନାରେ ପହଂଚାଇଥିଲେ ।
କୁଲେରବାହାଲି ଅଞ୍ଚଳରେ ଏପରି ଘଟଣା ଚାଞ୍ଚଲ୍ୟ ଖେଳାଇ ଦେଇଥିବା ବେଳେ ମୃତକ ଭାଇଙ୍କ ସମେତ ଗ୍ରାମବାସୀ ଏ ଘଟଣା ସମ୍ପର୍କରେ ଥାନାରେ ଅଭିଯୋଗ କରିଛନ୍ତି । ଅନ୍ୟପଟେ ଫର୍ମାସିଷ୍ଟ ଅନୀଲ ମହନ୍ତ ତାଙ୍କର କିଛି ଦୋଷ ନାହିଁ ବୋଲି କହି ଅଭିଯୋଗକୁ ଖଣ୍ଡନ କରିଛନ୍ତି । ସେ କହିଛନ୍ତି ଯେ, ଗତକାଲି ସେମାନେ ଯିବା ସମୟରେ ବାଟରେ ଢ଼ାବାରେ ଖାଇ ରାତିରେ କୁଟାସିଂଗାରେ ପହଂଚିଥିଲେ । ସେ ମକୁନ୍ଦଙ୍କୁ ଘରେ ଶୋଇବା ପାଇଁ ଡାକିଥିଲେ ବି ମକୁନ୍ଦ ଗାଡ଼ିରେ ଶୋଇବି ବୋଲି କହିଥିଲେ । ସକାଳୁ ଗାଡ଼ିରେ ମକୁନ୍ଦଙ୍କ ନିଶ୍ଚଳ ଶରୀରର ସେ ଦେଖିବାକୁ ପାଇଥିଲେ । ସେପଟେ ଘଟଣାର ରହସ୍ୟ ଖୋଲିବାକୁ ତଦନ୍ତ ଆରମ୍ଭ କରିଛି ପୁଇଁତଲା ପୋଲିସ୍ ।
