ପୁନେ କ୍ରାଇମବ୍ରାଞ୍ଚର ବଡ ସଫଳତା……ମିଳିଲା କୋଟି କୋଟି ଟଙ୍କାର ଡ୍ରଗ୍ସ….
1 min read
ଗତ କିଛି ଦିନ ହେବ ପୁନେ ସହରରେ ଡ୍ରଗ୍ ବିକ୍ରି ପରିମାଣ ବୃଦ୍ଧି ପାଇଛି। ଅଧିକାଂଶ ଯୁବକ ନିଶା ସେବନରେ ଫସି ରହିଛନ୍ତି। ଏହାକୁ ଦୃଷ୍ଟିରେ ରଖି ଡ୍ରଗ୍ସ ଚୋରା ଚାଲାଣକାରୀଙ୍କ ବିରୋଧରେ ସିଧାସଳଖ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପୋଲିସ କମିଶନର ଅମିତେଶ କୁମାର ନିର୍ଦ୍ଦେଶ ଦେଇଥିଲେ ।ସେହିପରି ସଫଳତାର ସହ ପୁନେରେ ଜବତ ହେଲା ୧୦୦ କୋଟିରୁ ଅଧିକ ଡ୍ରଗ୍ସ | ପୁନେର ବିଶ୍ରାନ୍ତବାଡି ଅଞ୍ଚଳରୁ ଜବତ ହୋଇଛି ଏହି ଡ୍ରଗ୍ସ | କ୍ରାଇମ ବ୍ରାଞ୍ଚ ଟିମ ହାତରେ ଲାଗିଛି ଏକ ବଡ ସଫଳତା |ଏହା ସହିତ ପୋଲିସ ମେଫେଡ୍ରୋନ୍ର ୫୨ କିଲୋଗ୍ରାମ ଷ୍ଟକ୍ ଜବତ କରିଛି।
ଅମିତେଶ କୁମାରଙ୍କ ନିର୍ଦ୍ଦେଶ ପରେ ପୁନେ ପୋଲିସ ଏବଂ କ୍ରାଇମ ବ୍ରାଞ୍ଚ ଟିମ୍ ସହରର ବିଭିନ୍ନ ସ୍ଥାନରେ ଚଢ଼ାଉ ଆରମ୍ଭ କରିଥିଲେ। ସେହିଭଳି ପୁନେରେ ବିଶ୍ରାନ୍ତବାଡି ଅଞ୍ଚଳରେ ଚଢ଼ାଉ କରିଥିଲା କ୍ରାଇମ ବ୍ରାଞ୍ଚ। ଏହି ସମୟରେ ବହୁ ପରିମାଣର ମେଫେଡ୍ରୋନ୍ ମଧ୍ୟ ମିଳିଲା | ଏହି ମେଫେଡ୍ରୋନ୍ ର ମୂଲ୍ୟ ୩.୫ କୋଟି ଟଙ୍କା ପର୍ଯ୍ୟନ୍ତ ହେବାର ଅନୁମାନ କରାଯାଉଛି । ପୋଲିସର ସୂଚନାନୁସାରେ, ସନ୍ଦେହ ଆଖିରୁ ବଞ୍ଚିବା ପାଇଁ ଲୁଣ ବିକ୍ରି କରିବାର ସ୍କିମ ପ୍ଲାନରେ ଆରମ୍ଭ କରିଥିଲେ ଚାଲାଣ। ପୁନେ ପୋଲିସ ସୋମବାର ୩ ଜଣ ନିଶା କାରବାରକାରୀଙ୍କୁ ଗିରଫ କରିଥିଲା।
ଘଟଣାର ଅଧିକ ତଦନ୍ତ କରୁଥିବାବେଳେ ପୋଲିସ ଏହି ପ୍ରମୁଖ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଏହି ସମଗ୍ର ପ୍ରସଙ୍ଗରେ ଏକ ଆନ୍ତର୍ଜାତୀୟ ରାକେଟ ଥିବାର ଏକ ଦୃଢ଼ ସମ୍ଭାବନା ରହିଛି ବୋଲି ଅନୁମାନ କରାଯାଉଛି | ସେପଟେ ପୁନେ ପୋଲିସ ଏକାସାଙ୍ଗରେ ୧୦୦ କୋଟିରୁ ଅଧିକ ମୂଲ୍ୟର ଡ୍ରଗ୍ସ ଜବତ କରିଛି ଯାହା ସହରରେ ଆଲୋଡ଼ନ ସୃଷ୍ଟି କରିଛି।
