ନିଶାସକ୍ତ ଡ୍ରାଇଭରଙ୍କ ଉନ୍ମତ୍ତ କାଣ୍ଡ ; ଗୋଟେ ପରେ ଗୋଟେ ଗାଡିକୁ ପିଟି ଚଢିଗଲା କାର୍ ..
1 min read
କଟକ : ନିଶାସକ୍ତ ଡ୍ରାଇଭରଙ୍କ ଉନ୍ମତ୍ତ କାଣ୍ଡ । ନିଜ ଉପରୁ ନିୟନ୍ତ୍ରଣ ହରାଇ ଗୋଟିଏ ପରେ ଗୋଟିଏ ଗାଡ଼ିକୁ ପିଟି ଆଗକୁ ବଢ଼ି ଚାଲିଲେ । ଆଉ ଶେଷରେ ଉତ୍ତ୍ୟକ୍ତ ଲୋକେ ତାଙ୍କୁ କାବୁ କରି ଉତ୍ତମ ମଧ୍ୟମ ଦେବା ସହ ପୁଲିସ୍ ଜିମାରେ ଦେଲେ । ଏପରି ଏକ ଅଭାବନୀୟ ଘଟଣା ଗତକାଲି କଟକ ସହରରେ ଘଟିଛି ।
ସୂଚନା ଅନୁଯାୟୀ,ଗତକାଲି ଜଣେ କାର୍ ଚାଳକ କଟକ ସହର ମଧ୍ୟ ଦେଇ ଦ୍ରୁତ ଗତିରେ ଯାଉଥିଲେ । ଏହା ମଧ୍ୟରେ ଭାରସାମ୍ୟ ହରାଇ ସେ ବାରବାଟୀ ଷ୍ଟାଡିୟମ , ଯୋବ୍ରା, ଚାଉଳିଆଗଞ୍ଜ ସହ ଏକାଧିକ ସ୍ଥାନରେ ବହୁ ଗାଡ଼ି ସହ ଧକ୍କା କରି ଘଟଣାସ୍ଥଳରୁ ପଳାଇଥିଲେ । କଟକ ବାରବାଟୀ ଷ୍ଟାଡିୟମ ଠାରୁ ଗାଡି ଦ୍ରୁତଗତରେ ଚଳାଇ ଆସି ରାଜେନ୍ଦ୍ର ନଗରରେ ରଖି ଚାଳକ ଭୟରେ ଘରେ ପଶିଯାଇଥିଲେ ।
ପରେ ଉତ୍ତ୍ୟକ୍ତ ଲୋକେ ପିଛା କରି ସେହି ସ୍ଥାନରେ ପହଞ୍ଚି ଗାଡିଟିକୁ ଭଙ୍ଗାରୁଜା କରିଥିଲେ ଏବଂ ଡ୍ରାଇଭର ଜଣଙ୍କୁ ଘରୁ ବାହାରକୁ ଆଣି ନିର୍ଦ୍ଦୁମ କୁଟିଥିଲେ । ଏହି ସମୟରେ ପୋଲିସ ଘଟଣା ସ୍ଥଳରେ ପହଞ୍ଚି ପରିସ୍ଥିତିକୁ ଆୟତ୍ତ କରିବା ସହ କାରଚାଳକକୁ ନିଜ ଗାଡିରେ ମଧୁପାଟଣା ଥାନାକୁ ନେଇଯାଇଛି ।
