ନୂଆ ରୋମାଞ୍ଚକର କାହାଣୀରେ ଦୁଲକର ସଲମାନ , ଜାଣନ୍ତୁ କେବେ ହେବ ଏହାର ରିଲିଜ୍ ।
1 min read
ସୀତା ରାମମ୍ ପରେ ସାଉଥ୍ ଅଭିନେତା ଦୁଲକର ସଲମାନଙ୍କ ଫ୍ୟାନ କ୍ରେଜ୍ ବଢିବାରେ ଲାଗିଛି । ତେବେ ତାଙ୍କ ଫ୍ୟାନ୍ସ ମାନଙ୍କ ପାଇଁ ଏକ ବଡ ଖୁସି ଖବର ଆସିଛି । ବୁଧବାର ନିଜ ଇଷ୍ଟାଗ୍ରାମରେ ଦୁଲକର ସଲମାନ ନିଜ ଅପକମିଙ୍ଗ୍ ଫିଲ୍ମର ପୋଷ୍ଟର ସହ ତାରିଖ ଘୋଷଣା କରିଛନ୍ତି ।
ପୋଷ୍ଟରରେ କଳା ପ୍ୟାଣ୍ଟ ଏବଂ ଧୂସର ରଙ୍ଗର ସାର୍ଟ ପିନ୍ଧିଥିବା ବେଳେ ଦୁଲକର ସଲମାନ କାର୍ ସହ ପୋଜ୍ ଦେଇଛନ୍ତି । ଫିଲ୍ମର ନା ଲକି ଭାସ୍କର ରଖାଯାଇଛି । ଏଥିରେ ସୁଲକର ସଲମାନ ଏକ ସରଳ ବ୍ୟାଙ୍କ୍ କ୍ୟାସିଅର୍ ଭୂମିକାରେ ଅଭିନୟ କରିଛନ୍ତି । କିନ୍ତୁ ଫିଲ୍ମ ଟ୍ୱିଷ୍ଟ ସହ ରୋମାଞ୍ଚରେ ଭରା ବୋଲି ସେ ନିଜେ ପ୍ରକାଶ କରିଛନ୍ତି । ୧୯୮୦ ଦଶକର ଶେଷ ତଥା ୧୯୯୦ ଦଶକର ପ୍ରାରମ୍ଭରେ ନିର୍ମିତ ଏହି ଚଳଚ୍ଚିତ୍ରଟି ଏକ ସରଳ ବ୍ୟାଙ୍କ୍ କ୍ୟାସିଅର ଲକି ଭାସ୍କର ଅଶାନ୍ତ,ଆକର୍ଷଣୀୟ ଏବଂ ଅତିରିକ୍ତ ଜୀବନ ଯାତ୍ରାକୁ ନେଇ ଆସୁଛି ।
ଏହି ଚଲଚ୍ଚିତ୍ରରେ ମୀନାକ୍ଷୀ ଚୌଧୁରୀ ଦୁଲକର ସଲମାନଙ୍କ ବିପକ୍ଷରେ ନଜର ଆସିବେ । ପ୍ରଖ୍ୟାତ ରଚନା ଜି ଭି ପ୍ରକାଶ କୁମାର ଏହି ଚଳଚ୍ଚିତ୍ର ପାଇଁ ସଂଗୀତ ରଚନା କରିଛନ୍ତି ଏବଂ ଏସି ସିନେମାଟୋଗ୍ରାଫର ନିମିଧ ରବି ଏହା ଭିଜୁଆଲ ଦାୟିତ୍ୱ ନିର୍ବାହ କରୁଛନ୍ତି । ଜାତୀୟ ପୁରସ୍କାର ପ୍ରାପ୍ତ ପ୍ରଡକ୍ସନ ଡିଜାଇନର ବାଙ୍ଗଲାନ୍ ଏବଂ ସମ୍ପାଦକ ନବିନ ନୋଲି ଏହି ଚଲଚ୍ଚିତ୍ରରେ କାମ କରୁଛନ୍ତି । ସେପ୍ଟେମ୍ବର ୨୭ ତାରିଖରେ ତେଲୁଗୁ,ତାମିଲ ,ମାଲାୟାଲମ୍ ,କନ୍ନଡ ଏବଂ ହିନ୍ଦୀରେ ‘ଲକି ଭାସ୍କର’ ସାରା ବିଶ୍ୱରେ ମୁକ୍ତିଲାଭ କରିବ ।
