ଦୁଇଟି ଘର ଉପରେ ମାଡ଼ିଗଲା ଡମ୍ପର; ଅଳ୍ପକେ ବର୍ତ୍ତିଲେ ମାଲିକ, ଘରର ବ୍ୟାପକ କ୍ଷୟକ୍ଷତି….
1 min read
ବାଲେଶ୍ଵର ; ବାଲେଶ୍ଵର ଜିଲ୍ଲା ଖଇରା ବ୍ଲକ ବଡ଼ ପୋଖରୀ ରୁ ସୋର ଅଭିମୁଖେ ଡମ୍ପର ଗାଡ଼ି ଆସୁଥିବା ସମୟରେ ଡାଲଙ୍ଗ ଗ୍ରାମରେ ରାତି ୨ ଟା ସମୟରେ ଦୁଇଟି ଘର ଉପରେ ମାଡିଯାଇଛି ଏକ ଡମ୍ପର ଗାଡ଼ି । ଦୁଇଟି ଘରର ବ୍ୟାପକ କ୍ଷୟକ୍ଷତି ହୋଇଥିବା ବେଳେ ଘରେ ଶୋଇଥିବା ମାଲିକ ଅଳ୍ପକେ ବର୍ତ୍ତିଯାଇଥିବା ଜଣାପଡିଛି ।
ଖବର ଅନୁଯାୟୀ ଗତକାଲି ରାତି ୧୨ ଟା ସମୟରେ ଡାଲଙ୍ଗ ଗ୍ରାମରେ ଘର ମାଲିକ ଗିରିଧାରୀ ସାହୁ ଓ ଅଶୋକ କୁମାର ସାହୁ ଓ ଅଭିମନ୍ୟୁ ପଣ୍ଡା ଙ୍କର ବାଡ଼ ଓ ଗେଟ୍ ଦେଇ ଦୁଇଟି ଘର ଉପରେ ଚଢି ସମ୍ପୂର୍ଣ୍ଣ ଭାଙ୍ଗି ଦେଇଛି OD 04 H 40 20 ନମ୍ବରର ଡମ୍ପର ଗାଡି । ତେବେ ଘଟଣା ଘଟାଇ ସେ ସ୍ଥାନରୁ ଚର୍ମ୍ପଟ ମାରିଥିଲେ ।
ଅନ୍ୟପଟେ ଘର ମାଲିକ ଓ ସ୍ଥାନୀୟ ଲୋକେ ସେ ସ୍ଥାନରେ ପହଞ୍ଚି ଟ୍ରକ ସହ କାଗଜ ପତ୍ର ଜବତ୍ କରିଥିଲେ । ସମୃକ୍ତ ଘଟଣାରେ ଘର ମାଲିକ ଅଳ୍ପକେ ବତ୍ତ୍ରିଯାଇଥିବା ବେଳେ କିନ୍ତୁ ତାଙ୍କ ଘରର କ୍ଷୟକ୍ଷତି ହୋଇଥିବା ଜଣାପଡିଛି । ଯାହାର ଆନୁମାନିକ ମୂଲ୍ୟ ୫୦ ହଜାରରୁ ଅଧିକ ହେବ ବୋଲି ଜଣାପଡିଛି । ତେବେ ଗାଡି କାଗଜ ପତ୍ରରୁ ଗାଡି ମାଲିକଙ୍କୁ କଲ୍ କରିଥିଲେ ଘର ମାଲିକ । ଫୋନ ଉଠାଇ ସେ ଘଟଣା ସ୍ଥଳରେ ପହଞ୍ଚି ସବୁ କ୍ଷୟକ୍ଷତି ଦେବାକୁ କହିଥିଲେ ମଧ୍ୟ ଏଯାଏଁ ପହଞ୍ଚିନାହାନ୍ତି । ଯାହା ଫଳରେ ଏଇ ରାସ୍ତା ର ଯାତାୟତ ସହାୟତା ଜରୁରୀ କାଳୀନ ଯାନ ବାହାନ ଗାଡ଼ି ଯିବା ଆସିବାରେ ବାଧାବିଘ୍ନ ସୃଷ୍ଟି ହୋଇଛି ଦେଖି ବାକୁ ମିଳିଛି ।
