ଇଡି କଲା ରେଡ…..ୱାସିଂ ମେସିନରେ ମିଳିଲା ୨.୫୪ କୋଟି ଟଙ୍କା

ରେଡ ସମୟରେ ୱାସିଂ ମେସିନରୁ ବାହାରିଲା ପୁଳାପୁଳା ଟଙ୍କା ଯାହାକୁ ଦେଖିବା ପରେ ସାଧାରଣ ଲୋକଙ୍କ ସହ ଇଡିର କର୍ମଚାରୀମାନେ ହୋଇଗଲେ ଆଶ୍ଚର୍ଯ୍ୟ | ଯେଉଁ ମେସିନରେ ଲୁଗା ସଫା କରାଯାଏ ସେଠି ପସିଛି ଖାଲି ୫00 ଟଙ୍କିଆ ବିଡା ନୋଟ | ଯାହାର ଫଟୋ ବର୍ମାନ ସୋସିଆଲ ମିଡିଆରେ ହୋଇଛି ଭାଇରାଲ |

ତେବେ ପ୍ରାୟ ୨.୫୪ କୋଟି ଟଙ୍କା ଲୁଚା ଯାଇଥିବା ବେଳେ ଇଡି ଅଧିକାରୀ ଚଢ଼ାଉ କରି ଏହାକୁ ଜବତ କରିଛି | କେପ୍ରିକୋରିନିଅନ୍ ସିପିଂ ଏବଂ ଲଜିଷ୍ଟିକ୍ ପ୍ରାଇଭେଟ୍ ଲିମିଟେଡ୍ ଏବଂ ଏହାର ନିର୍ଦ୍ଦେଶକ ବିଜୟ କୁମାର ଶୁକ୍ଳା ଏବଂ ସଞ୍ଜୟ ଗୋସ୍ବାମୀ ଏବଂ ସଂପୃକ୍ତ ସଂସ୍ଥା ଲକ୍ଷ୍ମୀନ୍ ​​ମାରିଟାଇମ୍, ହିନ୍ଦୁସ୍ତାନ ଇଣ୍ଟରନ୍ୟାସନାଲ୍, ରାଜନନ୍ଦିନୀ ମେଟାଲ୍ସ ଲିମିଟେଡ୍, ଷ୍ଟିୱାର୍ଟ ଆଲୋଇସ୍ ଇଣ୍ଡିଆ ପ୍ରାଇଭେଟ୍ ଲିମିଟେଡ୍, ଭାଗନଗର ଷ୍ଟିଲ୍ ଲିମିଟେଡ୍, ବୈଷ୍ଣବ କନଷ୍ଟ୍ରକସନ୍ ଏବଂ ସେମାନଙ୍କର ନିର୍ଦ୍ଦେଶକ / ସହଯୋଗୀ ସନ୍ଦୀପ ଗର୍ଗ, ବିନୋଦ କେଡିଆ ଏବଂ ଅନ୍ୟମାନଙ୍କ ଘରେ ଚଢଉ କରାଯାଇ ଜବତ କରିଛି ପୁଳାପୁଳା ଟଙ୍କା | ଏବଂ ଏହା ସହ କେତେକ ଅପରାଧିକ ଦଲିଲ, ଡିଜିଟାଲ ଉପକରଣ ବ୍ୟତୀତ ଜବତ କରାଯାଇଛି | ସଂସ୍ଥା ଗୁଡିକର ମୋର ପ୍ରାୟ 4୭ଟି ବ୍ୟାଙ୍କକୁ ଫ୍ରିଜ କରାଯାଇଛି ବୋଲି ଇଡି ପକ୍ଷରୁ ସୂଚନ ମିଳିଛି |

ଦିଲ୍ଲୀ, ହାଇଦ୍ରାବାଦ, ମୁମ୍ବାଇ, କୋଲକାତା ଏବଂ ହରିଆନାର କୁରୁକ୍ଷେତ୍ରର ବିଭିନ୍ନ ସ୍ଥାନରେ ଏହି ଚଢଉ କରାଯାଇଥିଲା। ତେବେ ୱାସିଂ ମେସିନରେ ରଖାଯାଇଥିବା ନଗଦ କେଉଁଠୁ ଉଦ୍ଧାର ହୋଇଛି ତାହା ମଧ୍ୟ ଏଥିରେ ଉଲ୍ଲେଖ କରାଯାଇ ନାହିଁ। ସଂସ୍ଥାଗୁଡ଼ିକ ଭାରତ ବାହାରକୁ ବୈଦେଶିକ ମୁଦ୍ରା ପଠାଇବାରେ ସମ୍ପୃକ୍ତ ଥିଲେ ଏବଂ ସିଙ୍ଗାପୁରର ଗାଲାକ୍ସି ସିପିଂ , ହୋରିଜନ୍ ସିପିଂ ଏବଂ ଲଜିଷ୍ଟିକ୍ସ ପ୍ରାଇଭେଟ୍ ଲିମିଟେଡକୁ ସନ୍ଦେହଜନକ ୧୮୦୦ କୋଟି ଟଙ୍କା ପଠାଇଥିବା ମଧ୍ୟ ଜଣପଡିଛି ।