(ଭିଡିଓ) ପୋଲିସ ସାଜି ପ୍ରତିଶୋଧ ନେଲେ ଏଲିନା ସାମନ୍ତରାୟ
1 min read
ଭୁବନେଶ୍ୱର : ଗଣେଶ ପୁଜା ଉପଲକ୍ଷେ ପରଦାରେ ରିଲିଜ ହୋଇସାରିଛି ଓଲିଉଡ ଫିଲ୍ମ ପ୍ରତିଶୋଧ । ଏଥିରେ ମୁଖ୍ୟ ଭୂମିକାରେ ନଜର ଆସିଛନ୍ତି ଅଭିନେତ୍ରୀ ଏଲିନା ସାମନ୍ତରାୟ । ଫିଲ୍ମ ଦେଖିବାକୁ ହଲରେ ଲାଗିଛି ଲୋକଙ୍କ ଭିଡ । ଆଉ ତାଳି ସିଟି ହୁଇସିଲରେ କମ୍ପି ଉଠୁଛି ହଲ ଭିତର । କାରଣ ସବୁଥର ଠାରୁ ଏହି ଫିଲ୍ମରେ ଏଲିନାଙ୍କ ଭୂମିକା ରହିଛି ସମ୍ପୂର୍ଣ୍ଣ ଭିନ୍ନ । କାରଣ ଏଥିରେ ସେ ଚୁଲବୁଲି ନାୟିକା ବଦଳରେ ଏକ ପୋଲିସ ଭୂମିକାରେ ନଜର ଆସିଛନ୍ତି । ପ୍ରଥମ ଥର ହିରୋଙ୍କ ଭଳି ଫାଇଟ କରୁଛନ୍ତି ଏଲିନା । ପ୍ରତିଶୋଧ ଫିଲ୍ମ ଭଳି କାହାଣୀ ପୂର୍ବରୁ ସେ କେବେ ବି କରି ନାହାନ୍ତି । ଏହା ତାଙ୍କର ଥିଲା ଆଉ ଏକ ପରୀକ୍ଷା । କାରଣ ସେ ବର୍ତ୍ତମାନ ଓଲିଉଡରେ ଭିନ୍ନ ଭିନ୍ନ ଭୁମିକା ତୁଲାଇବାକୁ ଚାହୁଛନ୍ତି । ଯାହାର ଏକ ଉଦାହରଣ ହେଉଛି ଫିଲ୍ମ ପ୍ରତିଶୋଧ ।
ସେପ୍ଟେମ୍ବର ୨୨ରେ ସାରା ଓଡିଶାର ସମସ୍ତ ପ୍ରେକ୍ଷାଳୟରେ ମୁକ୍ତିଲାଭ କରିଛି ଫିଲ୍ମ ପ୍ରତିଶୋଧ । ଜି ସାର୍ଥକ ବ୍ୟାନର ତଳେ ନିର୍ମିତ ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ସାଇ ସ୍ୱରାଜ ରେଣୁକା ମଙ୍ଗରାଜ । ଏଲିନାଙ୍କ ବ୍ୟତୀତ ଏହି ଫିଲ୍ମରେ ନିକି, ସମରେଶ ରାଉରାୟ, ପ୍ରିତିରାଜ ,ପୀୟୂଷ ତ୍ରିପାଠୀ, କୁନା ତ୍ରିପାଠୀ, ଜୀବନ ପଣ୍ଡା ଏବଂ ପୁଷ୍ପା ପଣ୍ଡା ମଧ୍ୟ ନଜର ଆସିଛନ୍ତି । ତେବେ ଏଲନି ନିଜ ଉପରେ ହୋଇଥିବା ଅତ୍ୟାଚାରର କିଭଳି ପ୍ରତିଶୋଧ ନେଉଛନ୍ତି ଯେଉଁଥିପାଇଁ ସେ ପୋଲିସରେ ମଧ୍ୟ ସାମିଲ ହୋଇଛନ୍ତି ।ତେବେ ସମ୍ପୂର୍ଣ୍ଣ କାହାଣୀରେ କଣ ରହିଛି ତାକୁ ଜାଣିବାକୁ ପାଇଁ ଆପଣଙ୍କୁ ହଲକୁ ଯିବାକୁ ପଡିବ ।
