ମନ୍ଦିର ହୋର୍ଡିଂରେ ଲାଗିଲା ପର୍ଣ୍ଣ ଷ୍ଟାରଙ୍କ ଫଟୋ , ପୋଷ୍ଟରକୁ ନେଇ ବିବାଦ ..
1 min read
ଧାର୍ମିକ ଅନୁଷ୍ଠାନରେ ଲାଗିଛି ପର୍ଣ୍ଣ ଷ୍ଟାରଙ୍କ ଫଟୋ। ଯାହାକୁ ନେଇ ଉପୁଜିଛି ବିବାଦ । ଦେବୀ ପାର୍ବତୀଙ୍କ ପୂଜା ପାଇଁ ଆୟୋଜିତ ହୋଇଥିବା ଧାର୍ମିକ କାର୍ଯ୍ୟକ୍ରମ ପୋଷ୍ଟରରେ ଲାଗିଥିଲା ମିଆ ଖଲିଫାଙ୍କ ଫଟୋ । ଯାହାକୁ ଦେଖି ଲୋକେ ଆଶ୍ଚର୍ଯ୍ୟ ହୋଇଛନ୍ତି ।ସୂଚନାନୁଯାୟୀ ତାମିଲନାଡୁର କାଞ୍ଚିପୁରମରେ ଏକ ମନ୍ଦିରର ହୋର୍ଡିଂରେ ପର୍ଣ୍ଣ ଷ୍ଟାର ମିୟା ଖଲିଫାଙ୍କ ଫଟୋ ଲାଗିଥିବାରେ ଦେଖିବାକୁ ମିଳିଥିଲା । ଏହି ହୋର୍ଡିଂ ସୋସିଆଲ ମିଡିଆରେ ଭାଇରାଲ ହେବା ପରେ ଲୋକ ଏହାକୁ ସମାଲୋଚନା କରିଛନ୍ତି । ଏପରିକି ପୋଲିସକୁ ଏପରି ଫଟୋ ଲାଗିଥିବା ନେଇ ସୂଚନା ଦିଆଯାଇଥିଲା ।
ଯାହା ପରେ ତୁରନ୍ତ ଏହାକୁ ଉକ୍ତ ସ୍ଥାନରୁ ହଟାଇ ଦିଆଯାଇଛି । ତାମିଲନାଡୁର କୁରୁଭିମଲାଇର ନାଗାଥମ୍ମନ୍ ଏବଂ ସେଲିୟମ୍ମନ୍ ମନ୍ଦିରରେ ଏକ ଉତ୍ସବ ପାଳନ କରିବା ପାଇଁ ଆୟୋଜନ କରାଯାଇଥିଲା । ରଙ୍ଗୀନ ଆଲୋକ ଏବଂ ହୋର୍ଡିଂ ଲଗାଇ ଲୋକଙ୍କୁ ନିମନ୍ତ୍ରଣ କରାଯାଉଥିଲା । ଏହାରି ମଧ୍ୟରେ ଏକ ହୋର୍ଡିଂ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି, ଯେଉଁଥିରେ ମିଆ ଖଲିଫାଙ୍କ ଫଟୋ ଲାଗିଥିବାର ଦେଖିବା ପାଇଁ ମିଳିଥିଲା । ଏହି ହୋର୍ଡିଂ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ହେଲେ ଫଟୋ ଏଡିଟ୍ କରାଯାଇଛି । ଫଟୋରେ ଲାଗୁଛି ଯେ ସେ ‘ପାଲୁ କୁଦମ’ ଧରିଛନ୍ତି । ଦକ୍ଷିଣ ଭାରତରେ କ୍ଷୀରରେ ପରିପୂର୍ଣ୍ଣ ଏକ ପାତ୍ରକୁ ‘ପାଲୁ କୁଦମ’ ବୋଲି କୁହାଯାଏ । ଏଠାରେ ଏହା ପାରମ୍ପାରିକ ପ୍ରସାଦ । ତେବେ ଫୋଟୋ ଦେଖିବା ପରେ ସ୍ଥାନୀୟ ଲୋକେ ପାଟିତୁଣ୍ଡ କରିବା ସହ ଏହା ବିରୁଦ୍ଧରେ ସ୍ୱର ଉଠାଇଥିଲେ। ପରିସ୍ଥିତି ଅଶାନ୍ତ ହେବାରୁ ପୁଲିସ ପହଞ୍ଚି ଲୋକଙ୍କୁ ବୁଝାସୁଝା କରିଛି।ତେବେ ଏପରି ପୋଷ୍ଟର ପଛରେ କାହାର, କି ଉଦ୍ଦେଶ୍ୟ ରହିଛି ତାହା ତଦନ୍ତ ସାପେକ୍ଷ।
