ଏକଜିଟ ପୋଲ ଆକଳନ; ଦିଲ୍ଲୀରେ ମୋଦି ସରକାର, ଆପ୍ -କଂଗ୍ରେସକୁ ଝଟକା
1 min read
ଦିଲ୍ଲୀରେ AAP-କଂଗ୍ରେସକୁ ବଡ ଝଟକା | ପୁଣି ଥରେ ବିଜେପି ଦିଲ୍ଲୀରେ କରିପାରେ ସରକାର | ଇଣ୍ଡିଆ ଟୁଡେ-ଆକ୍ସି ମାଇ ଇଣ୍ଡିଆର ଏକଜିଟ୍ ପୋଲ୍ ଅନୁଯାୟୀ ଏହି ଲୋକସଭା ନିର୍ବାଚନରେ ବିଜେପି ୬ ରୁ ୭ ଟି ସିଟ୍ ପାଇବ ବୋଲି ଆଶା କରାଯାଉଛି। ଯେଉଁଠାରେ INDIA ସହଯୋଗୀ ଦଳ 0-୧ ସିଟ୍ ପାଇପାରେ | ଭୋଟ୍ ପ୍ରତିଶତ ବିଷୟରେ କହିବାକୁ ଗଲେ ଦିଲ୍ଲୀରେ ବିଜେପି ୫୪ପ୍ରତିଶତ ଭୋଟ୍ ପାଇବ ବୋଲି ଆଶା କରାଯାଉଛି। ଯେଉଁଠାରେ INDIA ମିଳିତ ମଞ୍ଚ ୪୪ ପ୍ରତିଶତ ଭୋଟ୍ ପାଇଥିବା ଏବଂ ଅନ୍ୟମାନେ ୨ ପ୍ରତିଶତ ଭୋଟ୍ ପାଇଥିବା ଜଣାପଡିଛି |
ବାସ୍ତବରେ ଦିଲ୍ଲୀର ସମସ୍ତ ଆସନକୁ ବିଜେପି ନିୟନ୍ତ୍ରଣ କରୁଛି। ତେବେ ଏଥର ଦଳ ଏହାର 6 ସାଂସଦଙ୍କ ଟିକେଟ୍ ବାତିଲ କରି ନୂଆ ଚେହେରା ଉପରେ ଆତ୍ମବିଶ୍ୱାସ ପ୍ରକାଶ କରିଛି। ଏଠାରେ ବିଜେପି ଏବଂ ଇଣ୍ଡିଆ ବ୍ଲକ୍ ମଧ୍ୟରେ ଏକ ପ୍ରତିଯୋଗିତା ଚାଲିଛି। ଏଥର କଂଗ୍ରେସ ଏବଂ ଆମ୍ ଆଦମୀ ପାର୍ଟି ମିଳିତ ମଞ୍ଚରେ ନିର୍ବାଚନ ଲଢେ଼ଇରେ ଅଛନ୍ତି। ଏହା ପ୍ରଥମ ଥର ପାଇଁ ଆମ୍ ଆଦମୀ ପାର୍ଟି ଏବଂ କଂଗ୍ରେସ ବିଜେପି ବିରୋଧରେ ମିଳିତ ପ୍ରାର୍ଥୀ କରିଛନ୍ତି। AAP ଚାରିଟି ଆସନରେ ପ୍ରତିଦ୍ୱନ୍ଦ୍ୱିତା କରୁଥିବାବେଳେ କଂଗ୍ରେସ ବାକି ୩ଟି ଆସନରେ ପ୍ରାର୍ଥୀ କରିଛି।
ଜାତୀୟ ରାଜଧାନୀରେ ମେ ୨୫ରେ ଗୋଟିଏ ପର୍ଯ୍ୟାୟରେ ସମସ୍ତ ସାତୋଟି ଲୋକସଭା ଆସନ ପାଇଁ ମତଦାନ ଅନୁଷ୍ଠିତ ହୋଇଥିଲା। ନିର୍ବାଚନ ଆୟୋଗର ତଥ୍ୟ ଅନୁଯାୟୀ ଦିଲ୍ଲୀରେ ପ୍ରାୟ ୫୪.୪୮ ପ୍ରତିଶତ ଭୋଟ୍ ରେକର୍ଡ କରାଯାଇଛି।
ତେବେ ଭାରତବର୍ଷର ଏକଜିଟ୍ ପୋଲ୍ରେ ବିଜେପି ପାଇଁ ଖୁସି ଖବର ଥିବା ସମୟରେ ଇଣ୍ଡିଆ ମେଣ୍ଟକୁ ଝଟକା ଲାଗିପାରେ । ବିଜେପିକୁ ସବୁ ୭ଟି ସିଟ୍ରେ ମିଳିବାର ଅନୁମାନ ରହିଛି । ରିପବ୍ଲିକ୍ MATRIZE ର ଏକଜିଟ୍ ପୋଲ୍ରେ ଅନୁମାନ ଲଗାଯାଇଛି କି ଆମ୍ ଆଦମୀ କଂଗ୍ରେସର ମେଣ୍ଟ କାରଣରୁ ବିଜେପିକୁ କ୍ଷତି ସହିବାକୁ ପଡ଼ିପାରେ I ୩ ବିଜେପିକୁ ୫ଟି ସିଟ୍ ମିଳିପାରେ । ଇଣ୍ଡିଆ ମେଣ୍ଟ ଏଠାରୁ ୨ଟି ସିଟ୍ ଛଡେଇ ନେଇପାରେ I
ଟୁଡେଜ୍ ଚାଣକ୍ୟ ଲାଗିପାରେ I ଦିଲ୍ଲୀରେ ବି ବିଜେପିକୁ ଝଟକା ଲାଗି ଟୁଡେଜ୍ ଚାଣକ୍ୟର ଏକଜିଟ୍ ପୋଲ୍ ମୁତାବିକ ବିଜେପି ଏଥିରେ କ୍ଲିନ୍ ସ୍ବିପ୍ କରିପାରିବ ନାହିଁ । ବିଜେପି ୬ଟି ସିଟ୍ରେ ବିଜୟ ହାସଲ କରି ପାରେ । ଇଣ୍ଡିଆ ମେଣ୍ଟ ଏଠାରୁ ଗୋଟିଏ ସିଟ୍ ନେଇପାରେ |
ଇଣ୍ଡିଆ ଟିଭି –ସିଏନଏକ୍ସ – ଏକଜିଟ୍ ପୋଲ୍ ମୁତାବିକ, ଦିଲ୍ଲୀରେ ଏଥର ଗୋଟିଏ ସିଟ୍ ଇଣ୍ଡିଆ ମେଣ୍ଟ ଖାତାକୁ ଯାଇପାରେ । ସେପଟେ ବିଜେପିକୁ ଗୋଟିଏ ସିଟ୍ର କ୍ଷତି ହେବାର ନଜର ଆସୁଛି. ଯିଏକି ଗତ ଥର ୭-୭ ସିଟ୍ରେ ବିଜୟ ହାସଲ କରିଥିଲା |
