ଯୁବତୀଙ୍କୁ ପ୍ରେମିକ ସାମ୍ନାରେ ଗଣ କୁକର୍ମ ଘଟଣା, ୩ ଜଣ ଅଭିଯୁକ୍ତଙ୍କୁ ଗିରଫ କଲା ଫତେଗଡ ପୋଲିସ ।
1 min read
ନୟାଗଡ ; ଯୁବତୀଙ୍କୁ ପ୍ରେମିକ ସାମ୍ନାରେ ଗଣ କୁକର୍ମ ଘଟଣା, ୩ ଜଣ ଅଭିଯୁକ୍ତଙ୍କୁ ଗିରଫ କଲା ଫତେଗଡ ପୋଲିସ ।
ଫତେଗଡ ରାମ ମନ୍ଦିରରୁ ଦର୍ଶନ ସାରି ଫେରୁଥିବା ବେଳେ ପିଠାଖାଇ ଜଙ୍ଗଲ ନିକଟରେ ପ୍ରେମୀ ଯୁଗଳଙ୍କୁ ଅସଦାଚରଣ କରିବା ସହ ୨୧ ବର୍ଷ ବୟସ୍କା ଯୁବତୀଙ୍କୁ କୁକର୍ମ କରିବା ମାମଲାରେ ଆଜି ଫତେଗଡ ଥାନା ପରିସରରେ ନୟାଗଡ ଏସପି ଏସ ସୁଶ୍ରୀ ପ୍ରେସମିଟ ମାଧ୍ୟମରେ ସୂଚନା ଦେଇଛନ୍ତି।
ସୂଚନା ଅନୁଯାୟୀ ଅକ୍ଟୋବର ୨୦ ତାରିଖ ରବିବାର ସନ୍ଧ୍ୟା ୬.୧୦ ସମୟରେ ରାମ ମନ୍ଦିରରୁ ଦର୍ଶନ ସାରି ଘରକୁ ଫେରୁଥିବା ପ୍ରେମୀ ଯୁଗଳଙ୍କୁ ଜଙ୍ଗଲ ରାସ୍ତାରେ ୩ ଜଣ ଯୁବକ ଛୁରୀ ଦେଖାଇ ଅଟକାଇ ଥିଲେ। ପରେ ଉଭୟଙ୍କୁ ଜଙ୍ଗଲ ଭିତରକୁ ନେଇ ଯାଇଥିଲେ। ପୁରୁଷ ବନ୍ଧୁ ବାଧା ଦେବାରୁ ତାଙ୍କୁ ମାଡ଼ ମାରିବା ସହ ତାଙ୍କ ହାତକୁ ବାନ୍ଧି ଦେଇଥିଲେ। ପରେ ଯୁବତୀଙ୍କ ସହିତ ଜଣଙ୍କ ପରେ ଜଣେ ଦୁଷ୍କର୍ମ କରିବା ସହ ଭିଡ଼ିଓ ଉତ୍ତୋଳନ କରିଥିଲେ। ଏବଂ ତାଙ୍କ ପାଖରେ ଥିବା ୪୮୦୦ ଟଙ୍କା ନେଇ ତାଙ୍କୁ ଧମକ ଦେଇ ଛାଡି ଦେଇଥିଲା। ପରବର୍ତ୍ତୀ ସମୟରେ ଯୁବତୀଙ୍କୁ ଫୋନ କରି ଡାକିବା ସହ ନ ଆସିଲେ ଭିଡ଼ିଓ ଭାଇରାଲ କରିବାକୁ ଧମକ ଦେଇଥିଲେ ।
ଯୁବତୀ ଜଣକ ନଆସିବାରୁ ରାଗି ଯାଇ ଭିଡ଼ିଓ ଭାଇରାଲ କରିଥିଲେ। ଏନେଇ ଯୁବତୀ ଜଣକ ଭିଡ଼ିଓ ଭାଇରାଲ୍ ହୋଇଥିବା ଜାଣିବ ପରେ ପତେଗଡ଼ ଥାନାରେ (କେସ୍ ନମ୍ବର ୨୭୬, ୨୫.୧୦.୨୦୨୪) ଲିଖିତ ଅଭିଯୋଗ କରିଥିଲେ। ଯୁବତୀଙ୍କ ଅଭିଯୋଗ ଓ ଭିଡ଼ିଓକୁ ଆଧାର କରି ଫତେଗଡ ପୋଲିସ ଘଟଣାର ତଦନ୍ତ କରି ୩ ଜଣଙ୍କୁ ଗିରଫ କରିଛି । ତାଙ୍କ ଠାରୁ ୩ଟି ମୋବାଇଲ ସହ ବ୍ୟବହୃତ ଛୁରୀ ଓ ୪୮୦୦ ଟଙ୍କା ଜବତ କରିଛି। ଆହୁରି ମଧ୍ୟ ଏହି ଘଟଣାର ତଦନ୍ତ ଚାଲିଛି।
ମହିଳା ଏବଂ ଶିଶୁ ୱିଙ୍ଗ (CAW & CW) ବିରୋଧରେ ଅପରାଧ ପାଇଁ ପୋଲିସର ଇନ୍ସପେକ୍ଟର ଜେନେରାଲ ଏହି ମାମଲା ଉପରେ ନଜର ରଖିଛନ୍ତି।
