ବବିଙ୍କ ଭାଇ ଭବ ଦାସ ଗିରଫ ଘଟଣା: ଥାନାକୁ ଆସି ଅଭିଯୋଗ ପ୍ରତ୍ୟାହାର କଲେ ଅଭିଯୋଗକାରୀ…
1 min read
ପ୍ରଣବ ପ୍ରକାଶ ଦାସଙ୍କ ଭାଇ ଭବ ଦାସ ଗିରଫ ଘଟଣା । ଯାଜପୁର ଥାନାରେ ଅଭିଯୋଗକୁ ପ୍ରତ୍ୟାହାର କଲେ ଅଭିଯୋଗକାରୀ । ଅଭିଯୋଗକାରୀ ଅଭିଯୋଗ ଆଧାରରେ ପୋଲିସ ଶୁକ୍ରବାର ବିଳମ୍ବିତ ରାତିରେ ଭବପ୍ରସାଦ ଦାସଙ୍କୁ ଉଠାଇ ନେଇ ଅଟକ ରଖିଥିଲା । ଏହାପରେ ତାଙ୍କୁ ଗିରଫ କରିଥିଲା ।
ସୂଚନା ଅନୁସାରେ ଗିରଫ ପରେ ଯାଜପୁର ଜିଲ୍ଲା କାରାଗାରରେ ଭର୍ତ୍ତି ହୋଇଥିଲେ ଭାଇ ଭବ ପ୍ରକାଶ ଦାସ । ଭବ ପ୍ରସାଦ ଦାସଙ୍କୁ ମେଡିସିନ ଏବଂ ତରଳ ଖାଦ୍ୟ ପ୍ରଦାନ ପାଇଁ ନିବେଦନ କରାଯାଇଥିଲା । ଜାମିନ ପାଇଁ ନିବେଦନ କରାଯାଇ ନ ଥିବା ସୂଚନା ଦେଇଥିଲେ ପରିବାର ବର୍ଗ ଏବଂ ଓକିଲ ପୂର୍ଣ୍ଣ ଚନ୍ଦ୍ର ଦେଓ । କିନ୍ତୁ ମିଛ ମାମଲାରେ ଗିରଫ କରାଯାଇଥିବାରୁ ଜାମିନ ନିବେଦନ ପାଇଁ ମନା କରିଛନ୍ତି ଭବ ପ୍ରସାଦ ଦାସ ।
ସୂଚନା ଯୋଗ୍ୟ ଧର୍ମଶାଳା ବିଧାୟକ ହିମାଂଶୁ ସାହୁଙ୍କୁ ଆକ୍ରମଣ ଘଟଣା ଓ ବିରଜା ହାଟ ଗଣ୍ଡଗୋଳ ଘଟଣାରେ ତାଙ୍କୁ ଅଟକ ରଖାଯାଇଥିଲା । ଘଟଣାରେ ଗିରଫ ସଂଖ୍ୟା ୧୯କୁ ବୃଦ୍ଧି ହୋଇଛି । ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଯାଜପୁର ଥାନାରେ ଭବ ପ୍ରସାଦ ଦାସ ନାମରେ ୪ଟି ପୃଥକ ପୃଥକ ମାମଲା ରୁଜୁ ହୋଇଛି ।
