ଦିଲ୍ଲୀର ପିତାମ୍ପୁରାରେ ଭୟଙ୍କର ଦୁର୍ଘଟଣା, ଘରେ ନିଆଁ ଲାଗି ୫ ଜଣଙ୍କର ମୃତ୍ୟୁ ଘଟିଛି।
1 min read
ନୂଆଦିଲ୍ଲୀ: ଦିଲ୍ଲୀର ପିତାମ୍ପୁରା ଅଞ୍ଚଳରେ ଘରେ ନିଆଁ ଲାଗି ଏକ ବଡ଼ ଦୁର୍ଘଟଣା ଘଟିଛି। ଅଗ୍ନିକାଣ୍ଡରେ ୫ ଜଣଙ୍କର ମୃତ୍ୟୁ ହୋଇଛି। ଦିଲ୍ଲୀ ପୋଲିସର ସୂଚନାନୁସାରେ, ପ୍ରାଣ ହରାଇଥିବା ପାଞ୍ଚ ଜଣଙ୍କ ମଧ୍ୟରେ ୨ ଜଣ ପୁରୁଷ ଏବଂ ୩ ଜଣ ମହିଳା ଅଛନ୍ତି। ପୋଲିସ କହିଛି ଯେ ଯେଉଁ ଘରେ ନିଆଁ ଲାଗିଥିଲା ତାହା ଚାରି ମହଲା । ପ୍ରଥମ ଏବଂ ଦ୍ୱିତୀୟ ମହଲାରେ ନିଆଁ ଲାଗିଯାଇଥିଲା। ସୂଚନା ଅନୁଯାୟୀ, ସର୍ଟ ସର୍କିଟ କିମ୍ବା ରୁମ ହିଟର ଯୋଗୁଁ ଏହି ଅଗ୍ନିକାଣ୍ଡ ଘଟିଥିବାର ସନ୍ଦେହ କରାଯାଉଛି। ଅଗ୍ନିଶମ ବିଭାଗ କହିଛି ଯେ ଘରେ କାଠ ସାମଗ୍ରୀ ଥିବାରୁ ନିଆଁ ଶୀଘ୍ର ବ୍ୟାପିଗଲା।
ଅଗ୍ନିଶ୍ରମ ଅଧିକାରୀ କହିଛନ୍ତି ଯେ ରାତି ୮ଟାରେ ନିଆଁ ସମ୍ପର୍କରେ ସୂଚନା ମିଳିଥିଲା।ଘଟଣାସ୍ଥଳକୁ ଆଠଟି ଅଗ୍ନି ଟେଣ୍ଡର ପଠାଯାଇଥିଲା। ଏହି ଘର ପିତାମ୍ପୁରାର ଜେପି ବ୍ଲକରେ ଅବସ୍ଥିତ। ପୋଲିସ ଏବଂ ଅଗ୍ନିଶ୍ରମ ବାହିନୀ ଟିମ୍ ମଧ୍ୟ ୬ ଜଣଙ୍କୁ ଉଦ୍ଧାର କରିଥିଲେ।ଅଧିକ ତଦନ୍ତ କରାଯାଉଛି ବୋଲି ପୋଲିସ କହିଛି।
Advertisement
