କେମିତି ଇଏସ୍ଆଇ ହସ୍ପିଟାଲରେ ଲାଗିଲା ନିଆଁ ? ଅଗ୍ନିକାଣ୍ଡର ପ୍ରକୃତ କାରଣ କଣ ?
1 min read
କୋଲକାତାର ସିୟାଲଦାହ ସ୍ଥିତ କର୍ମଚାରୀ ରାଜ୍ୟ ବୀମା (ESI) ହସ୍ପିଟାଲରେ ଲାଗିଲା ନିଆଁ ।ଫଳରେ ଜଣଙ୍କର ମୃତ୍ୟ ହୋଇଛି ।ମୃତକ ଜଣକ ହେଉଛନ୍ତି ଉତ୍ତମ ବର୍ଦ୍ଧନ। ସେ ଡାକ୍ତରଖାନାରେ କର୍କଟ ରୋଗ ପାଇଁ ଚିକିତ୍ସିତ ହେଉଥିଲେ ।ଧୂଆଁ ଯୋଗୁଁ ଅସ୍ବାଭାବିକ ଅବସ୍ଥାରେ ତାଙ୍କୁ ଉକ୍ତ ଡାକ୍ତରଖାନାର କ୍ରିଟିକାଲ କେୟାର ୟୁନିଟ (ସିସିୟୁ) ରେ ଭର୍ତ୍ତି କରାଯାଇଥିଲା, ସେଠାରେ ଚିକିତ୍ସା ସମୟରେ ତାଙ୍କର ମୃତ୍ୟୁ ଘଟିଥିଲା। ଅବଶିଷ୍ଟ ରୋଗୀଙ୍କୁ ନିରାପଦରେ ଡାକ୍ତରଖାନାର ଅନ୍ୟ ୱାର୍ଡକୁ ସ୍ଥାନାନ୍ତର କରାଯାଇଥିଲା।ଏହି ଅଗ୍ନିକାଣ୍ଡକୁ ପ୍ରଥମେ ଡାକ୍ତରଖାନାର ଜଣେ କର୍ମଚାରୀ ଜଣାଇଥିଲେ ଯେ ସେ ପ୍ରଥମ ମହଲାରେ ଥିବା ପୁରୁଷ ସର୍ଜରୀ ୱାର୍ଡରୁ ଧୂଆଁ ବାହାରୁଥିବା ଦେଖି ତୁରନ୍ତ କର୍ତ୍ତୃପକ୍ଷଙ୍କୁ ଜଣାଇଥିଲେ।
ଖବର ପାଇ ନିଆଁ ଲିଭାଇବା ପାଇଁ ଅତି କମରେ ୧୦ ଟି ଦମକଳ ଗାଡି ଘଟଣାସ୍ଥଳରେ ପହଞ୍ଚିଥିଲେ। ହସ୍ପିଟାଲର ପୁରୁଷ ସର୍ଜରୀ ୱାର୍ଡରେ ଭର୍ତ୍ତି ହୋଇଥିବା ୮୦ ରୋଗୀଙ୍କୁ ଅଗ୍ନିଶମ କର୍ମଚାରୀ ଏବଂ ରାଜ୍ୟ ବିପର୍ଯ୍ୟୟ ପରିଚାଳନା ବିଭାଗର କର୍ମଚାରୀମାନେ ସୁରକ୍ଷିତ ଭାବେ ସ୍ଥାନାନ୍ତର କରିଥିଲେ।ରାଜ୍ୟ ଅଗ୍ନିଶମ ସେବା ମନ୍ତ୍ରୀ ସୁଜିତ ବସୁ ଡାକ୍ତରଖାନାରେ ପହଞ୍ଚି ନିଆଁ ଲିଭାଇବା କାର୍ଯ୍ୟ ଏବଂ ରୋଗୀଙ୍କ ଥଇଥାନ କାର୍ଯ୍ୟ ତଦାରଖ କରିଥିଲେ। ମନ୍ତ୍ରୀ କହିଛନ୍ତି, ଅଗ୍ନିଶମ ଅଧିକାରୀ ଏବଂ ଅଗ୍ନିଶମ କର୍ମଚାରୀ ଭଲ କାର୍ଯ୍ୟ କରିଛନ୍ତି। ସେମାନେ ଖୁବ କମ ସମୟ ମଧ୍ୟରେ ନିଆଁକୁ ନିୟନ୍ତ୍ରଣ କରିବାରେ ସକ୍ଷମ ହୋଇଥିଲେ, ଯେଉଁ କାରଣରୁ ଅଧିକ କ୍ଷୟକୁ ଏଡାଯାଇପାରିବ। ସୌଭାଗ୍ୟବଶତଃ ଡାକ୍ତରଖାନାରେ ଭିଡ଼ ନଥିବା ସମୟରେ ନିଆଁ ଲାଗିଯାଇଥିଲା।
