ଏକ ହଷ୍ଟେଲରେ ଭୟଙ୍କର ଅଗ୍ନିକାଣ୍ଡ,୧୪ ମୃତ ୧୮ ଗୁରୁତର…
1 min read
ଇରାକର ଏରବିଲ୍ ସ୍ଥିତ ଏକ ହଷ୍ଟେଲରେ ଭୟଙ୍କର ଅଗ୍ନିକାଣ୍ଡ ଘଟି ୧୪ ଜଣଙ୍କ ମୃତ୍ୟୁ ହୋଇଥିବା ବେଳେ ୧୮ ଜଣ ଗୁରୁତର ହୋଇଥିବା ଜଣାଯାଇଛି । ଗତକାଲି ଏକବିଲ୍ସ୍ଥିତ ଏକ ବିଶ୍ୱବିଦ୍ୟାଳୟ ହଷ୍ଟେଲରେ ଭୟଙ୍କର ନିଆଁ ଲାଗି ଯାଇଥିଲା । ଉକ୍ତ ହଷ୍ଟେଲରେ ଏକାଡେମିକ୍ କର୍ମଚାରୀ ଏବଂ ଛାତ୍ରମାନେ ରହୁଥିଲେ । ବିଲ୍ଡିଂର ତୃତୀୟ ଓ ଚତୁର୍ଥ ମହଲାରେ ନିଆଁ ଲାଗି ଯାଇଥିବା ବେଳେ ତାହା ଚାରିଆଡ଼କୁ ବ୍ୟାପିଯାଇଥିଲା । ଫଳରେ ବିଲ୍ଡିଂରେ ଥିବା ଛାତ୍ରଙ୍କ ସମେତ ଅନ୍ୟମାନେ ରକ୍ଷା ପାଇବା ପାଇଁ ଆକୁଳ ଚିତ୍କାର କରିଥିଲେ । ଖବର ପାଇ ତୁରନ୍ତ ଘଟଣାସ୍ଥାଳରେ ଅଗ୍ନିଶମ ବାହିନୀ ଓ ପୋଲିସ କର୍ମଚାରୀ ପହଞ୍ଚି ଥିଲେ । ବହୁ ପରିଶ୍ରମ ପରେ ନିଆଁକୁ ଆୟତ କରାଯାଇଥିବା ବେଳେ ଛାତ୍ର ହଷ୍ଟେଲରେ ଫସି ରହିଥିବା ଛାତ୍ର ମାନଙ୍କୁ ଉଦ୍ଧାର କରାଯାଇଥିଲା । ସେମାନଙ୍କ ମଧ୍ୟରୁ ୧୪ ଜୀବନ୍ତ ଜଳିଯାଇଥିବା ବେଳେ ଆଉ ୧୮ଜଣ ଛାତ୍ର ଗୁରୁତର ଆହାତ ହୋଇଥିଲେ । ତୁରନ୍ତ ସେମାନଙ୍କୁ ମେଡିକାଲ ନିଆଯାଇଥିଲା । ସେପଟେ ନିଆଁ ଲାଗିବାର କାରଣ ଅସ୍ପଷ୍ଟ ଥିବା ବେଳେ ସର୍ଟ ସର୍କିଟ ଯୋଗୁ ଅଗ୍ନିକାଣ୍ଡ ଘଟିଥିବା ପ୍ରାଥମିକ ଅନୁସନ୍ଧାନରୁ ଜଣାପଡିଛି । ଅପରପକ୍ଷେ ସ୍ୱୟଂଶାସିତ କୁର୍ଦ୍ଦିସ୍ତାନ ଅଞ୍ଚଳର ପ୍ରଧାନମନ୍ତ୍ରୀ ମାସୁର ବାରଜାନି ଏହି ଅଗ୍ନିକାଣ୍ଡର କାରଣ ଜାଣିବା ପାଇଁ ତଦନ୍ତ ନିଦ୍ଦେର୍ଶ ଦେଇଛନ୍ତି ।
