କୋଚିଂ ସେଣ୍ଟରରେ ଭୟଙ୍କର ଅଗ୍ନିକାଣ୍ଡ ; ଝରକା ତାଡି ୩ ମହଲାରୁ ଡେଇଁଲେ ଛାତ୍ରଛାତ୍ରୀ …
1 min read
ନୂଆଦିଲ୍ଲୀ : କୋଚିଂ ସେଣ୍ଟରରେ ଭୟଙ୍କର ଅଗ୍ନିକାଣ୍ଡ । ଜୀବନ ବିକଳେ ୩ ମହଲାରୁ ଡେଇଁଲେ ଛାତ୍ରଛାତ୍ରୀ । ସୂଚନାଯୋଗ୍ୟ ଯେ ଦିଲ୍ଲୀ ମୁଖାର୍ଜୀ ନଗରର ବତ୍ରା ସିନେମା ହଲ୍ ନିକଟରେ ଥିବା ଜ୍ଞାନ ବିଲଡିଂରେ ଭୟଙ୍କର ଅଗ୍ନିକାଣ୍ଡ ଘଟିଛି । ତେବେ ଏହି ବିଲ୍ଡିରେ ଅନେକଗୁଡିଏ କୋଚିଂ ସେଣ୍ଟର ଅଛି । ତେଣୁ ବିଲଡିଂରେ ନିଆଁ ଲାଗିବା ପରେ ଲୋକମାନେ ଜୀବନ ବିକଳେ ଆଡେ ସିଆଡେ ଧାଇଁଥିଲେ । କିଛି ଛାତ୍ରଛାତ୍ରୀ ଉପାୟ ନପାଇ ନିଆଁରୁ ବର୍ତ୍ତିବା ପାଇଁ ତୃତୀୟ ମହଲାରୁ ଡେଇଁପଡିଥିଲେ ।
ଏହି ସମୟରେ ୪ ଜଣ ଛାତ୍ର ଆହତ ହୋଇଥିବା ଖବର ମଧ୍ୟ ରହିଛି। ତେବେ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ନିୟନ୍ତ୍ରଣକୁ ନେଇଥିବା ଜଣାପଡିଛି । ଆହତ ଛାତ୍ରମାନଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଛି, ଯଦିଓ ଏଥିରେ କେହି ଗୁରୁତର ଆହତ ହୋଇନାହାଁନ୍ତି।
କୁହାଯାଉଛି ଯେ ଦିଲ୍ଲୀ ବିଶ୍ୱବିଦ୍ୟାଳୟ ପରିସରରେ ଥିବା ଏହି କୋଠାଟି ରାତି ୧୨ ଟାରେ ନିଆଁ ଲାଗିଯାଇଥିଲା। ଏହି ଘଟଣାର ଭିଡିଓ ମଧ୍ୟ ସାମ୍ନାକୁ ଆସିଛି। ଏଥିରେ ଦେଖିବାକୁ ମିଳେ ଯେ ବିଲ୍ଡିଂରେ ନିଆଁ ଲାଗିବା ପରେ ଛାତ୍ରଛାତ୍ରୀମାନେ କିପରି ଜୀବନ ରକ୍ଷା କରିବା ପାଇଁ ଝରକାରେ ଦଉଡି ଲଗାଇ ତଳକୁ ଡେଇଁଛନ୍ତି । ଆଉ କରହି କେହି ପାଇବ ଧରି ମଧ୍ୟ ବିଲଡିଂ ବାହାରେ ଝୁଲିରହିଥିଲେ । ପୋଲିସର ସୂଚନାନୁସାରେ, ତୃତୀୟ ମହଲାରେ ଥିବା ଏକ ବୈଦ୍ୟୁତିକ ମିଟରରେ ନିଆଁ ଲାଗିଯାଇଥିଲା। ଯଦିଓ ନିଆଁ ବଡ ନଥିଲା, କିନ୍ତୁ ଧୂଆଁ ଉଠିବା ପରେ ପିଲାମାନେ ଭୟଭୀତ ହୋଇ ପଛ ପଟ ଦେଇ ବିଲଡିଂରୁ ଓହ୍ଲାଇବାକୁ ଲାଗିଥିଲେ ।
