ବିଳମ୍ବିତ ରାତିରେ ଘଟିଲା ଭୟଙ୍କର ଅଗ୍ନିକାଣ୍ଡ, ଜୀବନ୍ତ ଜଳିଗଲେ ୬ ଜଣ

ଗ୍ଲୋଭ ଉତ୍ପାଦନ କାରଖାନାରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟିଛି । ତେବେ ଓଡିଶାରେ ନୁହେଁ ମହାରାଷ୍ଟ୍ରର ସମ୍ଭାଜୀନଗରରେ ଘଟିଛି ଏହି ଭୟଙ୍କର ଅଗ୍ନିକାଣ୍ଡ । 2023 ବର୍ଷର ଶେଷ ଦିନ ସାଜିଗଲା କାଳ । ନୂଆ ବର୍ଷ ଦେଖିବା ଆଗରୁ ନିଆଁରେ ପୋଡି ହୋଇ ୬ଜଣ ଜୀବନ୍ତ ଦଗ୍ଧ ହୋଇଯାଇଛନ୍ତି। ବିଳମ୍ବିତ ରାତିରେ ଶ୍ରମିକମାନେ ସମ୍ଭାଜୀ ନଗରରେ ଥିବା ଗ୍ଲୋଭସ ଫ୍ରାକ୍ଟ୍ରିରେ ଶୋଇଥିବା ବେଳେ କୌଣସି କାରଣରୁ ନିଆଁ ଲାଗିଯାଇଥିଲା। ନିଆଁ ଟି ଏତେ ଜୋରରେ ଥିଲା ଯେ ଚାହୁଁ ଚାହୁଁ ଚାରିଆଡକୁ ବ୍ୟାପିଯାଇଥିଲା। ଏହି ଭୟଙ୍କରନିଆଁ ୬ ପରିବାରକୁ ଦେଇଗଲା ଦୁଃଖ। ଏକ ସହ ଜଳିଗଲେ ୬ଜଣ ଶ୍ରମିକ ପୋଡିଯାଇଥିଲେ।ନିଆଁ ଲାଗି ହୁତ ହୁତ ହୋଇ କାରଖାନା ଜଳୁଥିବା ଦେଖି ସ୍ଥାନୀୟ ଲୋକ ଅଗ୍ନିଶମ ବାହିନୀକୁ ଖବର ଦେଇଥିଲା। ଖବର ପାଇ ଘଟଣାସ୍ଥଳରେ ପହଞ୍ଚି ଅଗ୍ନିଶମ ବାହିନୀ ନିଆଁକୁ ଆୟତ୍ତ କରିବାକୁ ଚେଷ୍ଟା କରୁଛନ୍ତି ।ଅଗ୍ନିଶମ ବିଭାଗ କାରଖାନାରେ ପହଞ୍ଚିବା ବେଳକୁ କାରଖାନା ପୋଡି ପାଉଁଶ ହୋଇଯାଇଥିଲା।

ସୂଚନା ଅନୁଯାୟୀ ,ବିଳମ୍ବିତ ରାତିରେ ନିଅ ଲାଗିଥିବା ବେଳେ କାରଖାନା ଭିତରେ ପାଖ ପାଖି 10 ରୁ 15 ଜଣ ଶ୍ରମିକ ରହିଥଲେ।ନିଆଁ ଲାଗିବା ସମୟରେ ଲୋକମାନେ କାରଖାନା ଭିତରେ ଶୋଇଥିଲେ। କିଛି ଲୋକ ଖସିଯିବାରେ ସଫଳ ହୋଇଥିବା ବେଳେ , କିନ୍ତୁ କିଛି ଲୋକ ଭିତରେ ଫସି ରହି ଯାଇଥିଲେ। ଶେଷ ରେ ୬ ଜଣଙ୍କ ମୃତଦେହ ଉଦ୍ଧାର କରାଯାଇଛି। କାରଖାନାରେ ଅଗ୍ନିକାଣ୍ଡ ଘଟଣାରେ ଅଗ୍ନିଶମ ଅଧିକାରୀକହିଛନ୍ତି ଯେ ସକାଳ 2.15 ରେ ଆମକୁ କଲ ଆସିଥିଲା। ଯେତେବେଳେ ଆମେ ଘଟଣାସ୍ଥଳରେ ପହଂଚିଲୁ ପୁରା କାରଖାନା ନିଆଁ ଲାଗିଯାଇଥିଲା ।କାହିଁକି ଓ କିପରି ନିଆଁ ଲାଗିଲା ସେ ନେଇ କୌଣସି ସୂଚନା ଏପର୍ଯ୍ୟନ୍ତ ଜଣା ପଡିନାହିଁ। ଅଗ୍ନିଶମ ବାହିନୀ ଦଳ ଘଟଣାସ୍ଥଳରେ ପହଞ୍ଚିଛନ୍ତି। ଉଦ୍ଧାର କାର୍ଯ୍ୟ ଆରମ୍ଭ ହୋଇଛି।