ଜଳି ପାଉଁସ ହେଲା ‘ଶ୍ରୀ ଶ୍ୟାମ ସୋରୁମ’ର ୨ କୋଟିର ଜିନିଷ ……..
1 min read
ନୟାଗଡ଼ ; ନୟାଗଡ଼ ଖଣ୍ଡପଡ଼ା ରାସ୍ତାରେ ଅବସ୍ଥିତ ଶ୍ୟାମା ପୋଷାକ ସୋରୁମରେ ବିଳମ୍ବିତ ରାତ୍ରୀରେ ଭୟାବହ ଅଗ୍ନିକାଣ୍ଡ ଘଟିଛି। ଏହି ଅଗ୍ନିକାଣ୍ଡରେ ୨ ଲକ୍ଷରୁ ଅଧିକ ଟଙ୍କାର ପୋଷାକ ଓ ଆସବାବପତ୍ର ପୋଡ଼ି ପାଉଁସ ହୋଇଯାଇଛି। ତେବେ ନୟାଗଡ଼ ଅଗ୍ନିଶମ ବାହିନୀର ୪ ଟି ଦମକଳ ଗାଡ଼ି ସାହାଯ୍ୟରେ ନିଆଁ ଆୟତ କରାଯିବାକୁ ଚେଷ୍ଟା ଚାଲିଛି। ସର୍ଟ ସର୍କିଟ ପାଇଁ ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି।
ସୂଚନା ଅନୁଯାୟୀ ସବୁଦିନ ଭଳି ବୁଧବାର ରାତି ୧୦ ଟା ପରେ ମାଲିକ ଓ କର୍ମଚାରୀମାନେ ଦୋକାନ ବନ୍ଦ କରି ଘରକୁ ଯାଇଥିଲେ । କିନ୍ତୁ ହାଠାତ୍ ରାତି ପାଖାପାଖି ୩ ଟା ସମୟରେ ଦୋକାନରୁ ଧୁଆଁ ବାହାରୁଥିବାର ଦେଖିବାକୁ ପାଇଥିଲେ ସ୍ଥାନୀୟ ଲୋକେ । ଏହାପରେ ସ୍ଥାନୀୟ ଲୋକମାନେ ତୁରନ୍ତ ମାଲିକଙ୍କୁ ଖବର ଦେବାସହ ଅଗ୍ନିଶମ ବିଭାଗକୁ ମଧ୍ୟ ଫୋନ କରିଥିଲେ । ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଯାଇଥିଲେ ମଧ୍ୟ ଦୋକାନଟି ବନ୍ଧ ଥିବାରୁ ନିଆଁ ଲିଭାଇବା କଷ୍ଟକର ହୋଇପଡିଥିଲା । ଯାହାଫଳରେ ନୟାଗଡା,ନୂଆଗାଁ ଏବଂ ଖଣ୍ଡପଡାରୁ ୪ ଦମକଳ ଗାଡି ସହ ୩୦ ରୁ ଉର୍ଦ୍ଧ କର୍ମଚାରୀମାନେ ନିଆଁ ଲିଭାରେ ନିୟୋଜିତ ହୋଇଥିଲେ ମଧ୍ୟ ପାଣି ଭିତରକୁ ଯାଇପାରିନଥିଲା । ତେଣୁ ବାଧ୍ୟହୋଇ ଜେସିବି ସାହାର୍ଯ୍ୟରେ ସୋରୁମଟିକୁ ଭଙ୍ଗାଯାଇଥିଲା । ଏହାପରେ ଦୀର୍ଘ ୪ ଘଣ୍ଟାର ଅକ୍ଳାନ୍ତ ପରିଶ୍ରମ ପରେ ନିଆଁକୁ ଆୟତ କରାଯାଇଥିଲା ।
