ପୁରୀରେ ଭୟଙ୍କର ଅଗ୍ନିକାଣ୍ଡ , ଧୂଆଁମୟ ହେଲା ଅଠରନଳା ଅଞ୍ଚଳ …

ପୁରୀ : ଶୁକ୍ରବାର ସକାଳେ ଅଠରନଳା ନିକଟରେ ଭୟଙ୍କର ଅଗ୍ନିକାଣ୍ଡ ଘଟିଛି । ମିଳିଥିବା ସୂଚନା ମୁତାବକ, ଅଠରନଳା ନିକଟରେ ଥିବା ବୈଦ୍ୟନାଥ ମନ୍ଦିରପଛ ପାଶ୍ଵରେ ଏକ କବାଡି ଖନାରେ ଅଗ୍ନିକାଣ୍ଡ ଘଟିଥିଲା ତେବେ ଖବର ପାଇ ପୁରୀ ଅଗ୍ନିଶମ ବିଭାଗ ଘଟଣା ସ୍ଥଳରେ ଆସି ପହଞ୍ଚିଥିଲା। ଅଗ୍ନିଶମ କର୍ମଚାରୀ ମାନେ ପ୍ରାୟ ଏକ ଘଣ୍ଟା ପରିଶ୍ରମ ପରେ ନିଆଁକୁ ଆୟତ କରିଥିଲେ।

ଅଗ୍ନିକାଣ୍ଡ ଘଟିଥିବା ସ୍ଥାନରୁ ମାତ୍ର ୧୦୦ ମିଟର ଦୂରରେ ଏକ ଘରୋଇ ହସ୍ପିଟାଲ ସହିତ ମନ୍ଦିର ଓ ଅନେକ ଦୋକାନ ରହିଛି। ତେବେ ଅଗ୍ନକାଣ୍ଡ କାରଣରୁ ମେଡିକାଲ ଓ କୌଣସି ଦୋକାନର କ୍ଷୟକ୍ଷତି ହୋଇନଥିବା ସ୍ଥାନୀୟ ବାସିନ୍ଦା ମାନେ ସୂଚନା ମିଳିଛି। କିନ୍ତୁ କବାଡି ଖାନାର ପ୍ରାୟ ୭୦ ହଜାର ଟଙ୍କାର କ୍ଷତି ହୋଇଛି ବୋଲି ସୂଚନା ମିଳିଛି ।

Advertisement

ସେହିପରି ଏହି ଅଗ୍ନିକାଣ୍ଡରେ କୌଣସି ବ୍ୟକ୍ତିଙ୍କ କ୍ଷତି ହୋଇ ନାହିଁ। ଅନ୍ୟପଟେ ଅଗ୍ନିକାଣ୍ଡ ଘଟିଥିବା ଘଟଣା ସ୍ଥଳ ନିକଟରେ ଅଗ୍ନିଶମ କର୍ମଚାରୀ ପହଞ୍ଚି କିପର ଅଗ୍ନିକାଣ୍ଡ ଘଟିଥିଲା ତାହାର ତଦନ୍ତ କରିଥିଲେ।