କେମିତି କରିବେ ଗୁଜୁରାଣ ? ଜଳି ପାଉଁସ ହେଲା ଜୀବିକା ନିର୍ବାହର ଏକ ମାତ୍ର ମାଧ୍ୟମ ..
1 min read
ବାଲେଶ୍ୱର : ସିଙ୍ଗଲା ଥାନା ଗୁତଡିହା ଗ୍ରାମ ରେ ବିଦ୍ୟୁତ ସର୍ଟସରକିଟରୁ ନିଆଁ ଲାଗି ଜଳିଗଲା ଘର, ଜଣେ ଗୁରୁତର। ସୂଚନା ଅନୁସାରେ ସାହାଡ଼ା ପଞ୍ଚାୟତ ର ଗୁତଡିହା ଗ୍ରାମ ର ସୁମନ୍ତ ମାଲ୍ଲିକ,ପୁଅ ରତିକାନ୍ତ ମଲ୍ଲିକ ଏବଂ ସ୍ତ୍ରୀ ସୁକେଶିନି ମଲ୍ଲିକଙ୍କ ତିନି ବଖରା ଏଜବେଷ୍ଟ ଘର ରହିଛି। ଉକ୍ତ ଘରେ ପରିବାର ସହ ମିଶି ଡ୍ରାଏଫୁଡ ତିଆରି କରି ଚଳିଆସନ୍ତି।
ତେବେ ସୋମବାର ରାତି ଆଠଟା ସମୟରେ କୈ।ଣସି କାରଣରୁ ଘରେ ହଠାତ୍ ନିଆଁ ଲାଗିଯାଇଥିଲା। ଗ୍ରାମବାସୀ ମାନଙ୍କ ସହାୟତା ରେ ନିଆଁ କୁ ଆୟତ କରାଯାଇଥିଲେ ମଧ୍ୟ ଘରେ ସବୁ ଡ୍ରାଏଫୁଡ ସହ ଆସବାବପତ୍ର ପୋଡ଼ି ପାଉଁଶ ହୋଇଯାଇଥିଲା। ତେବେ ନିଆଁ ଲାଗିବାର କାରଣ ବିଦ୍ୟୁତ ସର୍ଟସରକିଟରୁ ହୋଇଥିବା ବେଳେ, ଘର ଭିତର କାନ୍ଥ ଓ ସିଲିଙ୍ଗ ରେ ପଲଥିନ ଲଗାଯାଇଥିବା ରୁ ନିଆଁ ବହୁତ ଶୀଘ୍ର ମାଡିଯାଇଥିବା ଅଗ୍ନିଶମ ବିଭାଗ ର କର୍ମଚାରୀ ମାନେ କହିଛନ୍ତି। ଏଥିସହିତ ନିଆଁ ରୁ ଜିନିଷପତ୍ର ଉଦ୍ଧାର କରିବାକୁ ଯାଇ ମହିଳା ସୁକେଶିନି ମଲ୍ଲିକ ଗୁରୁତର ହୋଇଥିବା ବେଳେ ତାଙ୍କୁ ଉଦ୍ଧାର କରାଯାଇ ବାଲେଶ୍ଵର ମେଡିକାଲ କୁ ସ୍ଥାନାନ୍ତର କରାଯାଇଛି।
