ମାଛି ବିକ୍ରି କରିବାକୁ ବସିଥିଲେ , ଚଢିଗଲା କଣ୍ଟେନର …
1 min read
ରାୟଗଡା : ମାଛ ବିକାଳିଙ୍କ ଉପରକୁ ଚଢ଼ିଗଲା କଣ୍ଟେନର । ଆଜି ସକାଳୁ ରାୟଗଡ଼ା ସହରର ପୂର୍ତ୍ତ ବିଭାଗ ବଙ୍ଗଳା ସମ୍ମୁଖରେ ନିତିଦିନ ପରି ମାଛ ବିକ୍ରି କରୁଥିବା ଜଣେ ମାଛ ବିକାଳିଙ୍କ ଉପରକୁ ଭାରସାମ୍ୟ ହରାଇ କଣ୍ଟେନରଟି ଚଢିଯାଇଥିଲା । ଫଳରେ ଘଟଣା ସ୍ଥଳରେ ହିଁ ମାଛ ବିକାଳିଙ୍କର ମୃତୁ୍ୟ ଘଟିଥିଲା ।
ମୃତକ ହେଲେ ଖଳିଗୁଡ଼ା ଗାଁର ବୋଚ୍ଚା ପ୍ରକାଶରାଓ ପ୍ରତିଦିନ ସେ ମାଛ ବିକ୍ରିକରି ପରିବାର ପୋଷଣ କରନ୍ତି, ଦୁଇ ବର୍ଷ ପୂର୍ବେ ତାଙ୍କ ସ୍ତ୍ରୀ ରୋଡ ଦୁର୍ଘଟଣାରେ ଶିକାର ହୋଇ ବର୍ତ୍ତମାନ୍ ଅକାମି ଅଛନ୍ତି ଓ ତାଙ୍କର ଦୁଇ ଝିଅ ମଧ୍ୟ ଅଛନ୍ତି,ତାଙ୍କ ଆର୍ଥିକ ସ୍ଥିତି ଦୁର୍ବଳ ବୋଲି ଜଣାପଡ଼ିଛି । କଣ୍ଟେନରଟି ରାଉଲକେଲା ରୁ ବିଶାଖାପାଟଣା ଅଭିମୁଖେ ଯାଉଥିଲା, ବର୍ତ୍ତମାନ୍ ଘଟଣା ସ୍ଥଳରେ ରାୟଗଡ଼ା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।
ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଛି। ମୃତକଙ୍କ ପରିବାରଙ୍କୁ କ୍ଷତିପୂରଣ ଦାବିରେ ସ୍ଥାନୀୟ ଲୋକେ ଦାବି କରିଛନ୍ତି। ପୁଲିସ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରୁଛି ଓ ଘଟଣାର ତଦନ୍ତ କରୁଛି।
