ଲୋକସଭା ସୁରକ୍ଷା ତ୍ରୁଟିକୁ ନେଇ ହୋହାଲ୍ଲା କରି ନିଲମ୍ବିତ ହେଲେ ୫କଂଗ୍ରେସ ସାଂସଦ..
1 min read
ଡିସେମ୍ବର ୧୩ରେ ସାଂସଦ ଭିତରେ ଘଟିଥିବା ଅଘଟଣକୁ ନେଇ ଆଜି ଲୋକସଭାରେ ଚାଲୁଥିବା ଶୀତକାଳୀନ ଅଧିବେଶନରେ ହେଲା ହୋହାଲ୍ଲା । ଗୃହ କାର୍ଯ୍ୟ ଆରମ୍ଭରୁ ପୋଡିୟମ ଆଗକୁ ଆସି ବିରୋଧୀ ଦଳ ସାଂସଦମାନେ ହୋହଲ୍ଲା କରିବା ସହ ପ୍ରବଳ ହଟ୍ଟଗୋଳ କରିଥିଲେ । ଏହାକୁ ଏଡାଇବା ପାଇଁ ବାଚସ୍ପତି ବଡ କାର୍ଯ୍ୟନୁଷ୍ଠାନ ଗ୍ରହଣ କରିଛନ୍ତି । ତେବେ ପୂର୍ବରୁ ଆଜି ରାଜ୍ୟସଭାରୁ ଟିଏମସି ସାଂସଦ ଡେରେକ ଓ’ବ୍ରାୟନ ନିଲମ୍ବିତ ହୋଇଥିଲେ ।
ପରେ ଲୋକସଭାରେ ମଧ୍ୟ ସେହିଭଳି ପରିସ୍ଥିତି ଦେଖିବାକୁ ମିଳିଛି । ଲୋକସଭାରୁ ୫ ଜଣ ସାଂସଦଙ୍କୁ ନିଲମ୍ବନ କରିଛନ୍ତି ବାଚସ୍ପତି ଓମ୍ ବିର୍ଲା । ଲୋକସଭାରେ ହୋ ହାଲ୍ଲା କରିବା ସହ ସେମାନଙ୍କ ଆଚରଣକୁ ଅଶୋଭନୀୟ ଦର୍ଶାଇ ପାଞ୍ଚ ଜଣଙ୍କୁ ନିଲମ୍ବନ କରିଛନ୍ତି ବାଚସ୍ପତି ।
ନିଲମ୍ବିତ ହୋଇଥିବା ସଂମସ୍ତ ସାଂସଦ କଂଗ୍ରେସର ବୋଲି ଜଣାପଡିଛି । ନିଲମ୍ବିତ କଂଗ୍ରେସ ସାଂସଦ ହେଲେ ଡିନ କୁରିଆକୋସ, ହିବି ଇଡେନ, ଜୋଥିମଣି,ରମ୍ୟା ହରିଦାସ ଏବଂ ଟିଏନ ପ୍ରତାପନ ଅଛନ୍ତି । ସେମାନଙ୍କୁ ପୂରା ଶୀତକାଳୀନ ଅଧିବଶେନରୁ ନିଲମ୍ବନ କରାଯାଇଛି ।
