ଦଳିତ ଛାତ୍ରଛାତ୍ରୀଙ୍କ ଅର୍ଥ ଖାଇ ଯାଇଥିଲେ: ଗିରଫ ହେଲେ ପୂର୍ବତନ ମନ୍ତ୍ରୀ
1 min read
ନୂଆଦିଲ୍ଳୀ: ଦଳିତ ଛାତ୍ରଛାତ୍ରୀଙ୍କ ଅର୍ଥ ଖାଇ ଯାଇଥିବା ପୂର୍ବତନ ମନ୍ତ୍ରୀ ଗିରଫ । ପଞ୍ଜାବରେ ଏମିତି ଏକ ଘଟଣା ଦେଖିବାକୁ ମିଳିଛି । ପୂର୍ବତନ ମନ୍ତ୍ରୀ ତଥା ଅମରିନ୍ଦର ସିଂ ସରକାରରେ କ୍ୟାବିନେଟ୍ ମନ୍ତ୍ରୀ ସାଧୁ ସିଂ ଧରମସତଙ୍କୁ ମଙ୍ଗଳବାର ଗିରଫ କରାଯାଇଛି । ଭିଜିଲାନ୍ସ ବିଭାଗର ସ୍ୱତନ୍ତ୍ର ସେଲ ଦ୍ୱାରା ଗିରଫ ହୋଇଛନ୍ତି । ଅମରିନ୍ଦରଙ୍କ ସରକାରରେ ଜଙ୍ଗଲ ଏବଂ ସାମାଜିକ ନ୍ୟାୟ ଭଳି ଦୁଇଟି ଗୁରୁତ୍ୱପୂର୍ଣ୍ଣ ବିଭାଗର ଦାୟିତ୍ୱ ନେଇଥିଲେ ସାଧୁ ।
ସାମାଜିକ ନ୍ୟାୟ ବିଭାଗର ମନ୍ତ୍ରୀ ଜଣଙ୍କ ଦଳିତ ଛାତ୍ରଛାତ୍ରୀଙ୍କ ପାଇଁ ଥିବା ଯୋଜନାରୁ କୋଟି କୋଟି ଟଙ୍କା ଚଳୁ କରିଥିଲେ । ଏହି ଯୋଜନାର ମାଷ୍ଟର ମାଇଣ୍ଡ ରହିଥିବା ବେଳେ ଜଙ୍ଗଲ ବିଭାଗ ମନ୍ତ୍ରୀ ଭାବରେ ମଧ୍ୟ ଦୁର୍ନୀତି କରିଥିଲେ । ବିକାଶମୂଳକ ପ୍ରକଳ୍ପ ପାଇଁ ଗଛ କଟାଯାଉଥିବା ବେଳେ ପ୍ରତି ଗଛ ପିଛା ୫୦୦ ଟଙ୍କାର ଲାଞ୍ଚ ନେଇଥିଲେ ସାଧୁ । କଣ୍ଟ୍ରାକ୍ଟର ମାନଙ୍କ ଠାରୁ ଏହି ଲାଞ୍ଚ ନେଇଥିବା ନେଇ ଅଭିଯୋଗ ଆସିଥିଲା । ଏହି ଦୁଇ ମାମଲାରେ ପଞ୍ଜାବ ଭିଜିଲାନ୍ସ ମଙ୍ଗଳବାର ତାଙ୍କୁ ଗିରଫ କରିଛି ।
