କଟକ ରେ ଚତୁର୍ଥ ଶ୍ରେଣୀ ନାବାଳିକାକୁ ଦୁଷ୍କର୍ମ , ସ୍କୁଲରୁ ଫେରିବା ସମୟରେ ଟେକିନେଇଗଲେ ଦୁବୁର୍ତ୍ତ
1 min read
କଟକ : କଟକ ସହରରୁ ସାମ୍ନାକୁ ଆସିଲା ଲଜ୍ୟକର ଘଟଣା । କଟକର ଏକ ଆଶ୍ରମ ରେ ରହୁଥିବା ଜଣେ ଶିଶୁ କନ୍ୟା ଦୁଷ୍କର୍ମର ଶିକାର ହୋଇଥିବା ଅଭିଯୋଗ ହୋଇଛି । ୨୯ ତାରିଖ ଦିନ ସ୍କୁଲ ଫେରିବା ବାଟରେ ୪ ଟା ସମୟରେ ଦୁଷ୍କର୍ମ କରାଯାଇଛି । ଏ ନେଇ ରେଳବାଇ ଥାନା ଗତକାଲି ଏକ ମାମଲା ରୁଜୁ କରିଛି । ଶିଶୁ କନ୍ୟାଟିର ସ୍ବାସ୍ଥ୍ୟାବସ୍ଥା ଗୁରୁତର ଥିବାରୁ ଚିକିତ୍ସା ପାଇଁ ତା’କୁ ଏସସିବିରେ ଭର୍ତ୍ତି କରାଯାଇଛି । ଏବଂ ଅଭିଯୋଗ ପାଇବା ପରେ କଟକ ରେଳବାଇ ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।
ତେବେ ଅଭିଯୁକ୍ତ ବାବଦରେ ପୋଲିସକୁ ପ୍ରାଥମିକ ଭାବେ କୌଣସି ସୂଚନା ମିଳି ପାରିନାହିଁ । ଶିଶୁ କନ୍ୟାଟିର ବୟସ ୧୦ ରୁ ୧୧ ବର୍ଷ ହୋଇଥିବା ବେଳେ ଚତୁର୍ଥ ଶ୍ରେଣୀରେ ପାଠ ପଢୁଥିଲେ । ଶିଶୁ କନ୍ୟାଟିର ମା’ଙ୍କ ମୃତ୍ୟୁ ହୋଇଯାଇଥିବା ବେଳେ ଏକ ମାମଲାରେ ଗିରଫ ହୋଇ ବାପା ଜେଲରେ ଅଛନ୍ତି । ଫଳସ୍ବରୂପ ଶିଶୁ କନ୍ୟାଟି ନିଜ ବଡ ଭାଇ ସହିତ ଏକ ସର୍ଟ ଷ୍ଟେ ହୋମ (ଆଶ୍ରମ)ରେ ରହୁଥିଲା । ଶିଶୁ କନ୍ୟାଟି ୨୯ ତାରିଖ ଦିନ ସ୍କୁଲରୁ ଫେରିବା ସମୟରେ ତା ସହିତ ଏହି ଅମାନୁଷିକ କାଣ୍ଡ ହୋଇଥିବା ଅଭିଯୋଗ ହୋଇଛି ।
ଘଟଣାକୁ ଗୁରୁତ୍ୱ ର ସହ ଗ୍ରହଣ କରିଛି grp ଥାନା ପୋଲିସ । ରେଳବାଇ Dsp ଙ୍କ ଅଧିନୟରେ ୪ ଜଣିଆ ଟିମ ଗଠନ କରାଯାଇଛି । ସ୍ଥାନ ଚିହ୍ନଟ କରାଯାଉଛି ଓ cctv କୁ ମଧ୍ୟ ଯାଞ୍ଚ କରାଯିବ ବୋଲି କହିଛନ୍ତି ଏସପି ବିରଞ୍ଜି ପ୍ରସାଦ ଦେହୁରୀ ।
