ବନ୍ଧୁତାରେ ବିଷ ଦେଲା ସାଙ୍ଗ ; ଘରୁ ଡାକିନେଇ ନିଶା ଦେଇ ରଚାଇଲା ଜଘନ୍ୟ ହତ୍ୟାକାଣ୍ଡ..
1 min read
କଟକ : ବନ୍ଧୁ ସାଜିଲା ବନ୍ଧୁ ବଇରି, ବିଶ୍ୱାସରେ ଦେଇ ଦେଲା ବିଷ। ରାତିରେ ଘରୁ ମଦ ପିଆଇବା କହି ଡାକିନେଇ ଘଟାଇଲା ଜଘନ୍ୟ ହତ୍ୟା କାଣ୍ଡ । ସାଙ୍ଗକୁ ମଦ ଦେଇ ପ୍ରଥମେ ନିଶା କରାଇଲା ତାପରେ ମୁଣ୍ଡକୁ ପ୍ରବଳ ମାଡ ମାରି ଛଟପଟ ଅବସ୍ଥାରେ ଛାଡି ଚାଲିଆସିଲା ।
ଏଭଳି ଏକ ଅଭାବନୀୟ ଘଟଣା କଟକ ଜିଲ୍ଲା ବାଙ୍କୀ ଥାନା ଅନ୍ତର୍ଗତ ଡମପଡା ଗ୍ରାମ ପଞ୍ଚାୟତର ବ୍ରାହ୍ମଣୀଆ ଗାଆଁ ରେ। ଗତ ଏଗାର ତାରିଖ ରାତିରେ ସେହି ଗ୍ରାମର ଅଶୋକ ନାୟକ ଓରଫ ମୁନା କାବୁ ଭୋଇଙ୍କ ଘର୍ କୁ ଏକ ସ୍କୁଟି ରେ ଆସି ଡମପଡା ମଦ ପିଇବାକୁ ଯିବା କହି ଡାକି ନେଇଥିଲେ। ହେଲେ ମଦ ପିଇ ସାରି ଦୁଇ ଜଣଙ୍କ ମଧ୍ୟରେ କଣ ବଚସା ହେଲା ଯେ ମୁନା କାବୁର ମୁଣ୍ଡକୁ ଜାଣି ଶୁଣି ପ୍ରବଳ ମାଡ଼ ମାରିବା ଦ୍ବାରା ସେଇଠି ହିଁ କାବୁ ରକ୍ତ ଜୁଡୁ ବୁଡି ଅବସ୍ଥାରେ ଟଳି ପଡ଼ିଥିଲେ। କାବୁର ରକ୍ତ ଯୁଡୁବୁଡୁ ଅବସ୍ଥା ଦେଖି ମୁନା ସେଠାରୁ ଖସି ଆସି ଗାଆଁ ରେ ଚାଲିଥିବା ସଭାରେ କାବୁକୁ ମାରି ଦେଇ ଥିବା କଥା କହି ଦେଇଥିଲେ।
ଗାଆଁ ଲୋକେ ମୁନା ଠାରୁ ଏହି ଘଟଣା ଶୁଣି ସଙ୍ଗେ ସଙ୍ଗେ ଯାଇ ଦେଖିବା ବେଳକୁ ମୁନା ସଙ୍କଟାପନ୍ନ ଅବସ୍ଥାରେ ପଡ଼ିଛି। ବାଙ୍କୀ ପୋଲିସ କୁ ଖବର ଦେବା ସହିତ ସଙ୍ଗେ ସଙ୍ଗେ କଟକ ବଡ ଡାକ୍ତରଖାନାକୁ ଚିକିତ୍ସା ପାଇଁ କାବୁଙ୍କୁ ଭର୍ତ୍ତି କରା ଯାଇଥିଲା। ମାତ୍ର ସେଠାରେ କାବୁଙ୍କର ମୃତ୍ୟୁ ଘଟିଛି। କାବୁ ର ବାପାଙ୍କ ଅଭିଯୋଗ କ୍ରମେ ପୋଲିସ ଘଟଣା ସ୍ଥଳରେ ପହଂଚି ଅଭିଯୁକ୍ତ ମୁନା କୁ ଗିରଫ କରିଛି। ଯେଉଁ ଭଳି ଜଣେ ବନ୍ଧୁ ତାର ବନ୍ଧୁ କୁ ପିଇବାକୁ ଡାକି ହତ୍ୟା କଲା ତାକୁ ଫାଶୀ ଦେବାକୁ କାବୁ ର ବାପା କପିଳ ଭୋଇ ଥାନାରେ ଅଭିଯୋଗ କରିଛନ୍ତି ।
