ଭୁବନେଶ୍ୱରରେ ଚାଞ୍ଚଲ୍ୟ ; ସାଙ୍ଗକୁ ଲୁହା ରଡ଼ ଓ ପ୍ଲାଷ୍ଟିକ ପାଇପରେ ପିଟି ଜୀବନ ନେଲା ସାଙ୍ଗ

ଭୁବନେଶ୍ୱର : ପୁଣି ଦ୍ରୁତ ଗତିରେ ବଢୁଛି ରାଜଧାନୀରେ ଅପରାଧ । ସାମ୍ନାକୁ ଆସିଲା ସ୍ମାର୍ଟସିଟି ଭୁବନେଶ୍ୱରର ଏକ ବିଭତ୍ସ ହତ୍ୟା କାଣ୍ଡ । ଲାଗିଲା ବନ୍ଧୁତ୍ୱ ଭଳି ସମ୍ପର୍କରେ କଳଙ୍କ । ରକ୍ତ ରଞ୍ଜିତ ହେଲା ବନ୍ଧୁତ୍ୱ । ସାଙ୍ଗକୁ ପିଟି ପିଟି ଜୀବନ ନେଇଗଲା ସାଙ୍ଗ । ଏଭଳି ଏକ ବିଭତ୍ସକର ଘଟଣା ଖଣ୍ଡଗିରି ଥାନା ବାହାଦଲପୁର ଅଞ୍ଚଳରେ ଦେଖିବାକୁ ମିଳିଛି । ମୃତକ ଜଣକ ହେଲେ ଅଶୋକ ସେଠୀ ।

ଗତକାଲି ରାତିରେ ଅଶୋକ ଓ ଅଭିଯୁକ୍ତ ଜଗନ୍ନାଥଙ୍କ ମଧ୍ୟରେ ପାଟି ତୁଣ୍ଡ ହେଇଥିଲା । ମଦ ପିଇ ଦୁଇ ଜଣଙ୍କ ଭିତରେ ହେଇଥିଲା ବଚସା ଓ ପରେ ଉଗ୍ରରୂପ ନେଇଥିଲା , ପରେ ଜଗନ୍ନାଥ ଅଶୋକ କୁ ଲୁହା ରଡ଼ ଓ ପ୍ଲାଷ୍ଟିକ ପାଇପ ରେ ପିଟିଥିଲା । ଘଟଣା ସ୍ଥଳରେ ଅଶୋକ ଙ୍କ ମୃତ୍ୟ ହେଇଥିଲା । ଖବର ପାଇ ଘଟଣାସ୍ଥଳ ରେ ଖଣ୍ଡଗିରି ପୋଲିସ ତଦନ୍ତ କରିବା ସହ ଅଭିଯୁକ୍ତ ଜଗନ୍ନାଥ ଧୀବର କୁ ଅଟକ ରଖିଛି।

Advertisement

ମିଳିଥିବା ସୂଚନା ଅନୁଯାୟୀ ଦୁଇ ଜଣ ସଫେଇ ଗାଡ଼ି ଦ୍ରାଇଭର୍ ଭାବରେ କ।ର୍ଯ୍ୟ କରୁଥଲେ ।