ଅର୍ଥକୁ ନେଇ ଅନର୍ଥ ; ବନ୍ଧା ପଡ଼ିଲା ଗୌରୀ ଗଣନାଟ୍ୟ ,ଥାନାରେ ପ୍ରତିଶୃତି ପରେ ମୁକୁଳିଲା ଯାତ୍ରାପାର୍ଟି ଗାଡ଼ି …..
1 min read
ବାହାନଗା ; ବାଲେଶ୍ବର ଜିଲ୍ଲା ବାହାନଗା ବ୍ଲକ ଗୋପାଳପୁର ଥାନାରେ ଅର୍ଥକୁ ନେଇ ଅନର୍ଥ ଦେଖାଦେଇଛି । ଯାତ୍ରା କମିଟି ଠାରୁ ଟଙ୍କା ନେଇ ଯାତ୍ରା ପରିବେଷଣ ନକରି ଯାତ୍ରା ପାର୍ଟି ବିକିଦେଲା ଯାତ୍ରାପାର୍ଟି ମାଲିକ , ଶେଷରେ କିଣିଥିବା ଯାତ୍ରା ପାର୍ଟିକୁ ଟଙ୍କା ଫେରସ୍ତ ପାଇଁ ଅଟକାଇଲେ ୪ ଗୋଟି ଯାତ୍ରା କମିଟି ।
ଖବର ଅନୁସାରେ ବିଗତ ୨ ବର୍ଷ ତଳେ ଯାତ୍ରା ମାୟାନଗରୀ ଯାତ୍ରା ପାର୍ଟି ଗୋପାଳପୁର ଥାନା ଜଗନ୍ନାଥପୁର ଯାତ୍ରା କମିଟି ଠାରୁ ଯାତ୍ରା ପରିବେଷଣ ପାଇଁ ଆଡ଼ଭାନ୍ସ ଅଗ୍ରୀମ ଦେଢ଼ ଲକ୍ଷ , ବେଗୁନିଆ ଘଣ୍ଟେଶ୍ୱର ଯାତ୍ରା କମିଟି ଠାରୁ ୧ ଲକ୍ଷ ୧ ହଜାର, ଖରାସାହାପୁର ଯାତ୍ରା କମିଟି ଠାରୁ ୧ ଲକ୍ଷ, ଭଦ୍ରକ ଧାମନଗର ଯାତ୍ରା କମିଟି ଦେଢ଼ ଲକ୍ଷ ଟଙ୍କା ଯାତ୍ରା ପରିବେଷଣ ପାଇଁ ଆଡ଼ଭାନ୍ସ ଟଙ୍କା ନେଇଥିଲା । ପରେ ଚଳିତ ବର୍ଷ ଯାତ୍ରା ଦଳ ଖେଳିବାର ଅବ୍ୟହିତ ପୂର୍ବରୁ ମାୟାନଗରୀ ଯାତ୍ରାପାର୍ଟି କୁ ଗୌରୀ ଗଣନାଟ୍ୟ କିଣିନେଇଥିଲା । ପରେ ଆଡ଼ଭାନ୍ସ ଦେଇଥିବା ଯାତ୍ରାକମିଟି ମାନେ ଟଙ୍କା ଫେରସ୍ତ ପାଇନଥିଲେ । ଗୋପାଳପୁର ଥାନା ନୂଆପୁର ଗ୍ରାମରେ ଦୁର୍ଗାପୂଜା ଉପଲକ୍ଷେ ଗୌରୀ ଗଣନାଟ୍ୟ ଯାତ୍ରା ପାର୍ଟି ଯାତ୍ରା କରୁଥିଲା ।
ଗତକାଲି ରାତି ଠାରୁ ଟଙ୍କା ପାଇନଥିବା ୪ ଗୋଟି ଯାତ୍ରା କମିଟି ଜଗି ରହିଥିଲେ । ଆଜି ଯାତ୍ରା ସାରି ଟ୍ରକ ଫେରୁଥିବା ବେଳେ କମିଟି ସଦସ୍ୟ ଗାଡ଼ି କୁ ଅଟକାଇ ଟଙ୍କା ଦାବି କରିଥିଲେ । ପରେ ଜଗନ୍ନାଥପୁର ଯାତ୍ରା କମିଟି ପକ୍ଷରୁ ଗୋପାଳପୁର ଥାନାରେ ଲିଖିତ ଅଭିଯୋଗ ପରେ ଯାତ୍ରା ଗାଡି ସହ ଯାତ୍ରା ପାର୍ଟି ମ୍ୟାନେଜର ଗୋପାଳପୁର ଥାନାରେ ପହଞ୍ଚିଥିଲେ । ପରେ ଗୌରୀ ଗଣନାଟ୍ୟ ଯାତ୍ରା ପାର୍ଟି ର ମ୍ୟାନେଜର ସଞ୍ଜୟ କୁମାର କର (ଲୁଲୁ) ଥାନାରେ ପହଞ୍ଚି ଆସନ୍ତା ୩୦ ତାରିଖ ସୁଦ୍ଧା ସମସ୍ତ ଟଙ୍କା ଫେରାଇ ଦେବାର ଲିଖିତ ପ୍ରତିଶ୍ରୁତି ଦେବାପରେ ଯାତ୍ରା ଗାଡ଼ି ମୁକୁଳିଥିଲା ।
