କଲେଜ୍ରୁ ଘରକୁ ଫେରୁଥିଲେ ଛାତ୍ରୀ , ଚଢିଗଲା ଟ୍ରକ୍
1 min read
ଭୁବନେଶ୍ୱର : ଘରୁ କଲେଜ୍ ଯାଇ ଆଉ ଫେରିପାରିଲେନି ଛାତ୍ରୀ । ଫେରୁଥିବା ସମୟରେ ଚଢିଗଲା ଟ୍ରକ୍ । ଏଭଳି ଘଟଣା ବାଲେଶ୍ୱର ଜିଲ୍ଲା ଔପଦା ଥାନା ଅନ୍ତର୍ଗତ ଢିଁପୁର ଆଦର୍ଶ ବିଦ୍ୟାଳୟ ନିକଟରେ ଘଟିଛି ।ବର୍ତ୍ତମାନ ଯାଏ ସୁଦ୍ଧା ମୃତ ଛାତ୍ରୀ ଜଣଙ୍କର ପରିଚୟ ମିଳିପାରିନାହିଁ । ହେଲେ ତାଙ୍କ ଘର ଔପଦା ଥାନା ଅନ୍ତର୍ଗତ ମଇଁଷାଡାଳି ଗ୍ରାମରେ ବୋଲି ଜଣାଯାଇଛି ।
ଶନିବାର ଛାତ୍ରୀ ଜଣଙ୍କ ସାଇକେଲରେ ଘରକୁ ଫେରୁଥିଲେ ।
ଏହି ସମୟରେ ଢିଁପୁର ଆଦର୍ଶ ବିଦ୍ୟାଳୟ ନିକଟରେ ଛାତ୍ରୀଙ୍କ ସାଇକେଲ ଆଗକୁ ହଠାତ୍ ଏକ କୁକୁର ଆସିଯାଇଥିଲା। ଛାତ୍ରୀ ଜଣଙ୍କ କୁକୁରକୁ ଧକ୍କା ଦେଇ ତଳେ ପଡ଼ି ଯାଇଥିଲେ। ସେହି ସମୟରେ ପଛରୁ ଆସୁଥିବା ଟ୍ରକ୍ ତାଙ୍କ ଉପରେ ମାଡ଼ିଯାଇଥିଲା। ଘଟଣାସ୍ଥଳରେ ଛାତ୍ରୀଙ୍କର ମୃତ୍ୟୁ ଘଟିଥିଲା।
Advertisement
ସ୍ଥାନୀୟ ଲୋକଙ୍କଠାରୁ ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଥିଲା । ଏହାସହ ଦୁର୍ଘଟଣା ଘଟାଇଥିବା ଟ୍ରକ୍କୁ ଜବତ କରିବା ସହ ଡ୍ରାଇଭରକୁ ଅଟକ ରଖି ପଚରାଉଚରା ଚଳାଇଛି ପୋଲିସ ।
